ابرحل وباخذ لهفتي واخذ اشواقي
واببعد عن ْديارك وارّوح مراح الطير
من اليوم بحرق ذكرياتي مع اوراقي
وابطعن خفوق ٍ ناوي ٍ يذكرك بالخير
اباهد خيمة غفلتي واطوي رواقي
وابرحل ولا ابغى منك عذر ٍ ولاتبرير
قتلتي الفرح يوم الفرح لاح بافاقي
وظلمتي قديم الشوق والله يا..........
خيانتك أعمت ناظري وكسرت ساقي
لك الله يا كسر ٍ فنا مالقى تجبير
كذبتي وكذبتي لين زودتي ارهاقي
وسرقتي من عيوني الهنا وخانني التفكير
انا اللي على عهد الوفا دايم ٍ باقي
وغيري على درب الخيانة بتل في السير
طعونك يا ....... تتعب جروحها الراقي
تخيْل بسهمها خافق المبتلا وتغير
كرهتك كرهتك جد من داخل اعماقي
كرهت اسمك وصوتك وطاريك بدّ الغير
كرهتك كراهة عيني لجرح خفاقي
مثل كره راعي الطيب لْمجَالس اهل الكير
كرهت الغلا والحب والشعر واشواقي
وكرهتك كراهة مدمن البخل للتبذير
كشفك الولي ليّه قبل يدني ازهاقي
وبانت فعولك يوم ربي نوى بي خير
ابرحل قتيل طعوني وعمرك الباقي
ابرتاح من جرحي وعند الله التدبير
ابشّْرك طحتي اليوم من محجر احداقي
ولا عاد لك عندي معزة ولا تقدير



ابي ردودكم



تحياتي