أحبها وميت فيها الله يخليها ومايكفي لو أكتب فيها قصيده

اشلون أبوصف لكم اني أهواها وكيف أحتفل بالعيد وأنا واياها



أصلا عيد الحب هو يحتفل فيها هي عيدي وحفلتي وسنتي الجديده

قالت في هاليوم كلمه ما أنساها كلمه من أربع حروف يامحلاها



أموت وأحيا وأموت وأحيا فيها لما تقولها معرف أقول جمله مفيده

ويضيع تفكيري في هالكلمه وصداها وأنسى الدنيا و أتذكر حبها و غلاها



حبيبتي و روحي و عمري أبي أناديها وأبي عيد الحب يعترف انها هي عيده

أفتخر في حبها ولا أحب سواها ومستحيل أعيش في هالدنيا بلياها



اليوم عيد الحب وأنا لازم أجيها والله لأجيها حتى لو المسافه بعيده

اليوم عيد الحب وأنا بجلس معاها أتنفس أنفاسها وأذوب في دفاها



أبي العالم كله يعرف اني أبيها أحبها وتحبني و حبنا الله يزيده

فديت خضار عيونها وأحمر شفاها سبحانه أبدع يوم خلقها وسواها



ياناس أحبها بجنون وأموت عليها واثق من احساسي ومشاعري أكيده

مغرور ومن حقي أنغر في حلاها و أفتخر اني مغرور مادمت أهواها