تويت
تقول المشكله فيني وانا طفله رضعت احزان
ولفيت الكون في حزة غيابه يوم خلاني
يبه في داخلي كلمه ولكن صوتها غفيان
يرددها طفل غيري وتمتمها بوجداني
ولا صوره بقت يمه .. حقيقه وأصبحت نسيان
ماغير أسمه من الذكرى ووصفك له بأذهاني
ياشامخ حزني يذبحني يتيمه ومالها عنوان
وانا مثلي مثل طيري زماني قص جنحاني
دخيلك كفي دموعك ترانا كلنا يتمان
اذا كان الحزن هدك انا حزني تبلاني
انا شفته تحضنته وسقاني والدي تحنان
ربيت ولمني حوله وعينه دوم ترعاني
تعنت خطوتي ودمعي حلف مايفارق اعياني
توفى وأنتهى عمري انا بعده بقايا أنسان
جنون الشوق في صدري يقول شلون ينساني
يبه وينك شف دلالك تنادي وداخلي تعبان
يبه هيلك وفناجيلك على شوفك ترجاني
انا من غيبته كني غريب وفاقدٍ أوطان
لاشك الشوق يضميني وخفوقي بغيبتك بردان
وصدى صوته يناديني تعال واسكن احضاني
حكاية يتمي يتبعها أسى ويصاحبه نكران
امل ميت وسط دربي تدوسه خطوة اخواني
تعالي وناظري حزني بيخمد داخلك بركان
تعرفين اليتم انه وطن يسكن بوجداني
منقول
تعليق