موادع

ليل الوداع الي سرى في خيالي=ليل كرهته ما هقيت انه يعود
ليل ثقيل حال دون الوصالي=كسر قلوب الناس في يوم موعود
لولاه كان الحب عندي مثالي=وكان الامل في دنيتي شي موجود
خطوة شجاعه ترفعك بالعلالي=وخطوة جبانه تنزلك درب مسدود
ان ضاع طيفك واختفى وانت غالي=ضاعت سنيني وما انتجت شي مردود
وان غاب طيفك وانت خالي وسالي=بضحك على الفرقى وانا صافي المود
لحن الحزن يبكي عيون الغوالي=لحن يناسبني على جرة العود
بعزف وانا من عزفي اليوم صالي=دمعة الم تحرق بساتين وورود
دمعه سقيمه من عيون كحالي=تسرق حلاها والحلا في البحر زود
يا سامع ابياتي وعالم بحالي=ارفق تراني من الهوى صرت مجهود
جاتك حروف الشعر تبع توالي=من قلب عاشق مغرم فيك مسهود
طال الغياب وعشت سود الليالي=وحيد ذابحني الوله والشوق موقود
بقولها وانا لحزن صمتي موالي=البعد نار تحرق الطفل والعود
يا مهاجره غبتي وذكرك طرى لي=وابدعت لك من كنزي سوار وعقود
ذكرى جميله من حبيب يغالي=يتعب على حبك وعيونه شهود
اطلبك تذكرني ولو طال المطالي=وتذكر سنين عشتها بأفراح ومهود
واخر كلامي يا بعيد المنالي=ليتك وفيتي قلب بحبه يجود
نامي وعيشي دنيتك لا تبالي=يحرسك قلبي الي عن الناس موصود


وسلامتكم