رواية فارس أحلامي ( للكاتبه بنت السعوديه )كامله

**wat** · 08-09-2007, 10:33 PM

بندر اخيرا طلع من غرفته وكان يبي يطلع قبل ساره تشوفه,, ووقفته ساره
ساره: بندر ايش سويت بالموضوع؟؟؟؟
بندر: سارونه حبيبتي قلت لك اتركي الموضوع علي
ساره: الى متى لما يجي الخميس ؟؟
بندر: لانشالله اليوم
ساره: عموما انا راح ادق ع مشاعل الساعه 12 بالليل واقول لها كل شي اذا ماتبي تخسرها قول لها قبل الساعه12 ع الاقل تجي منك
بندر : طيب عطيني فرصه لبكره
ساره: ولا دقيقه بعد 12,, يكفي اني سكت امس
بندر يقرب من ساره وبحنان: سارونه انا ماطلب المستحيل بس بكره ,, ووعد مني اذا ماقلت لها بكره انا راح ادق عليها قدامك واخليك انتي الي تقولي لها
ساره تذكرت مواقف اخوها معاها ,,, ومستحيل ترده,, وهو ماطلب الا فرصه يوم واحد بس
ساره: اوكي بكره الساعه 10 اخر فرصه لك اتفقنا
بندر يبتسم : اتفقنا
طلع بندر يدور بالسياره مايعرف ايش يقول لمشاعل,,, يبي يصارحها,, بس خايف تتركه,,لازم يلقى له خطه ,,, لازم,,, فكر وفكر,, وظل يفكر لما داخ من كثر التفكير والدوران ,,, وعوره راسه,,, وقرر يرجع للبيت والي كاتبه الله راح يصير
000000000000000000000000000000 00كانت هيفاء مشغوله بالرقص مع صاحباتها وكانوا رافعين ع الصوت لدرجه انك تحس ان البيت راح يجيه زلزال من قوه الصوت,, بس بما ان السهره كانت في البيسمنت كان الصوت مو مسموع بالنسبه لباقي غرف البيت,, ونظر لكبر البيت وقوه بنيانه صعب تسمع اي صوت فيه,, وكانت هيفاء مانعه لمياء وغاده من انهم دخلوا حفلتها الصغيره,,, اول شي لانها تكره غاده اما لمياء تفشلها لانها متواضعه,, وبنظر هيفاء الغرور لازم خاصه مع حالتهم الماديه والرفاهيه الي عايشين فيها
كان طلال يتمشى بالحديقه الخلفيه وهو يكلم ساره
طلال: ساره انتي قلتي لي ان بندر اليوم راح يقول لميشو
ساره: انا قلت بس صارت ضروف اقوى مني ومنه
طلال: ساره انا خايف انك تصرفيني,, وتبي تضيعي الوقت ع شان ميشو تتزوج اخوك
ساره: انا عطيت بندر فرصه لحد الساعه 10 بالليل اذا ماقال لميشو شي راح اقول لها انا
طلال: ساره وربي مو قادر اصبر لحد الساعه 10
ساره : الي خلاك تستنى هالشهور استني يوم واحد بس
طلال: طيب ساره تكفين ردي علي ع طول ترى اعصابي تعبت
ساره: اوكي لاتشيل هم انت نام وارتاح وانشالله خير
طلال: الله يسمع منه,, اوكي ساره انا اسف ازعجتك وتعبتك معاي
ساره تبتسم: صح انك تعبتني ,,, بس انشالله انا راح اخلي ميشو تاخذ بثاري منك وتتعبك
طلال: احلا تعب وربي بس هي تكون معاي
ساره : لهدرجه تحبها
طلال : انا اموت بدونها,, ماتتخيلي كيف حياتي بارده ومالها طعم بدونها
ساره: الله يجمعكم انشالله اذا فيه خير لكم
طلال: امين,, ساره ودي اسالك سؤال بس ابيك تجاوبيني بصراحه
ساره:قول
طلال: ميشو تحكي عني؟؟؟
ساره: اممممممم ,, هذي اسرار ماقدر اقول لك
طلال: يله عاد ساره قولي
ساره: بصراحه بعد الي صار قلت طلعاتي مع ميشو واذا جيتها بالبيت تعرف ام سلطان تكون بالبيت ومانقدر ناخذ راحتنا ,, وهذا غير ان نفسيتها كانت تعبانه من بعد الي صار لها ,,, وخفت ازيد هموما لما احكي عنك او اجيب طاريك,, حتى هي كانت تتحاشى انها تتكلم عنك ,, بس انا متاكده انها من جوا تموت شوق لك
طلال مره انبسط بهالكلام,, وشكر ساره ع الدعم,, وعلى وقفتها معاه
قفل منها وانتبه للبيسمنت الي مليان بنات,, وكان فيه ثنتين طالعين يتمشوا بالحديقه,, وكانوا يطالعوا طلال وودهم ياكلوه من النظرات
طلال تركهم ورجع لغرفته ودق ع هيفاء, والي ردت عليه وصوت الميوزك مغطي ع صوتها
هيفاء تصارخ: هاه طلال ايش تبي
طلال: اطلعي برا بالحديقه ع شان اسمعك
000000000000000000000000طلعت هيفاء برا
هيفاء: هلا
طلال: حبيبتي قفلوا الستاره لان العمال راح يشوفوكم
هيفاء: اي عمال كلهم نايمين,, وبعدين مانبي الكتمه ونسكر كل شي وكاننا بسجن
طلال: حبيبي انتي عارفه ان البيسمنت كله قزاز ومكشوف ع كل الي برا,, مايصير ياقلبي
هيفاء: يوووووه طلال تبي صاحباتي يضحكوا علي ويقولوا معقده
طلال طفش من اخته العنيده: طيب بس انتبهوا
هيفاء: طلول صاحباتي انجنوا عليك
طلال: طيب ايش اسوي لهم
هيفاء: خذ هذي عنود تبي تكلمك
العنود: هاي طلولي
طلال: تمونين طلولي ,, اقول روحي ارقصي ابرك لي
وقفل بوجهها
العنود منصدمه: ياي هيفاء اخوك جفس,, قفل بوجهي
هيفاء: هههههههههه,, حبيبتي اخوي ثقل
العنود: والله لاطيحه
هيفاء: هههههههههههه,, يله الله يقويك
العنود: انتي بس عطيني رقمه وانا اخليه يحبني
هيفاء طالعت العنود من فوق لتحت ,,, حلوه وبنت عايله معروفه مره ,,حلو انها تكون زوجه اخوها,,مو مثل هالمشاعل الي ع قوله هيفاء مو من مستواهم
هيفاء: هذا موبايلي رقمه فيه خذيه منه
تكملة الجزء الثالث والعشرون ..
كان بندر راجع للبيت وتعبان من الدوران ومن التفكير,, طلع غرفته وتمنى ان ساره مو فيه ع شان مو ناقص نصايح وتهديد منها,, حمد ربه انها نايمه ,,, كان يحاول ينام,, لما خطر ع باله فكره تجنن ,, فكره راح تخلي مشاعل زوجته وراح تبعد طلال وساره عنه
دق على طول على مشاعل ولقى موبايلها مقفل
دق ع ساره
ساره صوتها كله نوم: الو
بندر: نايمه؟؟
ساره: ايه ايش تبي؟؟؟
بندر: لابس كنت ادق ع مشاعل ابي اقول لها ع الموضوع ومامقفل موبايلها؟؟؟؟
ساره: والله مدري عنها ,,, بكره اروح لها واشوف
بندر: اوكي حبيبتي تصبحي ع خير
ساره: وانت من اهل الخير
000000000000000000000000000000 0000000000يوم الاربعاء
فهده وامها كانوا رايحين يشوفوا روان الي راح يخطبوها لصالح
ام فهده : اجل وين البنيه ابطت علينا
ام روان: الحين جايه
دخلت روان,,وانصدمت فهده لما شافتها ,, مع ان صالح اخوها بس مايستاهل روان ,, كانت نحيفه مرررره وقصيره ونعومه,,, ومؤدبه مره وشكلها تستحي
فهده: هلا روان كيفك
روان بحيا : الحمدلله
ام فهده تتفحصها
فهده: تدرسي ياروان
روان: ايه
فهده: باي سنه
روان: بثالث ثانوي
فهده: ماشالله
وحاولت فهده تسحب الكلام سحب من روان ,, خجلها مو معقول
بعد ماطلعوا
ام فهده: هذي البنت والا بلاش
فهده: والله يماما حسافه ع ولدك جفس ومايعرف يتعامل معاها
ام فهده: وجعن يوجعتس هذا اخوتس
فهده: اقول يمه غريبه اعجبتك
ام فهده: اعجبني حياها وشكلها ماعندها شخصيه,, اسهل علي اصيطر عليها
فهده: حرام عليكم
ام فهده: اخسي واقطعي بس
000000000000000000000000000000 0000000000000000000000000
000000000000000تعبت ساره من الاتصال ع مشاعل والي كانت موبايلها مقفل ,, ودقت ع البيت مليون مره ومحد يرد,, ,اخيرا جاء الفرج وردت مشاعل ع تلفون البيت
ساره: وجع وجع وجع ساعه اتصل
مشاعل: كنا ببيت ام مشعل
ساره: طيب ليش مقفله موبايلك
مشاعل انحرجت: مالي خلق اكلم احد
ساره: الحين تروحي تفتحيه,,, بندر يبيك بموضوع ضروري
مشاعل: سارونه بكره ملكتنا خليه ياجل مواضيعه لبكره
ساره: لا الحين ,, الموضوع الي راح يكلمك فيه يخص ملكتكم ومستقبلكم
مشاعل خافت: ايش صار؟؟؟؟
ساره: مقدر اقول لك,,لاني واعده بندر اني اخليه هو الي يقول لك,, الحين بسرعه روحي افتحي موبايلك
مشاعل: اوكي باي
ساره: باي
مشاعل احتارت ايش يبي منها بندر,, وفتحت موبايلها تنتظر مكالمه بندر ,, وجتها رساله, كانت من طلال ,, ترددت تفتحها او لا,, قررت اخيرا انها ماتفتحها ,,, ثواني وسمعت رساله بعد رساله وكانت تطالع الاسم وكل الرسايل كانت من طلال ,, بس هي ماراح تفتحها قررت اخيرا انها تنسى كل شي يتعلق بطلال,, كان ودها تحذف الرسايل,,, بس قلبها ماطاوعها,,, كانت راح تفتحها بس بعد الملكه ,, علشان ماياثر عليها الكلام وتغير قرارها,, تركت الرسائل مافتحتها ,,, تنتظر بندر ,, واخيرا دق بندربندر: الو
مشاعل: هلا بندر
بندر: وينك لك وحشه كل مادقيت مقفل موبايلك
مشاعل: كنت مشغوله مع اخواني شوي
بندر يتصنع الحزن : ميشو ابيك بموضوع ((وبتردد مزيف قال))يخصنا
مشاعل خافت: بندر ايش فيه صوتك ,,,, بندر ايش فيك ساكت ايش صاير؟؟
بندر : ميشو انا خايف عليك وع ساره
مشاعل: على وعلى ساره؟؟؟ ايش صاير طيحت قلبي
بندر: مشاعل طلال قال لي ع كل شي كان بينكم
مشاعل انصدمت في نفسها" وربي طلال وقح مايبيني اكون سعيده,, يبي يخرب علي ع شان كذا قال لبندر عشان يحرق قلبه,, ليش يسوي فيني كذا"
مشاعل ماكان لها وجه تتكلم لانها كذبت ع بندر
بندر: ميشو حبيبتي لاتتوقعي اني زعلان منك انا بس متضايق لانك ماصارحتيني
مشاعل منحرجه: بندر انا اسفه
بندر: ميشو انتي حره بحياتك وتقدري تلغي الزواج ,, بس الشي الي منتي حره فيه ,,, هو انك ترفضي حمايتي لك, انا راح احميك من طلال وغسان لو فيها ذبحي
مشاعل انصدمت ايش جاب طاري غسان الحين وايش عرف بندر بغسان اكيد طلال قال له
مشاعل: غسان
بندر: ايه غسان ,,, طلال وهو متفقين انهم يدمروا زواجنا وحياتنا,, وجوا عندي يقولوا لي انك تعرفي طلال وانك تحبيه للحين,, ع امل اني اتركك وارفض اني اتزوجك ماعرفوا اني اموت فيك وماقدر اتركك وانا مستعد اتغاضى عن كل اخطائك
مشاعل منصدمه شلون طلال قدر يمثل عليها طول هالوقت : بندر ليش طلال سوا كذا
بندر: لما سالته ليش يبي يدمر حياتنا وزواجنا ,, قال ان فيه تحدي بينه وبين غسان انه يدمر زواجك ويخلينا ننفصل,, انا قلت له ان حبي لك اكبر من انه يهزه
مشاعل مو قادره تستوعب من الصدمه : وايش صار؟؟؟
بندر: لما فقد الامل فيني راح يكلم اختي ساره ,, ويقول لها كلام يعبي راسها علي,, عشان تقنعك تغيرين رايك بالزواج
مشاعل: طبعا ساره قفلت بوجهه
بندر: للاسف يامشاعل ساره ماقفلت سمعت للاخر وصدقته وكذبتني انا
مشاعل منصدمه مرره من حركه ساره,, معقوله تكذب اخوها وتصدق طلال وغسان
بندر: وطلال يمثل عليها دور الحبيب الي فقد حبيبته وطبعا ساره لانها تحبك صدقته,, تعرفي ايش قال لها
مشاعل: ايش قال؟؟
بندر: قال لها ان علاجك كان ع حسابه هو مو ع حساب المستشفى,,, وانه هو الي ساعد اخوانك بالشركه,, واني كذاب وامثل عليك
مشاعل: وطبعا ماصدقته
بندر: للاسف ساره صدقته
مشاعل: ماصدق ان ساره تصدق هالحقير
بندر: للاسف لعب براسها,, ميشو انا مقدر الي انتي فيه ,,, وانا احبك ولابيك تضيعي من يدي بس اذا كان بعدنا راح يسعدك انا راح ابتعد
مشاعل كبر بعينها بندر اكثر ع الرغم من انه عرف علاقتها بطلال الا انه تغاضى عن هالشي وسامحها وهالشي مو غريب عليه لانه سامح اخته ساره قبل,, وهالشي يبين كبر عقل بندر وحكمته,, والاهم حبه لها,, مستحيل تتخلى عنه بعد الي صار,,كان عندها امل بطلال وهذا سبب ترددها بس بعد هالكلام ,, ماراح تتردد,, ولاتفكر
مشاعل: لا يابندر ملكتنا الخميس ولاراح يتغير شي
بندر فرح مررره وحس ان نص خطته نجحت
بندر: طيب ميشو في مشكله كبيره
مشاعل بخوف : ايش هي؟؟بندر: اممممم ,, طلال هددني اني اذا قلت لك ع الكلام راح ينتقم مني ومنك وماراح يتركنا
مشاعل: ماهمني هالحقير
بندر: مشاعل طلال ذكي ويعرف يشغل مخه,, خلينا نلعب نفس لعبته ونخليه هو الضحيه مو احنا,, وبهالشكل نكون احنا الي انتقمنا منه
مشاعل مستغربه: شلون؟؟
بندر: اذا كلمتك ساره وقالت لك ان طلال هو الي سوا لك كل شي من فلوس العمليه الا الشركه قولي لها انك مصدقه بس انتي تفضلين انك تعيشي معاي لانك كرهتي طلال واخترتني انا
مشاعل اعجبتها الفكره وكذا ماراح تبين لطلال انها مجروحه,, لكن اذا حسسته انها مصدقه انه سوا هالاشياء عشانها وهي الي تركته راح تحتفظ بشي من كرامتها
مشاعل بحقد: لاتشيل هم راح ابين لساره وله اني مصدقه, وانا الي راح ارفضه
بندر: الله لايحرمني منك واحبك موووووووووووت
مشاعل: اوكي بندر اكلمك بعدين
بندر: باي
مشاعل: باي
قفلت مشاعل وهي حاقده ع طلال من قلبها,,, فتحت رسايله الي كانت ماجلتهم لبعد الملكه
"قطوتي بليز افتحي موبايلك"
"ميشو بندر يكذب عليك,,, لاتتزوجيه,, لاتنسي الي بينا"
"فتحي مخك شوي وربي بندر كذاب ,,, ميشو كلميني افهمك"
"ميشو اذا تزوجتي هالحقير راح تندمي"
مسحت كل الرسايل ,, وحتى الرسايل الي ماقرتها حذفتها ,,, شلون ماحست بكذبه وخيانته
000000000000000000000000000000 0000000000000000000000000بندر كان مبسوط لان خطته نجحت بشكل رهيب,, وخلاص ماراح يخاف لامن ساره,, ولا طلال,, الحين يرتاح,,, ولا فيه شي راح يخرب زواجه من مشاعل ولاينكد عليه
بندر في نفسه" ههههههه ,, هاه ياطلال الحين انا فزت عليك وبتفوق,, خل حركاتك الي سويتها بالمانيا تنفعك,, الحين مشاعل لي ومو مشكلتي انك مغفل وسلمت لي حبيبتك ,,, انا حبيتها وماراح اتركها,, وماراح اعترف انك انت الي سويتها لها كل شي"
سمع صوت الباب
ساره: بندر نايم؟؟؟
بندر وهو فرحان: لا تفضلي
ساره لما دخلت : غريبه اشوفك مبسوط
بندر: شلون ماصير مبسوط وانا تاكدت ان مشاعل تحبني
ساره مستغربه: وشلون عرفت؟؟؟
بندر: قلت لها ع كل شي,, وتخيلي رفضت طلال علشاني
ساره بنظرات شك: متاكد انك قلت لها
بندر: دقي عليها وتاكدي
ساره : اوكي راح اروح ادق عليها
بندر: مافيه مبروك؟؟؟
ساره: ع ايش؟؟؟
بندر: ملكتي بكره
ساره: مو قبل ماتاكد من مشاعل
ساره راحت غرفتها ودقت ع مشاعل
ساره: هاي ميشو
مشاعل : هاي سارونه كيفك؟؟؟
ساره: تمام,,, انتي كيفك؟؟؟؟
مشاعل: الحمدلله
ساره: ميشو كلمك بندر؟؟
مشاعل: ايه كلمني
ساره بتردد: قال لك ع موضوع طلال
مشاعل: ساره اذا تحبيني قفلي هالموضوعساره: لا ياميشو لازم اعرف ايش قال لك بندر, ميشو ترى طلال يحبك وترى ك
مشاعل: ادري كل شي هو الي سواه لي مو طلال ,, ادري انه هو الي دفع حق المستشفى,, وهو الي دفع الفلوس لاخواني,, بس انا مابيه
ساره: بس ط
مشاعل: ساره انتي ماتبيني اتزوج اخوك؟؟؟ يضايقك هالشي
ساره : ميشو مو قصدي بس اذا انا اقتنعت بكلامك طلال ايش يقنعه؟؟؟
مشاعل : انا
ساره : انتي؟؟؟
مشاعل بعصبيه : انا راح اكلمه واقول له انه ولاشي بالنسبه لي
ساره: ميشو ماني فاهمتك كنت تحبيه ايش الي صار؟؟؟
مشاعل: كنت؟؟ وكنت من الماضي,, انا الحين احب بندر ومابقلبي غيره
ساره: والله اتمنى لك السعاده اكيد مع اخوي,, بس طلال يحبك
مشاعل: اوكي انا راح اكلمه الحين وانهي هالمهزله
ساره: اوكي
مشاعل: يله باي
ساره: باي
قفلت ساره وهي مصدومه من كلام مشاعل كانت تموت بالارض الي يمشي عليها طلال والحين لما سوا لها كل هذا تتركه بكل بساطه
000000000000000000000000000000 000000000000000000

**الفيحاء** · 09-09-2007, 02:32 AM

عجيبه والله عجيبه

مشكور اخوى وعساك على القوه

ونبى اكثر

**غزلان** · 09-09-2007, 11:45 AM

مشكور اخوى على القصه الرئعه

**الفيحاء** · 09-09-2007, 04:28 PM

وين التكمله

اخوى سرع الله يرحم والديك

**خالد العتيبي** · 09-09-2007, 08:13 PM

حمستنا يله بلييييييييييييييييييييييييييييييييييييييييييز خلص يابو خالد بسرعههههههههههههههههه

والله دعينالك

مشكووووووووووووووووووووووووور بو خالد

**wat** · 09-09-2007, 09:50 PM

كان طلال جالس مع اهله ,, وكان عندهم عمه(ابو بسام) وعمته(ام غاده),,, واولادهم وبناتهم,, وكانوا جالسين مع بعض لان من عادتهم يجلسوا مع بعض ومايتغطوا البنات عن اولاد عمهم
غاده: ماما خلص الصيف وانتي توعديني اننا نسافر
ام غاده: انشالله راح نسافر لما تبدى الدراسه وتخف الزحمه,, تعرفي الحين كل الناس مسافرين
هيفاء: ليش وين راح تروحوا ؟؟؟
ام غاده: انشالله مصر
هيفاء: وليش ماتسفروا اوروبا
ام غاده: بالعكس مصر تجنن ويكفي انها بلد عربيه ومسلمه نرتاح فيها اكثر
طلال: صادقه عمتي,,, مصر مره حلوه ومهما جلست فيها ماتمل
ام غاده: هذي الناس الي تفهم
بسام(ولد عم طلال): اجل تخاوينا ياطلال لمصر طالع انا والشباب الاسبوع الجاي
طلال: لاوالله عندي اشغال
بسام: يارجال العمر يخلص والشغل مايخلص
طلال دق موبايله وماصدق الرقم رقم مشاعل مو مصدق نفسه,,, قام يركض,, يبي يرد برا,, اكيد ساره قالت لها وهي الحين تدق ع شان نرجع لبعض
ام غاده: هو,, ايش فيه طلال مقروص؟؟؟
هيفاء: لا ياعمه يمكن اتصال من المؤسسه
ام غاده : اقول هيفاء اجل امك متى سافرت؟؟
هيفاء: امس
ام غاده: ومتى راح ترجع
هيفاء: والله مادري بس يمكن بعد شهر
ام غاده في نفسها "هالحرمه مخليها رجلها سيدها قيدها"
طلال كان طالع من الصاله وطلع برا للحديقه
طلال بفرح : الو
مشاعل : طلال
طلال بفرح كبير: لبيه
مشاعل بحقد : شكرا ع كل شي سويته لي شكرا ع العمليه,, والي انت كنت سبب في عماي,, وشكرا ع مساعده اهلي وهذا واجبك بعد الي سويته فيني ,,, وشكرا ع انك قدرت تخليني احدد مشاعري
طلال مستغرب من اسلوب مشاعل وبتساؤل: ميشو وضحي كلامك اكثر؟؟؟
مشاعل: طلال انا حددت مشاعري وعرفت مين ابي بعد ماتوضح لي كل شي
طلال بفرح : ومايحتاج اسالك عارفك انك راح ترجعي لي بالنهايه,, بس وربي ميشو ماسويت هالشي ع شان ترجعي لي,, وربي سويته لاني كنت خايف عليك واحبك
مشاعل: طيب طيب عرفت,, المهم حبيت اقول لك ملكتي بكره ,, وبليز لاتدق ,, ولابي اشوف رقمك,,, لاني اخيرا اكتشفت اني احب بندر رغم كل شي,, رغم كذبه علي انا اموت فيه,, طلال بليز لاتحاول تدمر حياتي يكفي الي سويته قبل
وقفلت
طلال يطالع الموبايل بصدمه,, رجع يطالع الرقم مو مصدق ان هذي مشاعل,, يمكن وحده ثانيه,, شلون يعني تحب بندر ,,, مشاعل له وتحبه ,, متى حبه بندر,, ليش ,, وكيف؟؟؟
جلس طلال ع الارض يفكر وماسك راسه" ليش دخلت بندر حياه مشاعل,, معقوله الحين تحبه,, بس واضح انه قال لها عن كل شي ,, واضح انه علمها اني انا الي سويت لها كل شي,, ومع كذا ميشو تبي تتزوجه يعني مو رد للجميل زي ماكنت احسب,, طيب لما كنا بالمانيا قالت لي احبك,, شلون,, ليش ياميشو ,, ميشو انا احبك,, شلون تختار الكذاب وتترك الي يحبها والي كان صادق معاها,,, معقوله ميشو راح تتزوج بكره ,,, راح تكون لبندر,, وانا؟؟؟ "
لما قال كلمه انا رجعت ملايين الذكريات الحلوه والمره ع باله,,, ايش سوا هو لمشاعل ,, ترك غسان يتحكم فيه,,, والحين بندر راح ياخذها منه لازم يتصرف ويسوي شي,,, بس ايش راح يسوي ,, يقتل بندر ؟؟؟ لا مستحيل يضره لان مشاعل تحبه,, معقوله يستسلم ويتركها لا,, خاف من هالفكره ان مشاعل تكون لغيره,, حس ببرد يقتله,, اخذ موبايله ودق ع ساره
ساره : الو
طلال : ساره الحقيني مشاعل ماتبيني ,, مشاعل راح تتزوج بندر
ساره بحزن: طلال ادري هي قالت لي,, وهي تدري بعد انك انت الي سويت لها كل شي,, ومع كذا ماتبيك,, هي تقول انها كرهتك بعد الي سويته فيها
طلال يصارخ : لالا ساره الله يخليك لاتقولي كذا لازم تساعديني,, ساره راح انجن ,, راح اموت,, تصرفي ساره,, وقفي هالزواج باي شكل
وقف عن الكلام لما اجتاحته نوبه بكاء حاده ,, وصار مثل الطفل يبكي وساره تحاول تهدي فيه
ساره: طلال بس,, طلال انت رجال وعيب تبكي
طلال: ليش ما ابكي وميشو راح تتزوج وتتركني,,, ساره احس ببرد ياكلني اكل ,, احس اني وحيد ,, ساره الله يخليك خليك معاي اوقفي معاي ,, ((ورجع يبكي بكاء اليم وبصوت مبحوح) قولي لها لاتتزوج,,, قولي لها ,, قولي لها
ساره صارت تبكي ع طلال: طلال مقدر اسوي شي ومقدر اجبرها ع شي,, طلال خلاص هد نفسك
طلال يصارخ: ايش سويت لها ع شان تتركني
ساره: طلال ساعات مانقدر نتحكم بمشاعرنا ,, يمكن مشاعل بدون ماتحس حبت بندر
طلال: الله ياخذه والله ياخذ الي عرفها عليه
رجع يبكي بكاء حاد وانسدح ع ارض الحديقه: ساره ابي اموت
ساره: تعوذ من الشيطان وروح توضى ولاتضيق صدرك
طلال: اعوذ بالله من ابليس
قام وكمل كلامه: ساره الله يخليك طلب واحد مافيه غيره
ساره: امر
طلال: بكره لما تروحوا لبيت ميشو ع شان الملكه كلميني بليز ابي اسمع صوتها (وحاول يكتم عبرته وبهمس قال ) لاخر مره
قفل منها وتوجه للبيت وفتح الباب وبدون مايدخل
طلال يصارخ : لمياء لمياء
لمياء جت تركض خافت من صراخ طلال: هلا طل
سكتت لما شافت وجه طلال
طلال ظمها بقوه وبكىىىىىىىىىى بحظنها ,,, وبكت لمياء على طول معاه,,, كان طلال يبكي باعلى صوت يقدر عليه,,, كان صراخ اكثر من انه بكى,,, لدرجه ان كل الي جوا سمعوه وطلعوا يشوفوا ايش فيه
نزل طلال عند رجول لمياء وحظن رجولها وتكلم بصعوبه لان انفاسه ماتساعده من كثر البكاء
طلال : لمياء ميشو راح تتزوج بكره
لمياء: بسم الله عليك قوم,,, قوم نروح غرفتك,, قوم طلال ,, قوم
طلال يصارخ : لا,, ابيها يالمياء ابيها
هنا وصل عمه وعمته وعيالهم
ام غاده بخوف : طلال حبيبي ايش فيك
لمياء: مافيه شي بس هو تعبان شوي((تكلم طلال))طلال تعال نروح غرفتك
طاعها طلال وكان يمشي بصعوبه,, حس ان قواه خارت وتفكيره انشل,, كان دايما عنده حلول لمشاكل الناس ومشاكل الشغل ,, والكل الناس يحسدوه ع تفكيره السليم وصفاء ذهنه,, وهذا لي قهره انه مو قادر يركز ع مشكلته ولا يعرف شلون يحلها
وصل غرفته مع لمياء,, دخلته لغرفه النوم,, وانسدح ع السرير
طالع الجدار,,, التفت ع المخده الي جنبه وتخيل مشاعل نايمه جنبه,,, رجع يبكي بكاء مايقل عن الي قبله
لمياء صارت تبكي معاه: طلال مشاعل مو اخر ولا اول بنت بالدنيا,, خلاص انساها
طلال يصرخ: لا ,, انتي تطلبي مني المستحيل,,,وينك ياميشو لاتتركيني
لمياء راحت تركض تجيب له بندول نايت ,, يمكن يهديه شوي,, ويخليه ينام
بعد ماخذه ,, حظن لمياء وبكى بكى لحد ماحس ان راسه راح ينفجر ونام
000000000000000000000000000000
يوم الخميس
كانت مشاعل لابسه احلى لبس عندها وميك ابها كان خطيرررررر ,,, الا الكحل ماحطت لان الدكتور منعها منه لمده شهر
طلال كان نايم
بندر كان متكشخ ولابس البشت
بندر: يله ماما جاهزين
ام بندر: ايه حبيبي
بندر: يله انا استناكم بالسياره
ام بندر: اوكي اروح انادي ساره
طلع بندر بالسياره ودقايق وركب ابوه وامه وساره,, وكانوا طول الطريق هادين
000000000000000000000000000000 0000000000000000000000000

0000000000000000000000000مشعل: هاه حبيبتي خلصتي
مشاعل تتصنع الفرح: ايه ماما خلصت
ام مشعل نزلت دمعتها: والله وجاء اليوم الي اشوفك عروس
مشاعل تبتسم: لسى ماصرت عروس,,, تونا ملكه
ام مشعل: والملكه مو زواج,, لاحبيبتي بعد الملكه انتي تعتبري زوجه بندر
رنه هالكلمه باذان مشاعل زوجه بندر,,, كانت تتمنى تتزوج بس الاسم ماكان بندر تتمنى تكون زوجه طلال ,, بس تجري الرياح بما لاتشتهي السفن
طالعت موبايلها كان فيه 23 اتصال من طلال,, استغربت متى اتصل صار لها خمس دقايق عند الموبايل محد دق لحق يتصل كل هالاتصالات بخمس دقايق طنشت ونزلت تحت
كانت ساره وام بندر بصاله جالسين,, اما بندر وسعود ومشعل والشيخ بالمجلس
ساره وهي بالصاله كانت تكلم طلال بهمس ع شان ماتسمعها امها و ام مشعل
ساره : طلال كيف راح تسمع صوتها
طلال وهو يمسح دموعه: تكلمي معاها ويكفيني اسمع صوتها تسولف معاك
ساره: اوكي هذي هي نزلت
نزلت مشاعل للصاله,, وسلمت عليهم
ام ساره: الله ياميشو ايش هالحلاوه؟؟
مشاعل نزلت راسها وابتسمت
ساره: كيفك ميشو؟؟
مشاعل: الحمدلله
طلال لما سمع صوت مشاعل رجع يبكي ,, كان المفروض تكون معاه ,, والحين دقايق وراح تصير زوجه بندر
قفل ماقدر يتحمل اكثر ,, ساره كان قلبها يتقطع عليه,, واستغربت برود مشاعل
مشعل من ورا الباب: مشاعل
مشاعل: هلا
مشعل: تعالي
مشاعل تطالع ساره,, خلاص اكيد الشيخ يبي يزوجهم ,,, بدون ماتعطي نفسها فرصه تفكر,, بسرعه راحت لمشعل
مشاعل: هلا مشعل
مشعل: تعالي الشيخ يبي يسالك
مشاعل: طيب بروح اجيب عبايتي
مشعل: لا مايحتاج حيسالك من راء الباب
000000000000000000000000000000 عند الحريم
طلال رجع يدق ع ساره
ساره: طلال خلاص لاتذبح نفسك وربي هي ماهتمت
طلال: ساره قولي لي تزوجت والا لا؟؟؟
ساره: ايه
طلال: ايش عرفك؟؟؟
ساره: راحت توقع الشيخ ناداها
طلال: لا,حرام ياساره والله حرام
ساره: طلال هذا الي الله كاتبه ,, خلاص ياطلال انساها
طلال يبكي: ساره قولي له لايحكي معاها الغيره راح تذبحني ,, قولي له لايلمسها الله يخليك,, قولي له لايطالعها ,, قولي له انها لي,, حبيبتي
وقفل الخط ورجع يبكي بكى ينفطر له اي قلب
000000000000000000000000000000 0000000000000000000000000
00000000000000000000000000مشاعل راحت مع مشعل عند باب المجلس,,, ومن ورا الباب
مشعل: ياشيخ العروس عند الباب
الشيخ: بسم الله
وراح من وراء الباب
الشيخ: انتي العروس؟؟؟
مشاعل: ايه
الشيخ: ايش اسمك؟؟؟
مشاعل: مشاعل ال...
الشيخ: طيب بندر ال.. يبي يتزوجك ع سنه الله ورسوله موافقه وبرضاك
مشاعل كانت متردده وخايفه و تبي تقول لا,, بس قررت انها توافق هالحل الي راح يريحها من كل شي ,, وحرام بندر مايستاهل,, وايش تنتظر ان طلال يحطمها زياده ,, محد يقدر يحميها من مشاعرها لطلال الا بندر ,, استسلمت وقالت
مشاعل : موافقه ياشيخ ((هذي الكلمه الي قالتها مشاعل للشيخ دليل ع موافقتها ع الزواج ببندر

الشيخ يكلم مشعل: عطها توقع هنا
مشعل : ابشر
مشعل رجع عند مشاعل: ميشو حبيبي وقعي هنا
مشاعل: وليش التوقيع؟؟؟
مشعل: ع شان تصيري زوجه بندر ع سنه الله ورسوله ,, وهذي من شروط العقد
مشاعل تطرد منها كل خوف: عطني القلم
عطاها القلم
مشاعل مسكت القلم: مشعل قول لي وين اوقع
مشعل: هنا

**wat** · 09-09-2007, 09:56 PM

سعود كان يركض وراء مشعل : وين طالع مشعل استنى؟؟؟
مشعل: بروح أأدبها الحيوانه,,, وانا اقول هالطلال نظراته مو طبيعيه ,,, الحين اعلمها شلون الادب ع شان تحرم طلال واي زفت تكلمه
سعود: مشعل استنى بالتفاهم
مشعل وصل عند باب مشاعل
وهذا الي كانت خايفه منه سمعت صوت صراخ قرب من غرفتها ,, هذا مشعل اكيد يبي يضربها
مشعل كان يطق الباب باقوى ما عنده : افتحي يامشاعل ,, افتحي الباب لاكسره
مشاعل ماتت خوف وقررت انها تسكت يمكن يفقد الامل ويروح
مشعل: قسم بالله اذا مافتحي لاكسر الباب
سعود: هد نفسك يابن الحلال خلنا نتفاهم معاها
مشعل: مافيه تفاهم مع هالحقيره
ام مشعل اخيرا وصلت لهم: مشعل الله يهديك خلاص ,,, اتركها الي فيها مكفيها
مشعل: الي فيها مكفيها ولا جالسه تكلم طلال الكلب
ام مشعل: ايش طلال هذا بعد
مشاعل لما سمعت اسم طلال انجنت ,,, ايش عرف مشعل بطلال,,, معقوله بندر حقير لهدرجه وفضحها,,, اذا هو الي قال لاخوانها فهو احقر انسان ع وجه الارض ,,, والحمدلله انها رفضته
سعود: يابن الحلال انت تصدق بندر ,,, اصلا هو مقهور لان مشاعل رفضته وحب ينتقم منها وهذا انت يالخبل صدقته

صوت مشعل اختفى ,, شكله اقتنع بكلام سعود ورجع غرفته,, بس كلها ثواني ورجع معاه الرساله حقت مشاعل
مشعل: مقهور هاه,, اقرى اختك ايش كاتبه,, كنت ساكت ع امل ان الاخلاق تجيب نتيجه معاها
سعود يقرا الرساله وهو مصدوم: ايش هالكلام؟؟؟ ايش معناه؟؟؟
مشعل: الاخت قبل تنتحر كتبت رساله وداع لصاحبتها ساره,, وطبعا واضح ان سبب انتحارها كان طلال
سعود مررره مصدوم ,, طول ماهم بالمانيا كانت مشاعل تكذب عليه هي وطلال,, كانوا يمثلوا البراءه وهم مع بعض,,, راح تفكير سعود لما كانوا باللعبه وكيف طلال اصر انهم يركبوا اللعبه,, ونزل ع شان يكون لوحده مع مشاعل,, وكيف انهم جلسوا فتره يدوروا عليهم ,,, ابد ماتوقع من مشاعل هالحركه
مشعل رجع حاول يكسر الباب
مشاعل ميته خوف,,, سمعتهم يتكلمو عن الرساله ,,, خلاص كل شي انفضح,,, ولازم تواجههم
000في سياره بندر
بعد ماقال ابو بندر لام بندر وساره الموضوع كله
ساره جواها كانت حزينه ع اخوها ,, بس شعور الفرح كان يغلب ع الحزن لان مشاعل اخيرا اكتشفت ان طلال صادق,, بس متى وكيف عرفت؟؟؟
على طول ارسل لطلال رساله
" مبروك عليك مشاعل,, الله يوفقكم"
بندر: ساره انسي ان عندك خويه اسمها مشاعل
ساره عصبت: لا والله ع شان رفضتك خلاص اتركها,, لاحبيبي هذي صاحبتي من زمان
ابو بندر: والله لو اعرف ان بينكم اي اتصال لامنعك من الطلعه واخذ موبايلك,,بعد مابقى الا هذي تروحي لوحده خربانه,, واهلها مايعرفوا يربوا بناتهم
ساره منصدمه من الكلام:خربانه؟؟؟ ايش هالكلام يابابا
ابو بندر: طلعت تعرف واحد اسمه طلال ع شان كذا رفضت بندر
ساره مقهوره اكيد هذا بندر الي قال لهم: وايش عرفك ؟؟؟؟
ابو بندر: هي اعترفت لبندر
ساره تبي تنتقم لمشاعل: واذا ولدك فيه خير ليش يتزوج وحده خربانه
الكلمه هذي سكتت الكل,, كانوا طول الطريق ساكتين
وصلوا اخيرا للبيت
نزلوا كلهم الا بندر ,, كان يفكر وحاقد ع طلال الي اخذ منه حبه الاول والاخير مشاعل,, وهو انتقم من مشاعل واكيد انها الحين تعاني مع اخوانها,, بس الدور ع طلال,, شغل سيارته واتجهه لبيت طلال
000000000000000000000000000000 0000000000000000000000000
000000000000000000000000000 00000000000000000000في بيت طلال
كانت حاله طلال يبكي لها الصديق والعدو,,, كان عازل نفسه بغرفته,, يتذكر مشاعل باول مره شافها وكيف اهانها ,, وكيف كانت واقفه عند سيارته بكل براءه,,, غمض عيونه واستسلم للبكاء والدموع
طلال:اه يالقهر,, اكيد الحين مشاعل زوجه بندر ,, اكيد جالسه معاه,, اكيد يطالعها.,, ويحكي معاها,,, الحين تتذكرني والا نستني,, مبسوطه وهي جنب بندر والا حزينه,,, اكيد يطالعها وهي تطالعه,, اكيد قال لها احبك
كان عايش بحسرته والمه وحزنه ,, سمع صوت رساله,, قام ع امل ان الرساله تكون من ساره وتقول فيها ان مشاعل رفضت بندر
فتح الرساله وفعلا كانت من ساره ,, كان خايف من الي مكتوب
" مبروك عليك مشاعل,, الله يوفقكم"
مات قهر وحسره اكيد كانت راح ترسل المسج لبندر اخوها وغلطت,,, خلاص مشاعل تزوجت, بكىىىىىىىىىىى ,,, وخطر ع باله غسان,, هو سبب حزنه والمه,,, ياليته يروح يقتله ويرتاح
راح غرفه الجلوس وطاحت يده ع ورقه كانت مطويه فتحها ,,وكانت صورته الي رسمتها مشاعل ,, حن لمشاعل اكثر ,, رمى الصوره ووراها رمى الطاوله والتحف الي عليها ,,, والكنبات ,, حتى التيلفزيون ماسلم من يده,, بدى يكسر ويخرب ,,, يمكن يهدا شوي,, كان يرمي كل شي تطيح عينه عليه,,, وصرخ من الالم ,, كان الم بقلبه,,, الم يمنعه من السعاده,, جرح ينزف,,, حلم ضايع,, خيبه امل,,, هذي كانت حاله طلال
000000000000000000000000000000 0000000000000000000000000
00000مشاعل قررت تواجههم ,, صح ان مشعل كان معصب لابعد الحدود,, بس كانت تبي تنهي هالموضوع للابد
طلعت من غرفتها ,, كانت يد مشعل اول شي يستقبلها,, اول مره احد يمد يده عليها,, كيف تجرا ,,, لو كان ابوها عايش , لو كانت امها عايشه,, يمكن ماسمحوا لهالشي يصير,,,
كان سعود يحاول يمنع يد مشعل ,, ولكن فيه ضربات توصل لمشاعل وضربات يوقفها سعود
مشعل وهو معصب : كيف عرفتي طلال ياحيوانه كيف؟؟؟
مشاعل في نفسها"طلال طلال طلال دايما طلال هو السبب بكل مشاكلي"
استسلمت لضرب مشعل ع امل ان هالشي يهديه,,, والكل كان يامرها تدخل غرفتها ,, لما يهدا مشعل
ماسمعت اي كلام ,,, نزلت تحت وكان مشعل يلحقها,,, طلعت برا الفله, واتجهت لبيت ام سلطان
مشاعل تصارخ: خلاص انا هذا بيتي وماراح تشوف وجهي اذا هالشي يرضيك
مشعل: وعلى بالك اخليك تسكني مع هالحقيره ,, علشان تاخذي راحتك ع الاخر مع طلال
مشاعل تبكي : مشعل انت لما سالتني عن طلال مانكرت,, وقلت لك الحقيقه, بس وربي الحين مايربطني به اي شي
مشعل: وسفرته معاك المانيا؟؟؟
مشاعل انصدمت كيف مشعل قدر يعرف ان طلال هو نفسه الي شافه بالمطار : وربي ماكنت اعرف انه راح يكون هناك
مشعل: لاياشيخه,, علي انا , هاتي موبايلك
مشاعل : لاتخاف ماخذته معاي,,, تلقاه بالغرفه
مشعل: والله لو ادري انك طلعتي من البيت لاحش رجولك حش
سعود: خلاص مشعل انا راح اتفاهم معاها,,انت اطلع من الموضوع
مشعل رجع للبيت معصب وقافله معاه,,, راح يدور ع موبايل مشاعل
000000000000000000000000000000 0000000000000000000000000بندر توجه لبيت طلال ,, يبي ينتقم منه,, بس مو عارف شلون,, احسن طريقه انها ينتقم منه عن طريق ابوه
نزل للبوابه
بندر: السلام عليكم
البواب: عليكم السلام
بندر: لو سمحت ابو طلال موجود؟؟؟
البواب: من نقول له
بندر: بندر ,, وقول له اني ابيه بموضوع ضروري يخص شخص يعز عليه
البواب: ابشر
راح يسال ويتاكد ويستذأن من ابو طلال,,, وطبعا هو سمح لهم يدخلوه ,,, كان يبي يعرف مين هالانسان الغريب الغامض
بعد مادخل استقبله ابو طلال بالحديقه
ابو طلال: هلا ولدي مين انت؟؟؟
بندر يبتسم: انا واحد فاعل خير وخايف ع طلال
ابو طلال زاد استغرابه وتساؤله: طلال؟؟؟ليش ايش فيه طلال؟؟؟
بندر: بصراحه ولدك مفتون ببنت,, وهي طامعه بفلوسه
ابو طلال: طيب
بندر: طلال صار مثل المسحور بها,,, لدرجه انها تطلب منه اي طلب وينفذه,,, يمكن انت مستغرب ليش رجع من امريكا ومادار مؤسستكم الي بامريكا
ابو طلال: ممكن تتكلم بوضوح لاني ماحب الالغاز
بندر: صدقني اني منحرج اني اقول لك هالكلام بس من كثر ماعز طلال مابي احد يضره
ابوطلال: يا انك تتكلم بوضوح او ارجع من مكان ماجيت
بندر: طلال رجع من امريكا لانها امرته انه يرجع
ابو طلال بلهجه حاده: ولدي محد يامره
بندر: للاسف مشاعل تتحكم فيه وكانها خاتم باصبعها,,, وياليت الموضوع ع كذا وبس,,, انا خايف ان طلال يخسركم كل ماتملكون
يابو طلال ,,, طلال خلاص مفتون باهالبنت لدرجه انه لما عرف ان شركتهم راح تنهار ,,, اشترى نصها مع انه عارف انها خساره كبيره له ,,, ومو بس كذا حمل نفسه كل الديون الي ع الشركه والي تزيد عن 15 مليون
طلال يابو طلال ,, دفع 15 مليون لها ع شان شركتهم المنهاره ,,, وانا خايف انها تلعب عليه اكثر ,, لازم توقفهم عند حدهم وتنهي هالعلاقه
ابو طلال منصدم: وانت ايش عرفك بهالكلام؟؟؟
بندر: انا صاحبه,,, ومادوي يخسر كل ماعنده ع شان وحده ماتسوي
ابو طلال: لو اعرف ان كلامك كل كذب راح تندم
بندر طلع بطاقته وورى ابو طلال اسمه وكل المعلومات ع شان يتاكد انه مو خايف وانه صادق
ابو طلال انجن وعصب ع طلال ,,, معقوله ولده العاقل يسوي كذا ,, الي يعتمد على الله ثم عليه,, كان ينبهر بذكاء ولده وفطنته,,, معقوله بنت تقدر تلعب عليه,, كان معصب مره واتجه لغرفه المكتب
وسواء اتصال يعرف به كم طلال سحب هالشهرين وانصدم بالرقم الي سمعه والي ياكد كلام بندر,, في ظرف شهرين سحب 16 مليون ,,, معقوله طلال
ابو طلال عصب من طلال وراح لغرفته يبي يواجهه
0000بندر حس ان انتقامه انتهى ,, والحين بس حس بالراحه
000000000000000000000000000000 0000000000000000000000000
مشاعل كانت بغرفتها تبكي ع الي صار وع طلال الي من عرفته وهي ماتشوف الى المشاكل
دخل عليها فهد
فهد: ميشو ليش تبكي,,, علشانك تزوجتي؟؟؟
مشاعل تحاول تبتسم : لا حبيبي ماتزوجت
فهد: ليش مو زوجك جاء اليوم؟؟
مشاعل: مو زوجي,,, انا خلاص قررت قرار اني ماراح اتزوج ابد
فهد يبتسم: يعني خلاص ماراح تتركينا ,, ميشو كنا نبكي انا وفيصل وسلطان امس لانك راح تتركينا وتتزوجي وامي راح تضربنا
مشاعل حست بتأنيب الضمير كيف كانت راح تتزوج وتتركهم,,كانت انانيه وتفكر بنفسها
مشاعل: اوعدك ماتزوج ابد وراح اكون معاكم دايما
000000000000000000000000000000 0000000000000000000000000
00000000000000000000000000 00000000000000000مشعل كان يقلب بالرسايل بموبايل مشاعل وانصدم بالرسايل الي قراها كانت من طلال,, مشاعل تجاهلتها مثل كل رسايل طلال والي ماتحضى من مشاعل الا بالحذف اوالتطنيش
كانت الرسايل تقول
"ميشو حبيبتي لايخدعك بندر بنصيبه من الشركه,, انا الي اشتريت نصيب ابو سليمان ,, لايحسسك بانك مدينه له بشي"
الرساله الثانيه
"اذا مو مصدقيتني اسالي اخوانك عن اوراق الشركه,, واعرفي هي مسجله باسم مين"
الرساله الثالثه
" ميشو لاتتزوجي بندر لانه مايستاهلك,, ميشو المفروض احنا الي نكون مع بعض ,, انتي زوجتي وحبيبتي"
الرساله الرابعه
" فكري زين مو معقوله واحد طبيعي يدفع ملايين ع شان ينقذ شركه منهاره الا لانه يحبك وبجنون ,, احبك"
كان مشعل شبه منهار,, مصدوم ومو مصدق,, ايش هالاشيا ءالي كل شوي تطلع ,, حقايق تطلع وبعدين يطلع شي يكذبها,, حب يتحول لغش,,, كذب يتحول لصدق,,, خيانه تتحول لاخلاص
كان حاقد ع طلال بشكل مو طبيعي ,, بس الحين هو منصدم من تصرفاته,, بس الي تاكد منه ان كل حقده وكرهه انصب ع بندر,, بس لازم يتاكد من الاوراق
ايش هالغباء الي يملكه ,,لدرجه انه ماشاف الاوراق الي تثبت ملكيه بندر لنص الشركه
00000000طلع يركض يدور ع سعود
مشعل : سعود سعوووووووووووووووووود
سعود : ايش فيك تصارخ
مشعل: تعالي معاي للشركه
سعود منصدم: الحين؟؟؟
مشعل: سعود انت شفت الاوراق الي تخص ملكيته بندر لنص الشركه
سعود: لا ع حسب علمي انها معاك
مشعل: لا مو معاي
سعود: غريبه بندر كان يقول لي انها معاك؟؟؟
مشعل: كذاب ولا عمري سالت عنها
سعود: ايش قصده بهالحركه
مشعل: تعالي بسرعه ع الشركه
لما كانوا بالسياره مشعل شرح لسعود موضوع الرسايل,,وماقدروا يفسروا تصرف طلال,, مو معقوله يكون ع شان مشاعل اكيد له غرض كبير
000000000000000000000000000000 0000000000000000000000000ابو طلال واقف عند باب غرفه طلال: طلال افتح
طلال قام غسل وجهه من اثر الدموع وفتح لابوه
ابو طلال كان بركان قبل يفتح طلال بس بمجرد ماشاف وجه طلال وكان احد كب عليه مويه بارده,, كان ابو طلال يحترم طلال ويحبه لانه بنظره رجل من كان عمره 5 سنوات ماكان يبكي ,, حتى لما ينجرح او ينضرب ماكانت الدمعه تنزل بعكس الاطفال,,, كان قوي وهالشي خلى ابو طلال يفتخر بولده ويعجب بشخصيته,, كان قوي لدرجه انه مايهزه شي ,, واول مره يشوف طلال منهار,,, اش صاير ,, وايش فيه,, ابو طلال خذ طلال بحظنه
وكان طلال ينتظر هالحركه من ابوه,, لانه ظمه واستسلم للبكاء,, كان يطلع كل الي بصدره,,, يبكي ع صدر ابوه,,, ابو طلال انفجع ع طلال,,, اكيد صار شي كبير يخلي طلال ينهار لهدرجه,, كان بكاء طلال يهز الغرفه,, كان صراخ مختلط ببكاء بعبرات,, مع اهات وانات
ابو طلال ماقدر يتحمل ونزلت دمعته ع طلال وبعد عنه يبي يشوف وجهه
ابو طلال بخوف : طلال بسم الله عليك ايش فيك,, تعبان,, طلال تكلم ايش فيك,, طلال لاتجنني
طلال وهو يبكي: بابا انا تعبان لاتتركني ,, لاتسوي مثلها وتتركني
ابو طلال تذكر كلام بندر ,, اكيد نفس البنت الي قال عنها بندر
ابو طلال رجع للجديه شوي: مين هي الي تركتك؟؟؟ طلال تكلم
طلال: بابا ميشو تركتني وتزوجت بندر
ابو طلال مو عارف السالفه ايش دخل بندر,, توه جاء يحكي عن بنت تبي تضر طلال,, متى تزوج ؟؟؟ومين هي؟؟؟ وهل هي نفس البنت؟؟؟
ابو طلال: حبيبي ارتاح واحكي لي ايش الي صار
طلال: خلاص الكلام ماينفع الحين هي متزوجه ولازم اتركها بحالها ,,, مابي اهدم بيتها وحياتها
ابو طلال: مين هي
طلال سكت ورجع للبكاء
ابو طلال بنظرات حاده: هي نفس البنت الي دفعت لها 16 مليون؟؟
طلال منصدم ايش عرف ابوه: بابا كيف عرفت؟؟؟ابوطلال: طلال بصراحه كنت اظنك رجال ومافيه احد يقدر يلعب عليك ,, لكن للاسف طلعت غبي ومجرد بنت انتهازيه لعبت عليك واخذت فلوسك وتركتك بحسراتك
طلال يهاجم ابوه: ميشو مو انتهازيه ,, بعدين الفلوس الي دفعتها فلوسي,, لاتخاف ماخذت منك شي,,, هذي فلوسي الي جمعتها من محلاتي ومن شغلي بالاسهم
ابو طلال: انا ماهمني فلوسي او فلوسك,, لكن مساله ان بنت بكل بساطه تجي وتلعب عليك هذا الشي الي ماكنت اتوقعه ,, بعدين انت مجنون تدفع 16 مليون لوحده ,,, هذا تعبك بهالسهوله تضيعه
طلال: بابا الحمدلله عندي خير,, وبعدين هذي فلوسي وانا حر فيها
ابو طلال: هذا رد ترده علي
طلال ندم ع كلامه ولهجته مع ابوه: بابا الله يخليك اتركني الحين انا مو عارفه ايش اقول,, بابا ((بحسره قالها)) تخيل حبيبه عمرك تروح وتخليك
طلال حن ع ولده وع حالته ,, وتقطع قلبه عليه,, لانه يعرف طلال حكيم ومافيه شي يهزه,,, واكيد مشاعل تعني له الكثير ع شان كذا هو منهار,,, ولازم يساعده
ابو طلال: ممكن افهم الموضوع كويس
طلال شرح له كل شي من بدايته مع مشاعل لليوم
ابو طلال: اسمح لي انت غلطان
طلال: ليش يابابا؟؟؟
ابو طلال: انت الي عطيت المجال لبندر يلعب دور البطل معاها ومع اهلها
طلال: بابا انا ماكنت اقدر اطلع بالصوره لاني ماعرفهم ولان مشاعل ماراح تقبل اعتذاري
ابو طلال يفكر: بس لحظه انت تقول ان البنت تزوجت؟؟؟
طلال بحسره : اليوم
ابوطلال على طول قال لطلال عن بندر وانه جاء يقول له كل شي,, استغرب طلال تصرفه المفروض يكون سعيد لانه تزوج مشاعل
ابو طلال: لاتكون مشاعل رفضته ع شان كذا يبي ينتقم منك
طلال على طول فكر بساره هي الوحيده الي تقدر تساعده
دق عليهاطلال: هلا ساره
ساره: اهلين,, هاه بشر ايش صار
طلال استغرب من ساره: انتي الي لازم تقولي لي ايش صار؟؟؟
ساره : مدري احنا طلعنا من عندهم ,, بس اظن مشعل اخوها كان معصب وخايفه انه يسوى لها شي,, ومقدر ادق عليها لان بندر منعني اني اكلمها
طلال: مشعل معصب ,,, و وبندر منعك تدقي عليها,, ايش السالفه
ساره مستغربه: ليش ميشو ماكلمتك اليوم
طلال: لا
ساره تضحك :ههههههههه,, اجل لي الحلاوه
طلال قلبه يدق بقوه: ساره تكفين تكلمي
ساره: ميشو رفضت بندر
طلال رمى التلفون وراح يركض ع غرفته وينط من السرير ويصارخ ,,بما ان الباب كان مفتوح ,, الصوت جذب نواف الي كان يلعب بالحديقه,, وجاء يركض وشاف حال طلال ,, وعلى طول صار ينطط معاه بالسرير
ابو طلال ضحك عليهم,, وعرف ان مشاعل ماتزوجت ,, استغرب وتحمس اكثر لشوفه هالبنت ,,, هالبنت الي تقدر تغير حال طلال من حزن مميت الى فرح وسعاده
طلال وقف وحاول يثبت انفاسه: الحين انا اطامر ع شان فرحان انت ايش تبي تنط معاي
نواف: ياغبي اشاركك الفرحه ههههههههههه
طلال شال نواف ,, وصار ينط ع السرير ونواف بين يديه
ابو طلال : البنت ع الخط
طلال نزل نواف وراح يركض
طلال يتنفس بصعوبه : هلا سارونه
ساره: هههههههه مسوين حفله ببيتكم
طلال: لا الحفله بقلبي
ساره: هههههههههههه
طلال : طيب سارونه اروح اخطبها الحين؟؟؟
ساره : مجنون انت ,, اظن انها متمشكله مع اهلها لان بندر يقول ان مشعل معصب مره
طلال: احسن ياليته يضربها
ساره منصدمه: حرام عليك
طلال: ع شان تحرم تتزوج غيري
قفل طلال والفرحه ماليه قلبه
ابو طلال : والحين دورك انت تحرك
طلال: ايش اسوي؟؟؟
ابو طلال: خلنا نروح نزور اخوانها ونشرح لهم الموضوع ,, وبعدين نخطبها لك
طلال: بابا ايش رايك بكره الصباح؟؟؟
ابو طلال: اوكي خلاص نطلع من المؤسسه 10 ونمر ع شركتهم ,, اقصد شركتكم
ضحك ابو طلال وطلال,, حتى نوافوه الخبل شاركهم الضحك مع انه مايعرف ايش السالفه
000000000000000000000000000000 000000000000000وصل مشعل وسعود الشركه ,, تعبوا وهم يدورا ع العقد والي مافكروا يطالعوه بسبب ثقتهم الزايده ببندر
وبعد تعب ,, وصلوا اخيرا للعقد ,,, وكان سعود اول من وصله
سعود: مشعل لقيته
مشعل: هاه باسم مين؟؟؟
سعود يطالع مشعل بصدمه: طلال
مشعل: عطني رقم طلال الحقير
سعود: مشعل اهدا ,, وليش حقير شوف ايش سوا لنا الشركه الحمدلله رجعت تشتغل احسن من اول والربح صار اكثر من الايام الي كان ابوي هو الي يديرها
مشعل: خاننا وكلم اختنا
سعود: ترى بفضل الله ثم بفضله مشاعل تشوف,, ولو هو يلعب معاها ومعانا ماكان خسر عليها كل هالفلوس
مشعل: طيب ليش ماجاء يخطبها اذا يحبها
سعود: مدري بس اظن فيه بينه وبين مشاعل مشكله لان الرسايل تدل ع كذا,, ويبدوا لي ان بندر هو السبب
مشعل: واحنا الي كنا ممتنين له
سعود: مشعل خلني اروح لطلال اكلمه,, وافهم منه الموضوع
مشعل: ليش وانا مو اخوها؟؟
سعود: انت عصبي,, خلني انا اروح اتفاهم معاه
مشعل: رجلي ع رجلك,, ولاتخاف راح اتحكم باعصابي
سعود: اوكي بكره انشالله راح نروح له
مشعل: لا الحين,, مافيني صبر لبكره
سعود: يامشعل الحين متاخرين من اصبح افلح,, وخلني اتكلم مع مشاعل يمكن اقدر افهم منها شي
سعود: اوكي
000000000000000000000000000000 000000000000000000000000
0000

**wat** · 09-09-2007, 09:59 PM

طلال كانت الفرحه مو قادره تخليه يجلس مكانه ,, كان يلف الحديقه كلها وهو يركض وراه نواف يحاول يجاريه في الركض,, وكانت لمياء واقفه ع الشباك تطالعهم,, وهم يلفوا ع البيت
لمياء: الله جالسين تركضوا وماتنادوني
نواف يصارخ لها ع شان تسمعه: لمو تعالي بسرعه ابي اسابقك لاني ماقدرت اسبق طلال
لمياء نزلت تركض, وصاروا المجانين الثلاثه,,, طلال يركض ويصارخ من الفرحه,, ووراه نواف ولمياء,, واذا صرخ طلال يصرخ نواف ولمياء معاه وهم مايدور ايش السالفه
000000000000000000000000000000 0000000000000000000000000
سعود كان واقف عند غرفه مشاعل في بيت ام سلطان:مشاعل؟؟؟
مشاعل: هلا سعود
سعود: ممكن ادخل
مشاعل تمسح دموعها: تفضل
سعود دخل ع مشاعل وجلس جنبها ,,, وكان ساكت,, بعد فتره مد لها الورقه الي تخص الشركه واشر ع اسم طلال الي ينص ع انه يملك نص شركهتم
سعود: ممكن تفسري لي سبب وجود هالاسم؟؟؟
مشاعل طالعت الورقه وشافت اسم طلال.,,. رجعت تتامل الورقه,,كانت ورقه عقد للشركه,, ظلت دقايق تتامل الورقه مو قادره تصدق,,, كل كلام بندر كذب,, وطلال كان صادق معاها لاخر لحظه ,,, ساره حاولت تفهمها مو قادره تفهم,, كانت مسكره اذنها لاي كلام,,, كانت واثقه ببندر,, بس طلع كذاب,,, معنى هالكلام ان طلال هو المسئول عن عمليتها وعن سفرتها كلها ,, معقوله طلال يسوي كل هذا علشانها,, تذكرت سفرته معاها ووقفت معاها بكل وقت ,, كان موجود دايما معاها بس هي الي مو قادره تحس,, ومو قادره تقتنع الى بالكلام الي في بالها,,, ممكن لاي انسان غبي يعرف ويكتشف ان طلال يسوي كل شي علشانها,, شلون ماحست شلون ماعرفت,,, معقوله طلال؟؟؟ طلال يسوي كل هذا؟؟

مشاعل رفعت عينها لسعود وهي تبكي: طلال هو الي شرا الشركه
سعود يتاملها: يعني ماكنتي تعرفي
مشاعل: لا بندر كان يقول لي ان طلال كذاب ويحاول يخرب زواجي, وانه هو الي اشترى الشركه وهو الي كان مسئول عن علاجي
سعود: للاسف بندر كذاب,, وطلال كان هو صاحب هالوقفات الانسانيه معاك ومعانا,,, بس مشاعل ايش علاقتك بطلال
مشاعل حبت تحرج سعود: مثل علاقتك بهنوف
سعود: بس هنوف راح تكون زوجتي
مشاعل: طلال عرض علي الزواج وانا رفضت
سعود: ليش؟؟
مشاعل: لاني كنت اتوقعه كذاب وصدقت بندر
سعود: وقلبك وين ؟؟؟ عند بندر او طلال؟؟؟
مشاعل ابعدت عينها عن اخوها
سعود: ميشو خليك صريحه معاي انا مو مشعل,,, اذا انتي تحبي طلال لازم يجي يخطبك,, او انك تنسيه
مشاعل: هو مايعرف اني رفضت بندر
سعود: انا ومشعل بكره راح نروح له ونعطيه خبر اننا عرفنا كل شي,, وقتها الدور راح يكون دوره ,, اذا يبيك راح يخطبك
مشاعل ابتسمت غصب عنها: متى راح تروحوا بكره
سعود يغمز لها: اشوفك متحمسه؟؟؟
مشاعل تحاول تكون عاديه : لاعادي
سعود: عموما راح نروح له بكره المغرب انشالله
وطلع من عندها ,, كانت احلى ليله بحيات مشاعل,,, اخيرا هي وحبيبها طلال راح يجتمعون من جديد ,, يا الله قد ايش عانت بهالدنيا وخلاص تبي ترتاح,, حبيبها طلال كانت شاكه فيه وماعطته فرصه يدافع عن نفسه,,دايما ظالمته,, اخيرا جا الوقت الي تتصافا فيه القلوب ,,تمنت ان معاها موبايل وتدق عليه تتاسف منه,, ماقدرت تنام طول الليل تحلم فيه وتفكر بالبيت الي راح يجمعهم ,, اخيرا
000000000000000000000000000000 0طلال تعب من الركض والصراخ,, وكان يبي ينام بدري ع شان وراه بكره موعد مهم مرررره ومصيري بالنسبه له,, راح يقابل اخوان مشاعل ويشرح لهم كل شي,, بس قبل لازم يتكلم معاها ,, يعبر له عن حبه,, وامتنانه لها ,, اخيرا انتهت المشاكل,,, والهموم ومشاعل راح تكون له
تخيلها جنبه,,, تخيلها ام عياله,, ايش راح يسموا عيالهم,, فكر بكل شي,,, يطلع من البيت او يجلس مع اهله
طلال"احسن شي ميشو الي تقرر اذا تبينا نجلس هنا او نطلع"
000000000000000000000000000000 0000000000000000000000000
فهده تكلم امها: هاه ماما حددتوا موعد الملكه
ام فهده: ايه حددتها انا وصالح,,, انشالله بعد بكره
فهده: حرام عليكم وروان مالها راي ,, يمه ترى هي الزوجه
ام فهده: بعد بعد البنت مالهم راي
فهده: الله يعني هالبنيه
000000000000000000000000000000 0000000000000000000000000
000000000000000000000000في الصباح
طلال: يله بابا الحين الساعه 9 ونص واحنا ماطلعنا من المؤسسه
ابو طلال طفش من ولده: اووووووووه طلال انا قلت لك نروح لهم 10,, تونا 9 وربع حتى ماجت 9 ونص
طلال: يله مافيني صبر,, مانمت امس ولا دقيقه
ابو طلال: انا عارف اني اليوم ماراح اخلص شي من اشغالي وانت ع راسي,, خلنا نروح وارتاح منك
طلع ابو طلال وطلال بسياره طلال البنتلي,,, واخيرا وصلوا لشركه ابو مشعل كانت سياره سعود الانفنيتي واقفه برا وسياره مشعل الاكس 5
طلال كان لابس ثوب وهو نادر مايلبسه,, لان شكله لما يلبس ثوب يصير يموت ضحك,,كانه واحد اجني لابس ثوب,,, مع انه يعرف يتفنن بلبس الشماغ بس شكله مو راكب ابد,, كانه ممثل اجنبي بثوب وشماغ لوووووووووول
اما ابوه كانت ملامحه عربيه قاسيه ,, وطلال اخذ من ابوه حده النظرات والرجوله,, ولكن ملامح طلال كانت من نصيب اخواله لانه اخذ منهم الملامح والجاذبيه والجمال
دخل ابو طلال وطلال عند السكرتير
السكرتير: بايش اقدر اخدمكم؟؟؟
ابو طلال: لو سمحت مشعل موجود؟؟؟
السكرتير:ايه مين اقول له
ابوطلال:قول له طلال ال.. وابوه
السكرتير: ابشر
دخل السكرتير عند مشعل
السكرتير: فيه اثنين يبوك برا
مشعل: ماقالوا لك مين هم
السكرتير: يقول طلال ال وابوه
مشعل انصدم, كيف تجيهم الجرئه يجوا لهنا,, والى خلاص يبوا يباشروا الشغل بشركتهم
مشعل: روح عط سعود خبر خله يجي ,,, ودخلهم
السكرتير: انشالله
طلع من مكتب مشعل وبلغهم يدخلوا ع مشعل
طلال: بابا احس قلبي بيوقف
ابو طلال: اجمد خير انت رجال,, خلك ثقيل,, والله لو انك بنت
دخل ابو طلال وبعده طلال ,, كانت ردة فعل مشعل عاديه قام يسلم عليهم وبعد السلام
ابو طلال: طبعا انت مستغرب وجودنا هنا
مشعل: لا الشركه نصها لكم ليش استغرب
ابو طلال: احنا جايين لكم لان احنا مدانين لكم بتفسير للي قاعد يصير
مشعل بلهجه حاده: واحنا مدانين لكم ب 15 مليون غير علاج مشاعل
ابو طلال: اذا تتكلم عن الفلوس وعلاج مشاعل هذا الموضوع ناقشوه مع طلال لانه هذي فلوسه وهو المسئول عنها ,, لكن انا جيت هنا علشان افتح معاكم موضوع مشاعل وطلال
دخل سعود ورحب فيهم,, طلال كان منحرج من سعود بسبب تمثيله عليه بالمانيا
سعود: الله يحييك يابو طلال
ابو طلال اعجب بعقل سعود وسعه افقه: الله يحييك اكثر
ابو طلال كمل كلامه: يمكن انتوا مستغربين مثلي ع تصرف طلال الغريب,, لكن انا بديت استوعب طلال وافهم ليش سوا كذا واتمنى منكم انكم تفهموه وتقدروه مثل مافهمته,, ولدي طلال انا مربيه ع مبادئ سليمه وصحيحه,, وعارف شخصيته القويه والواثقه,, عمري ماشفته حزين ولا مهموم ,,لا حتى متردد,الا من بعد مشاعل,, مشاعل بنتكم قدرت تهز مشاعر هالولد القويه والي محد يقدر يهزها ,, قدرت تحوله من رجل قوي الى طفل وديع وضعيف حبها ,,, فكرت ايش الشي الي ممكن يحول طلال بهالشكل,,, وتاكدت انه الحب, انا عارف انه صعب عليكم اني اجي واقول لكم ان ولدي يحب بنتكم ,, ولكن انا جاي هنا اطلب يد مشاعل لطلال,, انا موضوع الفلوس وهالخرابيط ماهمني ,,, ماهمني الا سعاده ولدي وانا عارف انها راح تكون مع مشاعل
سعود ومشعل احترموا اسلوب ابو طلال الصريح والمباشر والمؤدب,, احترموا رغبه طلال بالزواج من مشاعل

سعود: بس يابو طلال العذر والسموحه منك,, تتكلم بموضوع يخص طلال وهو ساكت,, يمكن مو عاجبه الموضوع
طلال هنا قدر يكسر الصمت الي كان عايش فيه وقال: لا ياسعود الشي الي خلاني اوقف مع مشاعل بكل خطوه بالعمليه واسافر معاها هذا كله لاني احبها ولا كان قصدي اني اخدعكم او اتجاهلكم ,,, لكن خوفي عليها هو الي كان يوجهني لوين ماتكون ,, اما بالنسبه لموضوع الشركه فاعتبروا المبلغ مهر مشاعل
مشعل بشك : وايش الي يخليك واثق ان مشاعل راح توافق؟؟؟
طلال: لاني احبها وادري انها تحبني,, وانا يامشعل ابي اجي من الباب واكون زوجها ع سنه الله ورسوله ومابي اخدعكم واجي من طرق واساليب ملتويه,,, لكن انا ابي رضاكم وموافقتكم ع زواجنا
سعود: بس ياطلال مشاعل لها راي بالموضوع ,, بعدين انت فاجئتنا
طلال: انا ماراح استعجل عليكم ,, راح اخليكم لما بكره تردوا علي
سعود ومشعل وابو طلال ماقدروا يمسكوا ضحكتهم ,, فرحان انه راح يعطيهم مهله لبكره,, الناس يقولو فكروا ع راحتكم وهذا يوم وفرحان فيه
ابو طلال: خذوا راحتكم بالتفكير وردوا علينا
طلال: لا يابابا انتم فكروا اليوم وبكره ردوا لي,, ليش التاخير
مشعل ابتسم غصب عنه: اذا انت متعلق فيها لهدرجه ليش ماتقدمت لها قبل؟؟؟
طلال: ظروفي ماكانت تسمح
سعود: طلال كان لازم تقول لنا ع كل شي قبل ماكانت الامور تعقدت بهالشكل
طلال: مافيه شي تعقد ,, كل شي مثل ماهو ,,, بس انا انتظر ردكم لي بكره
سعود: بس ياطلال موضوع الشركه
طلال: سعود لو سمحت اترك هالمواضيع بعدين,, وخلنا نتكلم بالاهم
سعود: طلال راح نكتب لك انا ومشعل الجزء الباقي من الشركه بما انها اخيرا رجع نشاطها ,, هذا حقك من الفلوس الي دفعتها,, وانشالله راح نقدر نكمل باقي المبلغ بس عطنا فرصه
طلال: لا انسوا موضوع الفلوس الحين,, وبعد الزواج راح نتكلم بهالموضوع
انتهى النقاش ع انهم راح يفكروا ويردوا عليه بكره
000000000000000000000000000000 0طلع طلال بالسياره ينتظر ابوه يركب ,,, واول ماركب رفع ع صوت الاغاني ,,, وبدى يرقص بالشماغ,, ويهز ,,, وياخذ يد ابوه ويحاول يرقصه
ابو طلال بعصبيه: مجنون انت فكني لايشوفني احد من اصحابي يقولوا انهبل هالشايب
وقفوا بالاشاره وطلال رفع اكثر ع الاغاني,,, ابو طلال يلتفت ع السيارات الي بالاشاره لايكون احد يعرفه واقف وتلطم,, وطلال كان يهز رقبته ,,, والتفت ع جنبه كان فيه بنات بالسياره شكلهم رايحين يفطروا
طالعهم طلال ,,,والتفت ع ابوه
طلال: بابا شوف البنات منجنين ع عيونك,, تصدق لو شافوا وجهك راح ينحاشوا
ابو طلال: امش الاشاره فتحت ,, هذا وجهي ان ركبت معاك مره ثانيه
وصل ابوه للشركه وكان ماشي 10000 بالسياره ,, وصل البيت وراح ركض يقول للمياء كل شي ,, وانقهر لان امه مسافره اسبانيا عند اهلها ولا كانت راح تفرح له
000000000000000000000000000000 0000000000000000000000000
000000000000000000000000في الشركه
مشعل: ايش رايك بكلام طلال
سعود: بصراحه انا خايف تعصب علي لكن بقولها انا الولد هذا يعجبني ,,, وواضح انه يحب مشاعل مررررره,,, حرام نرفضه
مشعل قال كلمه انصدم سعود منها : مين قال لك اننا راح نرفضه
سعود: سبحان مغير الاحوال,, امس كنت تبي تقتله
مشعل: بصراحه باين عليهم ناس راقين بتصرفاتهم واخلاقهم,, ويكفي انه جاء يخطبها,, ولاتنسى مركز ابوه ,,, وانشالله راح يقدر يسعد مشاعل
سعود: والاهم من كل هذا انه يحبها
مشعل: وهي تحبه
سعود: تدري انا راح ارجع للبيت ابلغها
000000000000000000000000000000 00000000000000000000000000

**wat** · 09-09-2007, 10:04 PM

طلال باعلى صوته : لمياء
وصل لغرفتها وصار يطق الباب باقوى ماعنده
لمياء خافت ايش فيه طلال الساعه 10 ونص الصباح ليش يصحيها
لمياء بعد مافتحت والنوم والرعب طاغي ع وجهها: طلال ايش فيك,, ايش صاير
طلال ماسك قلبه : لموووو الحقيني قلبي يعورني
لمياء خافت : ايش فيك؟؟؟
طلال: خطبت ميشو
لمياء فتحت فمها وعيونها حتى خشمها فتحته من الصدمه: الصباح؟؟؟
طلال: ايه
لمياء صرخت بقوووه فجرت اذان طلال: اخيرا ميشو راح تجي عندنا ,, اخيرا فيه احد راح يسهر معاي
طلال: لا والله ترى زوجتي مو زوجتك,,, والله ماخليك تشوفيها الا ساعه باليوم
وبدت المضاربه بين طلال ولمياء ,, لمياء تبي تحجز مشاعل كل خميس تسهر معاها وطلال رافض
واخيرا صحى نواف من النوم,, من صراخهم
نواف: لازم تصارخوا بصوت ماخليتوني انام
لمياء تكلم نواف: عمرك شفت احد يصارخ بصمت
نواف: ايه انتم ع شان اقدر انام
لمياء وطلال يطالعوا بعض ميتين ضحك على نواف وبدوا يصارخوا بهمس
لمياء: كذا
نواف: بايخه,, حروح انام وياويلكم لو سمعت صوت
بعدين رجع كانه تحسف
نواف: طلال ليش كنتوا تصارخوا
طلال: خلاص ميشو راح تجي عندنا
نواف وكله نوم: شلون
طلال: راح اتزوجها
نواف: متى ؟؟
طلال: قريب انشالله
نواف: طيب بسرعه اتزوجها
طلال مستغرب: ليش
نواف: عشان ابيها تلعب معاي بلي ستيشن
لمياء وطلال ماتوا ضحك حتى نواف يبي يحجزها
لمياء: لاحبيبي صف دور معانا
000000000000000000000000000000 0000000000000000000000000مشاعل وكلها نوم: هلا سعود
سعود يطالعها ومبتسم: عندي لك اخبار حلوه
مشاعل : ايش صاير؟؟؟؟
طبعا سعود قال لمشاعل كل شي عن طلال ,, وكيف بين لهم حبه لها
سعود : هاه تبيني اقول له انك موافقه اليوم ؟؟؟ او نتغلى لما بكره؟؟؟
مشاعل وهي تطالع سعود وبكل جديه قالت : سعود انا مو موافقه
سعود ضحك : ايه صح مانتي موافقه لانك راح تطيري من الفرحه
مشاعل بحزن : سعود انا اكلمك جد مقدر اوافق
سعود خاف وحس ان مشاعل جديه,, ايش تبي بالضبط هي تحب طلال وهالشي باين بعيونها,, ليش ما توافق؟؟؟
سعود : مشاعل ماني فاهمك؟؟؟ايش تبي بالضبط؟؟
مشاعل طالعت فهد اخوها والي نايم جنبها
مشاعل : تعال نطلع نتكلم برا
سعود طلع مع مشاعل وكله حيره ,, جلسوا بالصاله الي فوق
سعود : ميشو تكلمي حيرتيني مو قادر افهمك؟؟؟ رفضتي بندر لانك تحبي طلال,, والحين ترفضي طلال ليش؟؟؟؟
مشاعل : انا قطعت وعد لسلطان وفهد وفيصل اني ما اتركهم
سعود : ميشو ايش الي ما تتركيهم ,, عندهم امهم
مشاعل بحزن : امهم؟؟؟ انت ماتعرف امهم؟؟؟ من بعد ماتوفى ابوي,, صارت تضربهم,,, سعود هم صغار وخايفين ووحيدين ومستحيل اتركهم ,, انا خايفه عليهم من امهم
سعود : تخافي على اخواني من امهم ,, ايش هالكلام
مشاعل : انت ماشفت ايش تسوي لهم
سعود : ميشو معقوله تدفني حياتك معاهم ,,, طلال الي تتمنيه جاء لحد عندك ويبي يتزوجك
مشاعل تبكي: ماراح اكون سعيده وانا ادري انهم يتعذبوا,, انا مستعده اضحي بحياتي بس ماشوف دمعه بعيونهم ,,, خلاص ياسعود يكفي,, انا عطيتك رايي وخلاص,, بليز لاتفتحوا هالموضوع معاي مره ثانيه ابد
سعود: بس يامشاعل ايش راح اقول لطلال
مشاعل : قول له الي قلت لك وانشالله راح يتفهم
سعود: بصراحه هو واثق انك راح توافقي والله راح ينصدم
مشاعل: انشالله يلقى الي تعوضه عني
000000000000000000000000000000 0000000000000000000000000في بيت طلال وبالتحديد في غرفه الاكل
ابو طلال : طلال ليش ماتتغدى
طلال : انتظر مشاعل تجي تغديني
الكل ضحك عليه
لمياء : وانشالله ماراح تاكل لما تجي تاكلك ,, صدقيني وقتها راح تكون من الاموات
طلال : انشالله كلها اسبوع وهي هنا
هيفاء شهقت: وانشالله ماراح تسوي حفله
طلال: اذا الحفله راح تاخذ وقت ماراح اسويها
هيفاء : لاحبيبي لازم نسوي حفله تبي تفشلني عند صاحباتي
ابو طلال: انتم تجهزون العصابه قبل الفلقه,, استنوا يوافقوا الناس
هيفاء: وليش مايوافقوا ماراح يلقوا مثل طلال , ,اصلا تلقاهم طايرين من الفرح
طلال: لا يابابا فال الله ولا فالك,, انشالله اخوانها موافقين
ابو طلال: يمكن البنت ماتوافق
طلال: هههههههههه لا معليش راح توافق
ابو طلال: قول انشالله
طلال: انشالله
هيفاء: اعمل حسابك ان زواجك في الفور سيزون
طلال: انشالله بالبطحاء بس خليني اتزوج
لمياء: لا ياحبيبتي مانبي الفور سيزون نبي نحطه في نياره
هيفاء: ياي قديمه انتي مره
لمياء: قديمه والا مو قديمه مالي شغل
طلال: خلاص انا ارح اسوي حفلتين وكل وحده تعزم صاحباتها بمكان
الكل: ههههههههههههههههههه
000000000000000000000000000000 0ام مشعل: والله هالبنت حيرتني معاها ماقدرت افهمها
نجود: خالتي اتركوها ع راحتها ولاتضغطوا عليها
مشعل: طيب ايش راح نقول للرجال
نجود: اتصلوا عليه وقولوا له الي قالته
مشعل: والله الرجال متعشم اننا نوافق,, بصراحه منحرج
نجود: اذا يحبها بيصبر لما تغير رايها
ام مشعل: ع قولتك
000000000000000000000000000000 0000000000000000000000000
في غرفه طلال
دق موبايله كان الرقم غريب
طلال: الو
العنود صاحبه هيفاء : هاي
طلال: نعم مين معاي؟؟؟
العنود : وحده معجبه
طلال: ع فكره اسلوبك قديم,,, وانتي مره بايخه
العنود انقهرت مافيه احد اتجرا يهينها: طيب علمني ايش الاسلوب الجديد
طلال: والله,,, تبي تعرفي الاسلوب الجديد
العنود: ايه
طلال : اوكي اسمعيه بس ركزي ع الصوت كويس
وقفل بوجهها
العنود ماتت قهر ,,, وعزمت اكثر انها تجيب راسه ع قولتهم
كان طلال يتقلب مو قادر ينام ,,, فرحان من قلبه,,, انقلب ع جنبه اليمين ويطالع المخده,,, لمسها
طلال"متى يا مشاعل تكوني هنا ,,, متى ارتاح بحضنك,, ومتى اتصبح بوجهك,, متى انام ع صورتك,, متى تكوني انتي حلمي,, وانتي دنيتي,, متى تكوني زوجتي وشريكه حياتي,,, متى تكوني نصفي الثاني,,, متى ياميشو متى,, متى ياقطوتي العبك ,, واحكي معاك,, متى ازعلك وارجع ارضيك,,, متى اكرهك وارجع احبك,,, متىىىىى ,, الله يصبرني بس"
واخيرا نام طلال بصعووووبه
000000000000000000000000000000 0000000000000000000000000
00000000000000000000000مشاعل كانت ليلتها صعبه ,,, ماتجرات حتى انها تحاول تنام,,, لانها عارفه ان النوم راح يجافيها,, والارق راح يكون من نصيبها,,, ياما تمنت السعاده مع طلال,, وهذا طلال الحين يعرض عليها الزواج وهي مو راضيه,, مستحيل تتخلى عن اخوانها خاصه بعد الي قالوه لها عن خوفهم من امهم ورعبهم منها,, وانهم يبوها هي الي تكون معاهم ,, معقوله تتزوج وتترك هالاطفال بيد وحده ماتخاف الله مستحيل
تمنت ان بكره مايجي,, كانت حاسه بفرحه طلال والي اكيد متوقع انه اراح توافق,, واكيد يتمنى اليوم الي راح يجمعهم اكثر منها بس مسكين مايدري انها راح ترفضه,,, حزنت عليه وعلى حالها,, وعلى الدنيا الي مو راضيه تخليها سعيده,,كان ممكن تتزوج وتترك كل شي وراها بس مستحيل راح تكون سعيده مع طلال وهي متاكده ان اخوانها يتعذبوا
سمعت صوت اذان الفجر ,, الله اكبر ,, الله اكبر ,, صارت تردد وراه ,, ,تذكرت ان الدعاء بين الاذان والاقامه مجاب باذن الله ,,, دعت ربها انها يفرج عنها كربتها ويبدل حزنها بفرح ويبعد عنها مايهمها ويكدرها,, وتوكلت ع الله
000000000000000000000000000000 000000000000000000000000في الصباح
سعود : مشعل تدق ع طلال والا ادق انا؟؟؟
مشعل : انا مستحي دق انت,, بعدين انت تمون عليه اكثر مني
سعود: الله يعين,,, والله اني متفشل بس بدق
مشعل: انت فهمه وجه نظرها وانشالله راح يتفهم
سعود: بصراحه ميشو قاهرتني ,, شلون تضحي ع شان اخواني وهم عندهم ام ترعاهم حتى لو كانت قاسيه عليهم في النهايه هي امهم
مشعل: صادق مع اني مقهور ع طلال لانه فرصه بالنسبه لمشاعل ماتتعوض,, وانا ماتكلم عن حالته الماديه بس,,, الولد باين عليه يحبها,, وهالايام صعب الواحد يلقى الحب الصادق,,, بس رغم كل هذا احترم قرار مشاعل وبصراحه كبرت بعيني ع التضحيه الي تسويها
سعود: اي تضحيه انت الثاني,,, تدري اروح ادق عليه احسن
000000000000000000000000000000 0000000000000000000000000سياره طلال
كان طلال يقاوم نفسه اكثر من مره ع شان مايدق على سعود ومشعل ,, ع الاقل مايقولوا ايش هالمرجوج
دق موبايله كان رقم سعود
طلال: الو
سعود : هلا طلال
طلال صارت حفله جوا قلبه من الخوف : هلا وغلا بسعود كيفك؟؟؟
سعود: بخير الحمدلله انت شلونك وشلون الوالد؟؟؟
طلال: الحمدلله
سعود : في المؤسسه انت ؟؟؟
طلال: لا والله في المحل حقي اشيك ع الشغل
سعود : ايه اجل مشغول؟؟؟
طلال: لافاضي والله ,, هاه بشر ايش صار بخصوص الموضوع؟؟؟؟
سعود : والله ياطلال مدري ايش اقول لك؟؟؟
هنا طلال بدى يخاف وقلبه ينغزه,, ليش يقول له هالكلام ,,, اكيد ميشو رفضت بس ليش ؟؟؟؟ شال هالفكره من راسه
طلال:ايش صاير؟؟؟
سعود: والله ياطلال مشاعل رافضه فكره الزواج
طلال ماسمع الا رافضه,, ليش ترفضه,,, مو هي كانت تحبه,, ليش ,,, قدم نفسه لها ,,, وقدم لها كل شي يقدر عليه,, اثبت لها حبه,,, واخر شي تتركه كذا بدون مبرر
طلال بصوت مبحوح: فيه سبب والا...
سعود: والله ياطلال هي ماترفضك انت,, هي ترفض فكره الزواج
طلال بصوت كله حزن : ليش؟؟؟
سعود : تقول ماراح تتزوج وتترك اخواني الصغار لوحدهم
طلال: بس على حسب علمي ان امهم موجوده
سعود : امهم قاسيه معاهم شوي ,,, وهي خايفه عليهم منها
طلال يعاتب : وليش ماخافت عليهم لما كانت تنوي تتزوج من بندر؟؟؟
سعود: والله ياطلال مادري ,, انا منحرج منك
طلال: لا عادي ياسعود ,, انا مثل ماستنيتها هالشهور راح استناها لو سنين ,, وفي النهايه راح تقتنع
سعود : هي مو راضيه حتى اننا نفتح الموضوع معاها
طلال: سعود ودي اطلب منك طلب واتمنى ماتفهمني غلط ولاتردني
سعود: امر
طلال: سعود اظنك تعرف ان غرضي شريف وتدري اني احب مشاعل وماودي اخسرها
سعود: اكيد عارف هالشي وصدقني كبرت بعيني لما تقدمت لها لان هالشي يثبت لي انك رجال ومو راعي حركات الشباب ,, بس ماقلت لي ايش طلبك؟؟؟
طلال : والله اني منحرج منك ,, بس عارف محد يقدر يساعدني الا انت, واتمنى ياسعود انك تتفهمني
سعود: مع اني ماعرفت الطلب للحين بس ولايهمك مايصير خاطرك الا طيب
طلال: ماتقصر بيض الله وجهك ,,, سعود ابي اكلم مشاعل((وسكت شوي)) ابي اقنعها انا حاس اني اقدر اقنعها,, ومابي تعطيني رقم لها ,, ابي تعطيها موبايلك واكلمها وانت موجود,, ع شان تتاكد ان مو نيتي اني اكلمها من وراكم
سعود: ولا يهمك عموما انا بالشركه الحين,, اذا طلعت ادق عليك واخليك تكلمها
طلال فرح: مشكور ياسعود ,,, راح تسوي لي خدمه عمري ما انساها
سعود: ابشر ولا يهمك
000000000000000000000000000000 قفل طلال وهو متامل ان مشاعل فيه امل تتغير,, قهرته يسوي كل هذا ع شانها وترفضه,, ع شان عذر بايخ,,,, لاتكون ماتحبه؟؟؟ شال هالفكره من راسه,,, طيب معقوله ترفضه ع شان سبب تافه,,, حرام عليها تهدم احلامهم,,, لما حطموا كل الظروف واجتازوا كل المشاكل,, وصارت السعاده قريبه منهم ترفضه,,,, معقوله ماتحبه مثل مايحبها,,, معقوله لما صار الموضوع فيه زواج تتردد,,, معقوله المشاعر الي تملكها له مو كبيره لدرجه انها تترك كل شي وراها
000000000000000000000000000000 بوقت الغداء
كانت حال مشاعل ماتسر العدو ولا الصاحب ,, كانت تجلس معاهم ع الغداء تكمله عدد لاكثر,, حمدت ربها انهم خلصوا اكل,, يعني افراج,,, قامت مثل عادتها تروح تعزل نفسها بغرفتها مع اخوانها الصغار
ام مشعل : ايش رايك ياسعود ناخذ استراحه اليوم نطلع فيها نغير جو
سعود : والله فكره حلوه ياماما,, خليني ادق ع واحد يعرف استراحه زينه
ام مشعل : ايه الله يخليك خل مشاعل تغير جو ,, مسكينه حالتها حاله من بعد مارفضت طلال
سعود دق ع صاحبه
سعود: هلا ابو عبدالله
ابو عبدالله: هلا بسعود شلونك؟
سعود: تمام انت شلونك؟
ابو عبدالله: والله نشكر الله
سعود: ايش عنده اللبناني
ابو عبدالله: والله توني راجع من لبنان انا وام عبدالله
سعود: ياهوووووه اجل قالب اشقر,, صاير بروس ويليس
ابو عبدالله: اي اشقر ذبحتنا هالشموس في الرياض قلبنا ويل سميث
سعود: هههههههههههههه,, الله يعين
ابو عبدالله: اي والله ,, حيا الله سعود
سعود: الله يحييك,, اقول ابو عبدالله ماتخبر لي استراحه زينه ودنا نطلع مع الاهل اليوم
ابو عبدالله: انت تامر امر
سعود: مايامر عليك عدو
ابو عبدالله: عندي لك استراحه مره حلوه ,, متى بس تبيها
سعود: بعد المغرب
ابو عبدالله: خلاص انا راح اكلم لك الرجال,, وانشالله بعد المغرب اوصف لك المكان
سعود: الله لايهينك
ابو عبدالله: فمان الله
سعود : فمان الكريم
سعود تذكر انه مواعد طلال ع شان يكلم مشاعل ,, بس حس ان الوقت ابد ماينفع,,, قال خلني اخليها بالليل احسن
000000000000000000000000000000 0000000000000000000000000
00000000000000000000000000000000000000000000000000بعد المغرب كانوا في الاستراحه ,,, ومشاعل كانت معاهم وماوافقت تروح معاهم الا بعد تعب واقناع من سعود,, وطبعا وافقت بشرط ان اخوانها يكونوا معاهم
سلطان: ايش رايكم نسبح
فيصل: يله
سعود: جبتوا ملابس؟؟؟؟
مشاعل: ايه انا جبت لهم كل شي
سعود: طبعا انتي راح تسبحي معانا
مشاعل: لا سعود مالي خلق,,, بس بليز انتبه لفهد وفيصل ترى مايعرفوا يسبحوا
سعود: اذا خايفه عليهم تعالي انتبهي لهم
مشاعل: سعود وربي مالي خلق
سعود: ع راحتك,, هاه مشيعل تجي
مشعل: لو سمحت انا ابو سامي
مشاعل وسعود ماتوا ضحك تذكروا انه يبي يسمي ولده سامي
نجود تثبت طرحتها خافت تطيح من الصدمه: خير انشالله ايش سامي هذا
مشعل: هاه لالا مو احد ,,, هذا واحد نعرفه يقال له ابو سامي
نجود: ايه اشوا ع بالي بتسمي سامي
مشاعل غصب عنها ضحكت الموقف يموت ضحك,, كان مشعل يخاف من نجود
راح فهد وفيصل وسلطان وسعود ومشعل يسبحوا بالمسبح,, اما نجود ومشاعل وام مشعل ,, جلسوا يتقهوا
ام مشعل: مشاعل عندي لك اقتراح حلو
مشاعل: سمي ياماما
ام مشعل: ليش ماتخلي اخوانك عندي والله لحطهم بعيوني
مشاعل: لا ياماما ,,, الموضوع هذا تقفل خلاص مابي اتذكره
ام مشعل: حرام يابنيتي تضيعي عمرك
نجود: خالتي الله يهديك احنا طالعين نتونس مو نفتح هالمواضيع,, خليها ع راحتها
مشاعل تحاول تقاوم الدموع الي بعينها لاتنزل وتفضحها
مشاعل: عن اذنكم بروح اشوف اخواني
قامت مشاعل وهي تمسح الدموع الي ماصارت تفارقها ابد,, وصلت للمسبح,, وكان الصراخ يملا الاستراحه كلها , ,سلطان سباح ماهر ,,, ومشعل وسعود,, اما فهد وفيصل فكانوا يسبحو في بدايه المسبح وكانت المويه تغطي ركبهم مو اكثر ,, ,كانوا خايفين لانهم مايعرفوا يسبحوا,,, كانت تتاملهم بحب ,, جد يستاهلو التضحيه,, اطفال بريئين,, كتب الله لهم ان امهم تكون خبيثه ومافيها اي رحمه,, ولاعندها اي احساس بالامومه,,, الله انعم عليها بالاطفال وهي مهملتهم وتضربهم,, وفيه ناس يتمنوا طفل واحد ومو قادرين يحصلوا عليه,, سبحان الله الدنيا غريبه,, والناس اغرب
كملت مشوارها للحديقه وكانت مره صغيره,, جلست ع الارض,, غمضت عيونها واستسلمت للدموع
مشاعل: طلال احبك,, احبك,, ادري انك الحين تكرهني ,,, ماتوقعت رفضي لك,,, بس اتمنى انك تقدر رفضي وتعذرني هذولا اخواني,, ومستحيل اتركهم مستحيل
تذكرت تصرفات طلال معاها ,,, من اول علاقتها فيه ,, قدم لها قلبه ,, وكان رومانسي معاها وشهم,, عمره ماطلب يشوفها بمكان خاص ,, تفكيره مو مثل الشباب ,, افكاره راقيه ,, وتعامله معاها محترم,,, طلال شاب تتمناه كل بنت ,, حافظ عليها وحماها من غسان ,, وقف معاها لما كانت تعبانه,,, دافع عن حبهم لما خطبها بندر وهي ايش سوت غير صده,,, واخر شي جاها يقدم لها عمره وحياته وقلبه وهي رفضته ,, اه لو تقدر تقبل ,, اه لو تغمض عينها وتلقى نفسها بجنب طلال,, جنب طلال؟؟؟؟ تذكرت ملامحه والي اي بنت راح تحبه وتعشه بمجرد ماتشوفه,,, رجل بمعنى الكلمه ,, ياليتها تشوفه لاخر مره,, لا لو شافته اكيد راح تضعف,, نزلت دموعها بغزاره ,, وعاشت في عالم احلامها,, صحت منه ع صوت فيصل,,,
فيصل : ميشو تعالي تعشي
مشاعل تمسح دموعها: يله جايه
000000000000000000000000000000 في مجلس عبدالله صاحب طلال
عبدالله: طلال ايش فيك جالس لوحدك تعال العب معانا بلوت
طلال بحزن : مالي خلق
عبدالله: اقول شباب مين ياخذ دوري
محمد: انا جاي
ابراهيم : العب زين مو توهقني
عبدالله: لا ماعليك محمد يفت بالبلوت
جلس عبدالله جنب طلال ,, واصوات الشباب مزعجه الي يلعب بلوت والي بلي ستيشن,, والي يسولف
عبدالله : طلال ايش فيك منت ع بعضك اليوم؟؟؟
طلال: للحين مادق علي سعود,,, اخاف مارضت تكلمني
عبدالله: يمكن نسى يقول لها
طلال: لا ماتوقع
عبدالله: طيب اتصل عليه
طلال: اخاف اني احرجته لما طلبت منه هالطلب
عبدالله: طيب ايش تسوي مالك الا سعود,,, تقول ان اخوها ماخذ موبايلها,,, يعني ماراح تقدر تتصل عليها الا عن طريق سعود
طلال: ياخي ماني قادر اتحمل
عبدالله: طيب دق ع سعود وريح عمرك
طلال : راح انتظر ساعه الحين وقت عشاء اخاف انه يتعشى
عبدالله: ع راحتك,, بس لاتترك الموضوع كذا معلق,, شوف اذا تبيك والا شوف حياتك مع غيرها
طلال: ايش جالس تقول ,, انا مع غير مشاعل مقدر اعيش,, لو ماقبلت تتزوجني راح انتظرها لاخر يوم بحياتي
عبدالله : الله الله ع الحب,, وينها تسمع
000000000000000000000000000000 0000000000000000000000000

**wat** · 09-09-2007, 10:07 PM

كانوا جالسين بالاستراحه ع العشاء ,,, الكل كان مشغول بالاكل الا مشاعل كانت توهمهم انها تاكل, وكانت في بحر ثاني من الافكار,, طالعت ام مشعل شلون قدرت تتحمل فقدان ابوها والي كانت تحبه حب كبير,, معقوله بيجي يوم تنسى طلال,,, مشعل ونجود وسعادتهم,, سعود وحلمه بانه يتزوج الهنوف,, كل واحد عنده حلمه ويطمح له,, اما هي حلمها جاء لحد عندها وترفضه,,طالعت سلطان كان حلمه انه يتوظف ويصرف ع اخوانه مسكين حمل الهم بدري كله من امه,,, اما فهد كان نفسه يكون طيار ,, فهد؟؟؟ وينه ليش ماجاء يتعشى
مشاعل: سلطان حبيبي وين فهد ليش ماجاء يتعشى
سلطان: مدري عنه
جواب سلطان سبب الرعب لكل الموجودين,, وين فهد؟؟؟
على طول الكل قام يركض يدور عليه ,, وين راح
ام مشعل بخوف : هاه لقيتوه
مشعل: لا دورت برا الاستراحه مافيه احد الله يستر لايكون بس طلع وانسرق الله يستر هالمكان منعزل ويخوف
مشاعل تبكي ومتجه عن ام مشعل ومشعل : مشعل مالقيته بكل الغرف,, وين فهد؟؟؟
صرخه قويه دوت بكل الاستراحه,, كانت صرخه سلطان
الكل ركض باتجاه سلطان,,, كان واقف عند المسبح,,,,و شايل فهد وكان بين يديه مايتحرك
مشاعل صرخت : فه د
000000000000000000000000000000 0000000000000000000000000عبدالله: طلال ياخي دق وريحني تراك ازعجتنا
طلال قام : بروح ادق برا هنا مره ازعاج
عبدالله: وبلغني ايش يصير
طلال: انشالله
طلال طلع من المجلس,, ودق ع سعود وهو ميت خوف
سعود بحزن : هلا طلال
طلال: سعود ايش في صوتك؟؟؟
سعود: معليش طلال نسيتك بس انا بالمستشفى الحين
طلال الخوف راح يقتله لاتكون مشاعل : سلمات
سعود: والله كنا طالعين بالاستراحه وفهد اخوي غرق بالمسبح والله يستر
طلال: انتم باي مستشفى؟؟؟
طلال بعد ماقفل من سعود طلع من بيت عبدالله واتجه ع المستشفى يمكن يقدر يساعد بشي وبعدين مستحيل يترك مشاعل واخوانها لوحدهمفي المستشفى
ام مشعل: مشعل روح دق ع ام سلطان بلغها
مشاعل معصبه : وليش يدق عليها كانها راح تهتم ,, اصلا فهد مايهمها
ام مشعل: معليش ياحبيبتي هذي امه مهما كان
مشاعل وهي تبكي : ام بالاسم بس
مشعل: مشاعل ماما صادقه راح ادق عليها ,, هذا ولدها
مشاعل رجعت تبكي: ماما تتوقعي فهد راح يقوم
ام مشعل : يارب ادعي له
مشاعل شافت سلطان وفيصل يبكوا ,, وراحت لهم
مشاعل: سلطان لاتبكي انشالله راح يقوم بالسلامه
سلطان وهو يبكي : لا ياميشو فهد مات انا لما شلته كان مايتحرك
مشاعل رجعت تبكي : لا ياسلطان لا تقول كذا انشالله راح يقوم انا متاكده بس خلنا ندعي له
مشاعل تذكرت امنيات فهد كان يبي يصير ضابط,, معقوله يموت ومايحقق حلمه,,, بكت من قلب,,, لا مستحيل فهد يموت مستحيل,, ,وانهارت بالمستشفى
مشعل يحاول يهديها: خلاص مشاعل تعوذي من ابليس
مشاعل تحاول تهدي نفسها بدون فايده كانت منهاره ,,, وكانت بكائها يسبب توتر لسلطان وفيصل
ام مشعل: هاه مشعل دقيت ع ام سلطان
مشعل: ايه وهي بالطريق
مشاعل: الحقيره ايش تبي ,, مسويه نفسها حزينه عليه
سكتت مشاعل لما شافت وجه تعرفه زين,, كانت تتخيل نفسها قويه وبسهوله راح ترفضه,,, بس الحين صعب مررره انها ترفضه بعد ماشافته ,,, كان يمشي باتجاهها وعيونه كلها خوف وقلق عليها
طلال : هاه سعود بشرني؟؟
سعود: والله للحين الدكاتره ماطلعوا
اتجهت نظرات طلال لمشاعل الي كانت متغطيه ,,, عرفها من جسمها ,, لان ام مشعل باين انها حرمه كبيره ,, اما نجود كانت اسمن من مشاعل
رغم صعوبه الموقف ,, ماقدر يمنع نفسه من السعاده لشوفتها ولو من وراء الطرحه
طلال: طيب انا اعرف واحد هنا بالمستشفى راح اروح له انشالله يطمنا ع فهد
مشعل: راح اجي معاك
بعد طلال مع مشعل عنهم,, انتبهت لنفسها انها مانزلت عينها عنه من اول ماجاء,, صدق شهم اول ماعرف بالموضوع جاء ركض لهم,,, نفسها تجلس معاه وتبكي بحظنه
لمحوا ام سلطان جايه تركض
ام سلطان: وين فهد وينه؟؟؟
ام مشعل: هدي نفسك هو الحين جوا وانشالله الله بيحفظه ويقومه بالسلامه
ام سلطان تكلم مشاعل: انتي السبب ,,, ليش تاخذي اولادي معاك,, حسبي الله عليك
سلطان: ماما مالك شغل بميشو ,,, ميشو الي كانت تطلعنا وتضحك معانا وتلعب معانا ,, انتي ايش سويتي لنا ,, وايش سويتي لفهد ع شان تحزني عليه,, اصلا امنا مشاعل مو انتي
ام سلطان انصدمت من ولدها : سلطان عيب عليك انا امك
سلطان: امي؟؟؟ انا ماعرف الا ماما مشاعل
ام سلطان: ايش سويتي لعيالي لعبتي بروسهم
سعود: يام سلطان عيب عليك انت يحرمه كبيره
فيصل يضم مشاعل: ميشو لاتخليها تاخذني معاها
ام سلطان انصدمت من تصرف فيصل : لعبتي براس عيالي ,, ايش قلتي لهم عني,,, سلطان هذي ماتحبكم هذي تبي تموتكم ,, شوف ايش سوت لفهد ,, تركته يغرق
قطع كلامها صوت طلال: اذا ماتقدري تسكتي وتسكري فمك اطلعي برا,, مافكرتي تشكري مشاعل لانها وقفت مع عيالك وربتهم وانتي الي عجزتي عن تربيتهم,,, صدق اذا اكرمت الكريم ملكته واذا اكرمت اللئيم تمردا ,,, ترى انتي حرمه كبيره مو صغيره ع شان تتصرفي بهالشكل,,, بعدين احترمي ع الاقل ولدك الي جوا مرمي تعبان
مشاعل وهي تبكي وتترجى طلال : طلال كيف فهد ,, لاتكذب علي,, قول لي انه راح يعيش
كانت ملامح طلال قاسيه لما كان يكلم ام سلطان ,, حقد عليها ليش تغلط ع مشاعل ,, بس اول ماسمع صوت مشاعل وكأن السلام والحب ملا قلبه
طلال بحنان: لاتخافي فهد انشالله بخير طمنونا عليه وانشالله راح يصحى قريب
مشاعل: احلف ياطلال انه طيب,, احلف انه راح يصحى
ابتسم طلال لانها ماصدقته : انشالله انه راح يصحى حالته الحين احسن ,,, بس هو تعبان شوي من كميه المويه الي شربها
ام سلطان كانت في حاله ذهول شخص ماتعرفه جاي يهينها ,, ولدها بين الحياه والموت,,, اولادها يرفضوها,, ويكرهوها,,, اختاروا عدوتها ام لهم,, ليش؟؟؟؟
طلع الدكتور اخيرا
الدكتور: ابشركم الحمدلله الولد صحته كويسه بس راح نحطه تحت المراقبه 24 ساعه
مشاعل قامت: دكتور بليز ابي اشوفه
الدكتور: اوكي شخص واحد بس الي يدخل,, ,افضل ان الي يدخل امه,, وين امه؟؟؟
الكل سكت وطالع ام سلطان
ام سلطان بتردد وهي تطالع مشاعل : انا امه,,, بس انا ابي اخته مشاعل هي الي تدخل
الكل انصدم من تصرفها
مشاعل وقبل ماتغير رايها ام سلطان دخلت بسرعه ع فهد
جسمه صغير ومايتحمل هالاجهزه,, بكت ع حاله وشكله الي يكسر الخاطر,,, مسكت يده وطالعت عيونه
مشاعل: فهد حبيبي معقوله تبي تروح وتخلينا,,, مين يصير طيارنا ويودينا لكل مكان نبيه؟؟
ضغط بخفه ع يدها دليل تجاوبه معاها
مشاعل: فهودي اطلع بسرعه ع شان اول شي راح نسويه راح اعلمك السباحه ع شان ماتخوفنا عليك مره ثانيه
ابتسم فهد بصعوبه
000000000000000000000000000000 00000000000000000000000000
طلعت مشاعل وضمت ام مشعل: الحمدلله ياماما فهد صحى
طلال في نفسه"ياليتني ام مشعل ع شان تضمني ميشو,, بس يالله راح يجي اليوم الي تضميني ياقطوتي"
مشاعل توجه كلامها لام سلطان وبدون نفس قالت : ترى فهد صحى وهو احسن ,,, وشكرا لانك خليتيني ادخل
ام سلطان كانت ساكته
سعود: طيب اذا تطمنا ع فهد خلونا نرجع للبيت
مشاعل: لا ياسعود انا راح اجلس معاه هنا مستحيل اخليه
مشعل: تجلسي ايش تسوي ,,, بكره من الصباح واحنا عنده انشالله
طلال كان وده يجلس عند فهد بس ع شان يريحها ,, كان وده يقول روحي ارتاحي وانا راح اهتم بكل شي,, بس خوفه من اخوانها هو الي منعه
مشاعل: خلاص انا قررت اني اجلس
واخيرا اتفقوا ان مشاعل راح تجلس
ام سلطان كانت جالسه مع مشاعل وساكته ومحد تجرا يقول لها ارجعي للبيت لانها راح تفسر كل شي ع كيفها
000000000000000000000000000000 0000000000000000000000000
__________________الصباح
كانت مشاعل نايمه ع الكنبه وتاركه السرير لام سلطان,, صحت الصباح وظرها متكسر من هالنومه المتعبه
وقفت عند فهد وعطته بوسه ع خده ,, مبين عليه التعب
لاحظت ان ام سلطان مو متغطيه كويس وكان الجو مره بارد بالمستشفى,, اخذت الغطاء وغطتها كويس ,, ام سلطان ماكانت نايمه وحست بمشاعل
بس مافكرت حتى تشكرها
دخلت مشاعل للحمام ولما طلعت لقت سعود موجود
مشاعل: هلا سعود ايش جابك من الصباح الساعه الحين 9
سعود: اف لاتقهريني
مشاعل: ليش؟؟؟
سعود: طلالوه ماخلاني انام,, يقول كيف تخلي مشاعل لوحدها بالمستشفى ,,, ومن 7 وهو يزعجني,,, وهو برا الحين البسي عبايتك انتي وام سلطان
مشاعل منصدمه: ايش جابه؟؟
سعود: يقول انه يبي يتطمن ع فهده,, بس انا متاكد انه يبي يتطمن عليك
مشاعل مره استحت خاصه انها لاحظت نظرات ام سلطان ,, وحست بانها راح تنفجر من الضحك
دخل طلال بعد ماتغطوا
طلال: السلام عليكم
الكل: عليكم السلام
طلال: اجل فهد نايم
سعود: ايه نايم احد يصحى من 8
طلال: اوه لا اكون بس صحيت الاهل؟؟؟
سعود: لا مشاعل صاحيه من بدري بس ام سلطان شكلها اليوم راح تدعي عليك
طلال: والله انا اسف بس حبيت اتطمن ع فهد واجيب لكم فطور
مشاعل: وليش ياطلال تتعب نفسك,, يكفي الي سويته معانا ويكفي وقفت معانا امس
طلال لما سمع صوت مشاعل حس ان الحياه رده له
طلال: لا ما سويت شي وعموما تطمنوا ع فهد الدكتور يقول انشالله المغرب راح يطلع من هنا
مشاعل: الله يبشرك بالخير
سعود: اقول طلال ايش رايك تجلس هنا وانا اروح اكمل نومي؟؟
طلال: والله فكره حلوه
مشاعل مره استحت,, ياكرهه طلال ماجاء الا مع اخوها سعود,, ع الاقل كان جاء مع مشعل لانه شديد اكثر من سعود وماراح يسمح لطلال انه يتكلم معاها
كلهم انتبهوا لفهد الي صحى من النوم
فهد: مشاعل انا عطشان
مشاعل على طول نادت الممرضات يجيبوا له مويه
ام سلطان تشوف مشاعل واهتمامها باولادها ,, وهي طول الوقت تتهجم عليها وتهينها,,, مافيه احد يملك مثل قلب مشاعل,, ع قسوتها معاها وكرهها لها كانت مشاعل خايفه على ام سلطان حتى من البرد ,, ماتخيلت ابد ان مشاعل تملك هالقلب,,, وندمت ع كل شي سوته
بدون ماتحس لقت نفسها تقول لمشاعل
ام سلطان : مشاعل ودي اشكرك ع اهتمامك باولادي ورعايتك لهم,, يمكن انتي مستغربه اني اتكلم معاك بهالاسلوب,,بس انا شفت نتيجه الي زرعته,, انا زرعت بقلوب عيالي الخوف مني وكرهي وانتي زرعتي بقلوبهم حبك ,,, انا كنت قاسيه معاك,,, وتذكرت كلامي لك واني دايما اعايرك بموت امك ,,, حسيت ان ربي عاقبني بولدي فهد وكنت راح اخسره,,, ولاحظت كره اولادي لي,, مشاعل انا غلطت بحياتي كثير بس انا ماطلب الكثير ولاطلب انك تسامحيني لاني عارفه انك ماراح تسامحيني بس الي اطلبه انك تساعديني ع تربيه اولادي
طلال كان منصت لابعد حد,, خاصه ان الموضوع يتعلق بمشاعل,,, وكان ام سلطان ندمت,, وبكذا راح ينفتح له المجال انه يتزوج من مشاعل
طلال لما سمع ام سلطان تقول ابيك تساعديني ع تربيتهم بدون مايحس قال
طلال: لا مشاعل مخطوبه وماتقدري تربي عيالك لانها راح تلهى بعيالها
الكل انصدم من جرئة طلال ,, سعود مات ضحك عليه وماقدر يمسك ضحكته ,,
ام سلطان: بصراحه يامشاعل خطيبك لسانه طويل الله يعينك عليه
الكل مات ضحك ع ام سلطان لان شكل طلال عدوها الجديد
مشاعل التفتت ع ام سلطان: وليش ماسامحك مو انتي ام اخواني,, كل الي ابيه منك انك تهتمي باخواني((وضمتها))
ام سلطان كانت تبكي من الفرحه,, معقوله مشاعل قلبها كبير لهدرجه,,, كل الي سوت فيها ومع كذا تسامحها بهالبساطه
مشاعل شافت فهد يطالعهم بحزن ,, قربت منه وجلست جنبه
مشاعل: ممكن اعرف طيارنا ايش فيه زعلان
فهد يطالع مشاعل: راح تتزوجي وتتركينا
مشاعل التفتت ع طلال والي كان ينتظر ردها ع احر من الجمر
مشاعل رجعت تطالع فهد : كل بنت لازم تتزوج وطلال خطبني وانا مقدر ارفضه,, وانتم عندكم امكم الي راح تكون احن عليكم مني,,, ترى يافهد مافيه مثل حنان الام
طلال مو قادر يمسك نفسه من الفرحه,, كان وده يشيل سعود ويرميه من الدور 3 الي كانوا فيه بس استحى من وام سلطان
000000000000000000000000000000 بعد شهر
ام سلطان: سلطان حبيبي روح البس يله
سلطان: ماما شوي هذي اخر لعبه,, ماما تعالي العبي معاي
ام سلطان جلست تلعب مع سلطان بلي ستيشن
دخلت مشاعل عليهم ويدها ع خصرها: مشالله ياخالتي ,,جالسه تلعبي ومالبستي يله ام طلال واخواته راح يجوا الحين ,,, والا نسيتي ان اليوم ملكتي؟؟؟
ام سلطان: ايش اسوي حبيبي سلطان يبيني العب معاه ومقدر ارده
سلطان: ماما لا خلاص قومي ماتعرفي تلعبي خسرتيني
ام سلطان: طيب هذا جزاي الي جالسه العب معاك
فيصل جاء يركض: ماما ابي البس ثوب مثل فهد وشماغ
000000000000000000000000000000 0000000000000000000000000
0000000000000000000000000كانت مشاعل ع سنقه 10 ع قولتهم ,,, كانت لابسه فستان قصير ولا بسه بوت صيفي مفتوح من قدام يغطي رجلها ,,, كان لون الفستان بيج وع الصدر شريطه بينك ,, اما البوت كان لونه بينك ,,, والميك اب مره كويت,,, وكانت تسريحه شعرها بسيطه وناعمه
وبكذا برزت جمالها الطبيعي اكثر
ام مشعل دخلت ع مشاعل: يله حبيبتي وصلوا ,,, مشاعل امه ماتعرف عربي شلون راح اتفاهم معاها
مشاعل: هههههههههههه مادري يمكن بالاشاره
ام مشعل: خلي ام سلطان تجي معانا تعرف انقليش ,, ع الاقل احد يسولف معاها
مشاعل: لا يماما ام طلال ماتعرف انقليش,, ماتعرف الا اسباني,, قلت لك مالك الاشاره
ام مشعل: يالله كان خلوها في البيت
مشاعل: هههههههههههه
نزلت مشاعل مع ام مشعل,,, وكانوا جالسين بالمجلس,,, كانت خايفه مره اوله مره تشوف امه واخته هيفاء
دخلت عليهم اخيرا
ام طلال: ماشالله هلوه كتير
مشاعل كانت راح تنفجر من الضحك حستها خدامه لان كلامها نفس كلام الخدامات
مشاعل اكتفت بالابتسام,, ولما وصلت لمياء,, وهي تسلم عليها
لمياء: تعرفي لو طلال يشوفك اليوم راح ينجن
مشاعل صار وجهها احمر
وصلت اخيرا لهيفاء

000000000000000000000000000000 0000000000000000000000000

رواية فارس أحلامي ( للكاتبه بنت السعوديه )كامله

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget