~((الشوق جمره ))~

صدفه لقيتك بعد غيبه طويله=صدفه على كف القدر مالها حساب
صدفه عطتني من الامل سلسبيله=واسقت قليبي الشهد من عقب ما خاب
يا اللي طوتني عنك دنيا بخيله=وخذتك مني يا سيدي وسيد الاحباب
يا الي غرامك ما نجى في قلبي بديله=منزلك ما بين الحنايا والاهداب
لو خذت عمري وما بقى منه ليله=خذته كذا من دون حق واسباب
والله ما اردك والي تقدر تشيله=ملكك ولا بيننا طلبه وطلاب
انا اشهد انك خذت كل ما ترتجي له=وقلبي قلبته مثل صفحه من كتاب
عطيتك وبعطيك وبتبقى يميني فضيله=لان الغلا يجبر حبيب منه منصاب
لكن حياتي يا هوى القلب ودليله=لك في خفوقي ذرات لوم وعتاب
قلبك عصاني والخطا لقلبي يكيله=ومن خطاك اليوم اتلفت الاعصاب
شحت يمينك بالوصل يا ثقيله=كأني طلبتك شي لا يمكن يجاب
اصرفت في ردك وانا روحي عليله=مصدوم اصدق الوقت واقول كذاب
ابعدت عن ناسي وانا افكاري ظليله=كأنها اعلنت دون خلق الله اضراب
ما الومها وانا اسمع من قلبي وليله=يهز عرش الروح وينزع عنها حجاب
بحفر على ارضي لقلبي اللي يجيله=ويبعده عن دنيا ما تعرف اقراب
انا عطيتك وما ترقبت منك الحصيله=واليوم خذت الدرس من يدك بأعجاب
عرفت قدري في عيونك يا كحيله=وعزمت اصون القلب من عقب ما شاب
لا تلومني ان جاتك حروفي جليله=هذي الصراحه ما تخفت بالاسراب
ولا اخر بيوت القلب واخر وسيله=خلك صديقه دون سكين وحراب
لان الصداقه كنز ما تلقى مثيله=كنز يعرفونه اهل الرواجح والالباب
جمر الغياب الي يلحفني مليله=اشتقت له شوق الي يحبك ولا تاب
رجعت له بعد ما جاني الخبر يا جميله=من ثغر بارد صوب قليبي ولا صاب
خلاه ينزف ما اكتفى من قليله=يبس عروقه وصلبه في راس مرقاب
الله معك روحي للزمن وانثني له=ولا تنشدين الجرح من يدك هو طاب
روحي وخلي القلب يشفي غليله=ويشكي همومه وحزنه لكل الاصحاب



وسلامتكم