تويت
خوّانيا للي أدّعيت الوفا في كل بيت
وينه يوم أنا أترجاك يفلان
ما ظنّك نسيت لكن تناسيت
طلبت الصفح ... و قلت لك روحين بإنسانِ
و للأسف جارت أيامي عليّ وجيت
أطلب الراحه من عند خلان
جيت أطفّي النار... و يا ليت ما جيت
جرح ٍ على جرحْ أكيد ثقلان
أطلبك ماء ... و زدت النار بي زيت
أنا المخطي أكمّل نقصي بنقصان
أي عدل وأي شرع ناديت
ظلم ٍ على ظلمْ زورٍ و بهتان
يا ليت ما طاوعت قلبي و رضيت
يوم العقل قال يا شيخ تهان
جرح ٍ بعد جرح ْ والله ما قويت
مثلك بها لكون ما ظنّيت إنسان
أنشد القرب منك ... و أنت عاديت
من ينشد القرب عند شيطان ؟!
دامك قصدت تذل ... ذلّك نويت
ما يذلني غير ربي ... و الموت سلطان
كل العمر في زيف ثوبك هديت
حرام بزيف المشاعر تقتل إنسان
و اليوم دام إني كشفت الصد... صدّيت
ما يهمني زعلك ... ولا رضاك يفلان
أنا لا عطيتك حب... بالحب و فيّت
لاني براج ٍ عطفك .. ولاني بخيفان
نفسي عزيزه دامني للنفس عزّيت
ونفسك ذليله ... علّك ما تهنيت بإنسان
والله لو جبت لي أهلك ... ولجلي أنحنيت
ماني بغافر الزلات ... ذوق لحزان
يومها لو طلبت الروح ...ماني توانيت
واليوم ... لو طلبت الشفقه بجيك شمتان
ولو بوسط صحراء... والله بتقول ميت
وبيدي نهر... بقول موت عطشان
لجل تذكر زماني يوم عانيت
جيتك ميت ألم ... ولقيت هجران
روح ما بيك ... علّك مع غيري زجيت
أما أنا أقول خوّان خوّان خوّان
تعليق