] .. قلبٍ وطيته حالف إنه يتوطاك .

--------------------------------------------------------------------------------


.. قصيده أعجبتني ..


الحين جاي وتعتذر عن خطاياك
توك عرفت اني انا ميت فيك

توك عرفت قلبي عشقك وتمناك
انك تكون خلّه وحبه بيعطيك

القلب عافك من بعد ماترجاك
القلب ماوده ولا بسمع طاريك

ارجع لناسٍ صفقو في سواياك
في قلب ذنبه كان بالحيل هاويك

ياما لفاك قلبي دخيل يترجاك
يقول مابي الناس والله انا ابيك

لكن غرورك للاسف عنه اعماك
ورحت وتركته وانت تسمع يناديك

يصرخ يقول خلي انا ارجاك وارجاك
حبٍ بنيته لا تهدمه باياديك

دامك هدمت الحب ليه جاي؟ وش جاك
توك صحيت اني انا بصدق شاريك

وتبكي تظن قلبي يبي يحن لبكاك
وتقول نادم سامح الله يخليك

نادم على شئ فعلته بيمناك
يومك تبعت اللي عن الحق معميك

ويومك تبعته من مجبور برضاك
وخلاك تاطأ قلب بالدم يفديك

قلبٍ وطيته حالف انه يتوطاك
ولا راح يشفعلك ولا زين ماضيك

دليتني درب القساوه من جفاك
وعلمتني كيف اهجرك من تغليك

والحين تسأل؟ كيف وشلون بنساك
انت اللذي علمتني كيف اخليك