يمه أنا صدري من الهم ضايق
.......... اضلوع صدري ما يشيلن همه

يمه أريد ابكي واهد الغلايق
.......... ازريت حتى الجو ما اقدر اشمه

تكفين لميني ترى الموت سايق
.......... يسوق روحي بين لمه و لمه

يمه ابي فرقا عيون الخلايق
.......... اللي تباريني على كل يمه

طفله واخاف اليوم ظلم الحقايق
.......... اخاف يسقيني الزمن مر سمه

يمه بموت من الهجر والشفايق
.......... دام الهوى المطعون فالعين زمه

يمه أنا مابحت لأدنى الرفايق
........... والله ما قويت عرقي بدمه

يمه انطعنت وجرحي اليوم فايق
.......... في ذمتي لاشق ثوبي وكمه

يمه ابي اعرف اذا الموت بايق
........... هو باق خلي من عيونٍ تهمه

علمه لا لافني من دروب و طرايق
............ قولي ترى حيلي فقد كل عزمه

ياليتني ما اقفيت بالود رايق
.......... يومٍ إن عينه تبتسم لي ببسمه

يقول ما غيرك لذا العمر لايق
.......... العمر راح اليوم دونه مذمه

راح و تركني ما تحرى الوثايق
........... الموت ضمه قبل صدري يضمه



م /ن