السلام عليكم

اليكم الشعر بدون مقدمات :

الجمايل والتوافيق

الطيب فرصه والجمايل توافيق ومن لاتوفق ماكبت له جماله

ومن لارقى للطيب روس الشواهيق مازان له وقته على مابداله

ومادام لفعول الجمايل عشاشيق كسب الجمايل مايجي بالسهاله

ولو انها تشرب مع فكة الريق كلن خذاله كل ماصبح بياله

والطيب منوه للقلوب المشافيق كلن يتوق ومنوته راس ماله

والمدح مايزهي على الرجل ويليق الا لاصارت وافيات خصاله

يستاهله رجلن يفك المزانيق اللي يقال ونعم لا جا مجاله

ومن ساقته نفسه وهو مابعد سيق لاجل الجميل يزين الله فاله

والمرجله ماهي بتحتاج تنسيق من بين قلب اللي عشقها وباله

ومن عادة الدنيا تخون المواثيق تفتر مكرتها سوات المحاله

ولولا اللوازم ما عرفنا المخاليق مانعرف الرجال لين انعاله

والكفؤ تظهر فزعته حزة الضيق وينشاف في الشده بعين العداله

...............................................
............................................




ياليت تعجبكم القصيده

وتقبلو تحياتي.........................................