تحملتك على ظلمك



ابرحل عنك صدقني كرهت الحب باسبابك
ابرحل ما حنيت الراس لك يا خاين العشره

ابرحل واهجر ديارك وخلك في هوى احبابك
ابرحل والغلا بيني وبينك منتهي عصره

ابرحل واترك الماضي وبمسح صفحة كتابك


تعبت اكذب الواقع واصدق كذبة اعجابك
لأني عاشقه مخلصه ملكني حبك بسحره

تعبت اراعي شعورك واغظ الطرف بغيابك



رخصت الكل من شانك .. رضيت اتحمل عتابك
ولكن للأسف حبي من افعالك ذبل زهره

تحملتك على ظلمك وقلت الوقت يصفى بك
واشوفك تلعب بذيلك وغدرك اه وش كبره

وفوق الغدر تتمسكن وتخفي السم بانيابك
وتظهر دمعتك تبغي تغش اللي رخص عمره

ولكن وفر دموعك تراني خابره العابك
انا ماني مثل غيري ضعيفه النفس والقدره

محيت اسمك وشققت الرسايل وانقفل بابك
ولا عاد المشاعر يحترك من شوقها شعره

كرهت اسلوبك الماكر كرهت اناظر اهدابك
وعفتك عقب ما بانت حقيقة قلبك وغدره

مصير الوقت يثبتلك وفاي ويحرق اعصابك
وتتحسف على مافات منك وتمتلي حسره




اقول ارحل فمان الله ولاني بحسب حسابك
مدام الغدر في دمك توكل لا تجي بكره

توكل لملم شتاتك معاد الوقت يحلى بك
توكل لا تحسب أني بهل بغيبتك عبره

ابي تنسى حروف صغتها لك يوم تزهى بك
وابي تنسى حبيبه سال حبره دمها في شعره

بعلمك الوفا واشلون لين الغم ينتابك
واجرعك العذاب اشكال دامك برت بالعشره




منقووول