انا دمعه من الماضي مع الحاضر تزيد بزود
لها مستقبل غامض وسط عبرات مخفيها
انا في داخلي صرخه نهايتها بليا حدود
تكسر صوتها بصدري وبدت من منتهى فيها
انا اثار روماني شمال اثره بدا مهدود
يعيش يومه مثل امسه يترجم لك مواضيها
انا جمله لها ماضي وباقي نصها مفقود
احاول اجمع حروفٍ توضح لي معانيها
محوا كلمه من الحاضر واول حرفها موجود
لان اعرابها يعرب عن الحاضر وراعيها
وصفى همي بطرف كفه وكفه همهم منضود
توقع كفتي ترقى تظن اني اساويها؟
لمعت بليلةٍ ظلما ونوري فوقهم ممدود
مع اشراقه شمس بكره نسوا منهو مضويها؟
ووقفت بعالمٍ ماشي افل بحبله المشدود
احل العقده بعقده وسط عقده اسويها
ولقيت ان الحبل عقده كبيره دربها مسدود
ومنهو شد باطرافه غدا الأحبال مرخيها
وقلت اسال عن الدنيا متى تفتح لي المردود
ابي اضحك ابي امزح واساوي كل اهاليها
لقيت ان الفرح كذبه مضى عمري لها بوعود
ولقيت ان الحزن وصفي حقيقه مقدر اخفيها
ولقيت من البشر صالح وباقي مابقى منقود
وكنت اول.. اعاند نفسي باعذارلمتاهيها
ولقيت اسمي بعض همي يترجم هجره المنكود
ومرارة اخره تنسي العروس اول لياليها
ولقيت اغلب امانيي مصيبه تصيبني بركود
تخفف ماسبق منها كذا اتعودت اداويها



منقول