حبيبي لا تاسف لي .. وشيل الشك والأوهام..

انا مثلك شخص عاشق.. ادور حب يحييني..

قبل لا تتصل فيني.. انا كلي ورود خزام..

اقطفها وأتسأل.. يحبني؟ لا!! مجافيني..

شردت بفكري للماضي.. أقلب صفحة الايام..

على اخر ورقه ياروحي.. تجيني متصل فيني..

وأنا اسمع صدى صوتك.. وعزفك باعذب الانغام..

تجلى حبك الرائع.. وصار الهم ينعيني..

هلابك ياسمير الروح.. عدد ما دقت الارقام..

هلابك عد طيور الدوح.. وكل ماشافته عيني..

أحبببك يا بعد روحي.. ياصفوة جملة الاحلام..

يابلسم غابر جروحي.. واحلى من يداويني..

ياحضن في الشتا دافي.. ونور يرشد الاقدام..

ياقطعة ثلج في صيفي.. وشربة ماي ترويني..

يا أجمل ماخلق ربي.. ملاك بين هالاقوام..

يابدر ضاوي ليلي.. رجيتك لا تخليني..

احبك واشكر حظوظي.. واعاتب سالف الايام..

واقول للدنيا ياليتك.. بصغري به جمعتيني..

أحبك واقهر العالم .. وعذالي وكل لوام..

وأهلي لو يلوموني.. وشخص مو على ديني..

ولو قالو دروبك نار.. جريمه واكبر الاثام..

((أقووووووول الجنه من بعدك.. أبد ما ابيها تاويني))..