البارحه في ليلتي يوم البشر كلها نيام= جيت أبا أكتب بدمي قصيده مذهله

البارحه يوم المسا بعيني بدا عتمه وظلام =جا على بالي وخفوقي سؤالٍ أجهله

ليه أنا وحدي بهالدنيا بلا عشق وغرام =ليش أنا أحتار أحياناً في بعض الأسئله

من يجاوبني سؤالي وله مني سلام =ولو تكرٌم أو تعطٌف يضرب أمثله

قصتي صارت حكايه كثر فيها الكلام =وين أنا ما أصد وجهي تجيني مقبله

ليتني ألقا خليلٍ يجيني بإحترام =وتنتهي قصة عذابي وأحل المسأله

وأبتدي قصه جديده بعد عشرين عام =ما لقيت بها ولا عاشرت غير البهدله

ودٌي بإنسان محشوم إبن ناسٍ كرام =منزله قلبي وله بالقلب دايم منزله

ودٌي بمخلوق أفديه أنا بروحي وأنام=ودٌي بإنسان لو أفتح له قلبي يدخله

ودٌي أعشق صاحبٍ وأعطيه كل الإهتمام=وأنسى كل الذكريات الٌي بعيني مهزله

البارحه فكرت في نفسي وأنا كلي حطام=همي وغمي وضيقي كلٌه بالكابه محمله

البارحه عزٌمت أعيش وأعشق البدر التمام=البارحه عزٌيت نفسي بالقصيده المذهله

البارحه حددت أنا وش هي تفاصيل الختام=وليش أنا أحتار أحياناٌ في بعض الأسئله

البارحه جتني نصيحه وسط عتمات الظلام=الٌي ما يقتل (همومه) (همومه) تقتله

.....منقووووووول.....