شمر هل الفزعات يامن نصاها=شمرهل الطولات واهل الجميله
شمرعزيزه والطنا في دماها=شمر شموخ(ن)والشرف ينتمي له
شمر سحابه واغرقتنا بماها=مافيه وادي بالبلد ماتسيله
شمر قبيله مايجرب سخاها=ماتهدي الا الغاليه والجزيله
شمر صناديد الوغى مبتغاها=عدوها تصبح حياته ذليله
شمر جهنم تحرق اللي نواها=شمر نهر من سلسبيل لخليله
لقمان موصي بحكمته لسفهاها=وشلون تلقى وسط شمر هبيله
شمر كبار صحونها ياقصراها=شمر وساع طعونها يانزيله
شمر شيوخ(ن) ماتراعي وراها=اهل الطبوع العاليه والنبيله
شمر ترى نور القمر من سناها=قبيلة(ن) ياحي ذيك القبيله
شمر هجير الصيف تصلي عداها=عدوهم ياسامعي عزتي له
شمر دهر في عين نذل(ن) غزاها=تصبح بعينه كل خضرا محيله
شمر قبيله ماتشح بعطاها=كبار العطايا ماتمد الهزيله
شمر فخر للي زبن في ذراها=هاك الشيوخ اللي عزيز(ن) دخيله
حتى شيوخ الجن ترجي رضاها=جنايز(ن) ماهابت الموت غيله
شجاعة(ن) مع الحليب يغذاها=فطيمهم يشرب معاني الفضيله
شمر كريمه والسيافا ضناها=شمر قبيله يالسنافي سليله