ديوان الشاعرة عابرة سبيل

تقليص
X
 
  • الوقت
  • عرض
إلغاء تحديد الكل
مشاركات جديدة
  • *مزون شمر*
    عضو مؤسس
    • Nov 2006
    • 18994

    #71
    ياكثر شعري



    ياكثر شعر كتبته امس و البارح
    و يا كثر شعر عقب فرقاه سجلته

    دفاتري إمتلت من سبة الجارح
    هذا000 وغير الذي للحين ما قلته

    خلى دموعي تهل و خاطري سارح
    يا كثر هم عليه اليوم شايلته

    اللي خلاني انصدم واصيح واصارح
    فرقاه حتى خيال ما تخيلته

    وا جرحي اللي من الافكار يستارح
    وا قلبي اللي من الاوهام حملته
    التعديل الأخير تم بواسطة *مزون شمر*; 01-02-2010, 06:49 PM.

    تعليق

    • *مزون شمر*
      عضو مؤسس
      • Nov 2006
      • 18994

      #72
      فرقاه صار



      أغض عيني عن خطاه و خماله
      و ارقع فضايحهم بزين التواصيف

      أثاري فيهم ما تفيد الجماله
      و الناس لا سبوه قلنا ملاقيف

      فرقاه صار 00 و نسيته لا محاله
      ولا عاد في بوم <1> الليالي لهم طيف

      دموع عز ولا ابتسامه نذالة
      دنياك ما دامت لغيرك على الكيف

      تعليق

      • *مزون شمر*
        عضو مؤسس
        • Nov 2006
        • 18994

        #73
        لله ابشكي




        لله ابشكي (حيرتي ) لله رب العالمين
        وامد له كفي (دعا) يالله عفوك ياجليل

        يامنتهى (الشكوى) إله العابدين الصابرين
        يالله (عونك0فزعتك) همي على قلبي ثقيل

        جتني (رساله) نصها ياعابره (حزن وأنين)
        مع(تجربه)مضمونها فيه النتايج والحصيل

        في شكلها الظاهر (غطا) وفالباطن المعنى الدفين
        وفي (حبرها) تلميح لايمكن يصير المستحيل

        وانا حقيقه ماعرفت شلون ببدى ياحنين
        مدري ابدي كلمتي أو الزم الصمت الفضيل

        لا جيت ابتكلم لقيت الوضع قاسي مايلين
        وان جيت ابسكت مالقيت علاج للقلب العليل

        لاكن (عزايه) مامعي سلطه ولاعندي ضمين
        ولاقدر اميل ماعدل ولاقدر اعدل مايميل

        ماعندي الا (كلمة ) فيها العوارف خابرين
        القاع لاصارت دهر (يابدو)يازين الرحيل

        وخلافها (سلامتج) والله على الدنيا يعين
        والصبر عنوانه(فرج) والغيث لابده يسيل

        ويامنتهى الشكوى إله الصابرين العابدين
        لاحارت افكاري ترى مالي سواك انت الدليل

        تعليق

        • *مزون شمر*
          عضو مؤسس
          • Nov 2006
          • 18994

          #74
          ش اقول له




          باكر يجي 00 يا شيب عيني من الويل
          من عقب ما سافر سنين مديه

          ش اقول له 00 صاروا عيالي رجاجيل
          ش اقول له ؟ 00 ماني بعهده وفيه ؟

          إن قلت له إني تعذبت بالحيل
          و إن قلت له أكبر عيالي سميه

          يبي يعذرني و يترك القال والقيل
          و لا يجي ويا زماني عليه

          و ان جبت حظي و المقادير 00 تعليل
          و اني ضعيف 00 و رغبة الله قويه

          يبي يصدق كلمتي دوم تحليل
          و لا يبي ينسف كلامي عليه ؟

          ش اقول له ؟ 00 ما ينفعن الاقاويل
          ما دمت ماني في وعودي وفيه

          تعليق

          • *مزون شمر*
            عضو مؤسس
            • Nov 2006
            • 18994

            #75
            إنا لله




            ليتني البارحه يا نايفه ما سريت
            يم درج مقفل من قديم السنين

            أشهد اني فتحته و انتبحت و بكيت
            شفت ما هيض الجرح القديم الدفين

            شفت وسطه رساله و ليتني ما قريت
            بيت شعر قديم و ظرف مع صورتين

            أشهد اني لغيره بالغلا ما عطيت
            و اشهد انه بغاني مير ما من عوين

            صحت من قلب يا ويلي على اللي هويت
            و قمت امس دموعي من يسار و يمين

            لا طرالي حبيبي بصوت واطي حكيت
            إنا لله وإنا للولي راجمعين

            تعليق

            • *مزون شمر*
              عضو مؤسس
              • Nov 2006
              • 18994

              #76
              خلنا نتفاهم



              لاترفع الصوت ماني فيك مجبوره
              قررت دربي وصوتك ما يوقفني

              أرضى أنا بقاسيه أرضى بمغروره
              ولا أرضى بعشرة حبيب ما تشرفني

              ياما وياما وياما قلت بحروره
              حاول تغيير ترى وضعك يكلفني

              خلنا نتفاهم تعال نوضح الصوره
              إما انت تمشي معي او لا توفقني

              مسرور فيني وانا مانيب مسروره
              حبي يشرفك وحبك ما يشرفني

              تعليق

              • *مزون شمر*
                عضو مؤسس
                • Nov 2006
                • 18994

                #77
                رغبة




                أنا أبيك .. وحش يحتوي داخله عصفور
                وانا ابيك .. طفل يحتوي داخله رجال

                أبيك .. الأب بالعطف والأخ بالمعسور
                أبيك أمي بالتدليل ومداعب الجهال

                انا أبيك .. تاج الستر ياعاري المستور
                أعاف العقل وانجن مادامهم عقال

                أبيك .. المطاع الطايع المنذل المغرور
                انا أبيك .. جوعي وشبعتي والفقر والمال

                أنا أبيك .. تشكيلة عواطف كما البلور
                أبي تحتوي كل التناقض مع الاشكال

                أباصير انا وياك.. داخل بعضنا ندور
                ياحتى نضيع وين كنا مع المدخال

                خلاص انتهى صبري وتلاشت خيوط النور
                أبعلن جنوني وش نلت من عالم العقال؟؟

                تعليق

                • *مزون شمر*
                  عضو مؤسس
                  • Nov 2006
                  • 18994

                  #78
                  المشكله


                  المشكله ماهيب هذي ولا ذيك
                  المشكلة لاحبت العين طايش

                  تزعل ويضحك وان تبسمت يبكيك
                  الموت جاك وهو بالأفراح عايش

                  تناقشه يزعل ، تداريه يشقيك
                  ترقع شروخ ويطلعن لك درايش

                  ماينتراضى وبالزعل مايراضيك
                  والصبر يثر بالقلوب الهشايش

                  تعليق

                  • *مزون شمر*
                    عضو مؤسس
                    • Nov 2006
                    • 18994

                    #79
                    اخر موعد



                    له موعد لاروح الليل وياي
                    أول واخر موعد مع فتاته

                    اليوم ما تنفع دموعي ورجواي
                    اليوم تفصل عن حياتي حياته

                    اليوم يعطيني بقايا بقاياي
                    واعطيه انا ماشلت من ذكرياته

                    اليوم بابدل مشاعر حناياي
                    يصبح من اخواني وانا من خواته

                    اليوم يتركني لحالي بدنياي
                    مجبور يقفي لو يزيد التفاته

                    اليوم يخلف عن مماشيه ممشاي
                    والله ما أضمن من عذابه نجاته

                    لو اتعلق فيه ما ينفع ابكاي
                    خلاص فات الوقت واعلن فواته

                    اليوم بعطيه العزا عقب فرقاي
                    عندي خبر وش قيمتي في حياته

                    وانا العزا مابيه من كبر بلواي
                    ماينفع اللي عاش واعلن وفاته

                    يارحمة الله ساعديهم بسلواي
                    يعوضه الله بانكسار امنياته

                    اليوم ياهمي وياطول مسراي
                    يافرحة العذال وأهل الشماته

                    تعليق

                    • *مزون شمر*
                      عضو مؤسس
                      • Nov 2006
                      • 18994

                      #80
                      قبول النداء


                      لي صاحب اه .. لاجاني ولا جيته
                      من الغيظ شطب وجودي مع عناويني

                      قطيت أنا جملة أوراقه و . خليته
                      وأقول لوك تحب تراب رجليني

                      يومين هونت ما أصبر عنه باغيته
                      والصوم عن حلفي اللي فات يكفيني

                      ناديت له في ظلام الياس .. ناديته
                      و" تم قبول النداء " ودمعت عيني

                      غسل عذاب محطمني و . كاميته
                      ونثر بذور البشاير في . بساتيني

                      تعليق

                      google Ad Widget

                      تقليص
                      يعمل...