تويت
تصدق وإلا ماتصدق
قصيدة رائعه قرأتها و اعجبتني كثيرا واحببت ان انقلها لكم
اتمنى ان تنال على اعجابكم
تصدق وإلا ماتصدق أنا عاجز عن التفكير ،،،
تعال و شوف في عينك غيابك وش عمل فيني ...
حبيبي مابقى عندي صبر يتحمل التأخير ،،،
رحلت و عقبك الدنيا غلاها طاح من عيني ...
أجاوب اللي يسألني عن أخباري و أقول بخير ،،
وأنا لاخير بغيابك ولا حاجه تهنيني ...
على طاريك كل لحظة ولا أحتاج للتذكير ،،
حريص القلب ماينسى عيونك لا توصيني ..
محد يقدر يعوضني لأنك في عيوني غير ،،
ومهما شفت أنا الفرحه بدونك ما تسليني ...
أنا حبيتك وهالغلطه حبيبي مالها تبرير ،،
علاقة حب مجنونه مابين أحزاني وبيني ..
وكيف الحال و شلونك جواب مايبي تفسير ،،
بدونك انت ماتضحك حياتي و ترمشى سنيني ...
مثل شاعر عجز يوصف شعوره خانه التعبير ،،
أنا ضايع ولا أدري من فراقك أنا ويني ...
مثل طير كسر بعدك جناحه وماقدرت اطير ،،
أحاول أبتسم وأنسى ولكن وش ينسيني ..
أشوفك في صباحي انت معنى ياصباح الخير ،،
أشوفك في مسائي حلم وردي لا تصحيني ..
تصدق السهر يرسم عيوني و يتقن التصوير ،،
ويشق النور في صفحة حياتي وما ألاقيني ..
انام شلون و مشكلتي عجزت ألقى لها تدبير ،،
طلبت النوم لحظاته وعيى النوم يعطيني ...
تغير وجهي من أول غيابك و ابتدى التأثير ،،
حبيبي من التعب كافي خذيت اللي يكفيني ..
ياأغلى من رحل عني ياكل الحب و التقدير ،
تعال إن كان لي عندك معزه وكان تغليني ...
تعال ان كنت تعشقني واذا فعلا تبي لي خير ،،
تعال ومد لي كف الوصل و امد كفيني ...
إذا كان الجفا واجب بدى من قلبي التقصير ،،
أبيك الحين ترجع لي ولا ترجع تخليني ...
أنا ما أقول اللي صار فيني ما هقيته يصير ،،
لأني كنت متأكد بأن البعد ينهيني ...
تعليق