كيفكم اخواتي واخواني كل عام وانتوا بخير وتعودونه كل سنه بصحه وسلامه ورشاقه انشالله
وعدتكم قبل فتره اني اخبركم عن تجربتي مع ربط المعده بسلبياتها وايجابياتها
الان مر علىّ 3 شهور تقريبا منذ اجريت العمليه
على العموم السلبيات شيء لا يذكر حتى الم الغصه صرت احبه

الايجابيات: اهم شيء طبعا نزل وزني ونقصت الى الان 19 كيلو ولله الحمد وانشالله الباقي بالطريق .....ادعوا لي لان الطريق لسه طويل
ومن الاشياء المهمه اني عرفت الاسباب اللي خلتني اسمن يعني عرفت اخطائي
مثل اني اكل بسرعه ,احب الاكل بالليل مع التلفزيون و من يوم الاحد الى الجمعه كل اسبوع اقول لنفسي يالله ميخالف كلي كل اللي في خاطرك يوم السبت راح ابتدي الرجيم اكيد كلكم تعرفون هذا العذر
الحين كل الايام عندي سبت
ولو حدثتني نفسي باني اكل قطعه شوكالاته حتى لو صغيره اتذكر اني سويت عمليه واخذت من وقت بيتي واولادي (على طول استحي على وجهي واحترم نفسي واتعوذ من ابليس)
-------- اكتشفت ان في فرق بين الشهيه والجوع
الحزام يحل مشكله الجوع لكن لازم انا احل مشكلتي مع الشهيه
لان لو ظليت اكل وجبه كل نص ساعه فكاني ما سويت شي
على شان كذا انا بركز اكلي على السلطات اللي انا احبها
--- في الحقيقه عمري ما سويت رجيم اسهل من الحين لاني اكل بطريقه موزونه وبدون حرمان وكل ما وقفت على الميزان لقيت الوزن اقل ولله الحمد
وانا موشايله هم ولا عندي خوف من اني راح اخرب الرجيم واسمن لان الحزام قاعد لي بالمرصاد
=== امس سويت اول تضييق وقالي الدكتور سلطان انه لازم اظل على السوائل يوم واحد بس واليوم بدات اكل سلطه وحسيت بفرق بسيط عن اول وانشالله الايام القادمه تعطيني خبره اكثر مع الحزام واخبركم عن بقيه تجربتي
وانا مستعده اجاوبكم عن اي سؤال يتعلق بعمليتي الرائعه