ماكل "عكف الشوارب" طيب مفتوله
"كل شارب له مقص اليا قصر.. طاله..!!

والناس للناس .."شياله" و "محموله"
ولا كل "حمل "...يبي يقواه شياله

بعض الحواجب"على الطولات" مفلوله
وعض الحواجب " على العثرات " نزاله..!!

والحر اذا " مارتفع " ..مايقبل نزوله
والبوم لو يرتفع .. بالقاع منزاله

نفس من الوقت والأيام..."معلوله"
ونفس عليله ..من الرجال وافعاله..!!

من يرتجي من"سحاب الصيف "هملوله
يموت"ضامي" قبل يذوق هماله

والرجل لاصا "شيخ" وابن حاموله
يضفي على الربع والمحتاج بجلاله..!!

لاصار "شفق" على الناموس والطوله
مفروض ماتنزل افعاله عن اقواله

و"المهبد" اللي .. يرد القوم في قوله
"مسرد حكي" في مجالس ناسٍ حثاله ..!!

"حمامة الوجه" من يمناه.. مقتوله
ماللحيا فيه "دم" يشربه ..فاله..!

وعز الله ان "الحميا" فيه ..مشلوله
رخوٍ "نهار العزاوي" تقصر حباله..!

"الشيخه الزايده" وابليس وطبوله
خلن "عمى القلب"يمشي شايفٍ حاله..!!

ليته عطى "صغر عقله" من "كبر زوله"
اوليت زوله نفع .."من لاذ بظلاله"..!!

خبلٍ .. يدربي "سلوم البدو" بنعوله
يطيح قدره "تحت رجليه" ماشاله..!!

أبواب "كل المراجل" عنه مقفوله
"والنعم" كايد عليه .. ولا يتهيا له..!!

يا وسع بيته ويا عرضه ويا طوله
وياقل جود "العفين" وياكثر ماله ..!!

مثله اذا ماستحى من هالبشر حوله
على الأقل يستح من "ميلة عقاله"..!!

ودام يتذرى "عن ضيوفه" اليا جوله
حلال "وسط المجالس" دفق فنجاله..!!

لكن نصيحه "لوجه الله" قولوا له :
لو يلبس "ثياب إخته" يمكن اشواله..!!


منقووول