تفضلووا .. هالقصيدة .. اقروها .. واستمتعوا فيها ..

وإن شاء الله يارب تحوز على ذائقتكم

أعجبني الكبرياء اللي في نهايتها كثيررر .. رغم الألم اللي في بدايتها ..

تخيلتك تخون الود وتصنع في حشاي طعون ..
عشان أكرهك لكني .. عشقت طعونك زياده

غريبة بذرةٍ فيني تغذت حبك المجنون
غدت صبّار وجذوره بنار الحب وقّاده

كريمٍ حيل بصدودك .. شجاع وبس لي مسجون
ويومي كنت محتاجتك طلبت الصد وبعاده

ثلاث شهور من ودّع ... وقلبي للحزن مرهون
ثلاث شهور وعيوني ... تعاف النوم ورقاده

ثلاث شهور ... ما كنه أبد في يوم بي مفتون
ثلاث شهور ... وأنفاسي تشوف الموت وعناده

ترجيته .. ترجيته .. بكيت بحرقةٍ وجنون
وصلت لحدّ ما قبلي وصله وكرر العاده

وأنا اللي كنت له دنيا جميل بجانبي هالكون
وكان اسمه على صدري تزيّن حبه قلاده

كسرت بخاطري لجله وذللت العمر بظنون
وعطيته قبل ما أعطي عيوني لحظة مراده

نسيت الدنيا من أجلة وفضلته على مليون
وخطاي إني لجل عينه رخصت العمر بزياده

أببعد بترك الدنيا وبجبر كسري الملعون
وببني سور لين إني أعيش الليل بسواده

وأنا أوعدك وأحسب لي .. مجرد وقت لي وتهون
وتصبح في نظر عيني فتيل وطيروا رماده

أبدفن ما بقى منّك في داخل جرحي المكنون
وبنسى ما حصل منّك ثلاث جروح بركاده

عظيمة نفسي لا طابت كبيره في نظر العيون
عزيزة نفس .. وخساره تساوي عزتي إيباده


خسارة كنت لي دنيا خسارة كنت لي مضمون
لأني صادقه بحبك قتلت الحب ف مهاده

فمان الله .. لا تسأل وأنا بينك وبين عيون
وكنت أسوى ف نظر عينك نظر هالعين وزياده

فمان الله .. والدنيا كفيلة بقلبي المطعون
تنسيّني تفاصيلك .. وأصل الجرح وإعماده

فمان الله .. يا قلبي أحبك والغلا مجنون
ومع كل الغلا فيني .. أنا بنساك وزياده











منقوووووووول