ياصاحبي حكم الزمن صار سلطان
وبيني وبينك وقف "الحظ" ضدي


العام أنا وياك ربع ٍ وخلان
واليوم أنا بعلن "معاك" التحدي



يوم إنت غالي لك معزه ولك شان
ومن قلب حبيتك..ولك حب جدّي


واليوم أعدك شخص "ظالم وخوان"
وبالحب "يالغدار" منته بقدّي



مايستوي خاين بعهده وماصان
حلفه "..بربه.." يوم يده بيدي



وشلون تنسى؟؟مامضى لي معك كان
يومك تناديني.."الغلا..عيون جدي"



خلاص بكتب قصة الحب نسيان
وحبل الهوى من بيننا لايشدّي



دامي تعديتك...تراك إنت خسران
لاتوقف بوجهي..واندفع كل حدي



"كرامتي"..تسوى القبايل والأوطان
ولي عزة ٍ بالنفس ماترضى تهدي


بيعيش راسي شامخ ٍ مابعد لان
ولاوطي "الهامه" لشخص متردي



وقدري رفيع ولا يوطى وينهان
أنهيك "يالتافه" قبل لاتبدي


لالايغرك مظهري.."صورة إنسان"
وتقول بنت..وماعندها عند جدي



شكلي حياوي..وداخلي ألف شيطان
وليا بغيت الشي..مارضى يعدي



أملك "صفات"..إنسان طيب وغلبان
وياويل من يخطي..يجي اليوم ضدي



"والله" لاوريه العزاير..وحقدان
وإني لابيّح كل ماخفي بسدي


ويعيش عمره طول الأيام ندمان
واضحك عليه وبسمتي فوق خدي



يالله توكل..ضف وجهك..ترى بان
كل الذي تخفيه... وأعلن مصدي

منقووول