احب اسمعكم اخر ماخط قلمي...ولو اني مبطي عن القصيد شوي...اتمنى اني اسمع ارائكم..وانتقاداتكم..

وانشاءالله تعجبكم..


تعب يا صاحبي الدنيا تمر أيامنا بطرود
تمشينا على المقسوم والخطوة نتحاشاها
على هم تكدرنا وعلى هم الليالي تقود
وعلى كلمة تعب نختم كلمة ما بديناها
يقولون الصبر هو جود مادمه من الموجود
ويقولون الذي يصبر حكمته يتخاواها
وانا ماني من العجلين لا طاح الجمل بركود
انا اعطي مجالاتي على الوافي بمعناها
و لاكن ما يضيع الا.. تعب واهي ولاهو بزود
ومن يضفر بعد تعبه عيشته يتحالاها
واذا من ضيقتي بضفر عز الله بنيت شيود
خصوصا لانوى همي على دنياي ثم جاها
أشوف بعيني كل الزين واتحاشى عن المنقود
والدنيا تلظاني من القاصي لي أدناها
تقلبني على نوبات والنوبه تجر حشود
وكل نوبه تلاعبي عن النوبات بحشاها
وانا ياصاحبي ادم ..شويه لحم وكوم جلود
وعقل صاحي يحركني واعصاب وسط ماها
تعبت واعترف اني ضربت الباب بليا جود
وانا جودي اعرفه زين نكباته ماأحصاها
واذا في مطمعي بفلح..حشى والله مابه فود
ولا به من امل ألقى على ماخذت وانساها
يراودني الزعل مرات ودايم مايجيني بقود
مغير انه يراودني وحياتي بس ينهاها
عجزت امنع مواصيله..ذبحني فوق همي زود
مجرد عايش واهم حياته ماتصالها
عيونه جرجرن فيني ..مواني الثقل وكل شدود
وغديت المركب المجروف في بحره وميناها
ولو تامر نزور الشمس..نزور الشمس بليا جنود
بليا جند والقادة مع الجيشين بحماها
تزلزلني جماهيره..وجماهيره كثر هالذود
وانا ماقوى اشووف الحشد على السيدين ينصاها
أحبه وان حكيت بشي..ابعلنها العيون السود
نعم فيني مدامعها مع الرمشين تطغاها
وش اللي مايخليني !! احبه واعشقه واسود
واعيش بمخدعي سلطان..والدنيا نتوالاها
عشق اثنين يجمعنا على دنيا وكثير سدود
وسرعة جارفة منا تشيل السد ياماها
ثقافه ماتعرف الكتب ولا سطر وحرف مشدود
تعرف انه جميل اثنين..تجمعهم بسيماها
أسير بكلمتي واشكي على الدنيا وعلي شهوود
تخفف من عنى حب ثقيل الحمل أشقاها
رجيت الله يخليها على قلبي بليا قيود
ويحفظها معي لي حين..اعيش القبر بذكراها
عهد مني وانا الصادق وعهد ماهو قليل بنود
اني مافارق يوم من دنياك وانساها
صحيح الدرب مايسلم من الفات والمجرود
وكلن يخطي ونصفح عن الزلات ونسلاها
وانا ماطلبك الا رضى نفس وعقل وركود
وتسمح ماجرى مني ..وكريم العفو نبغاها
عسى الله يحفك من كل مايوذي من الموجود
وعسى الله يفتح بوجهك كثير الرزق ويرعاها



وسلامتكم..


اسف على الاطاله...وبانتظار توجيهاتكم اللي مالنا غنى عنها..



>>>>>اللطش ممنوووووووووووع...


Copy rights to me please...