حارت الدمعة بعيني من مواجيعي وماتت



من مواجيع السنين ومن مواجيع الليالي




دمعتي دمعة شقاوي من علا الخدين سالت


ترتوي منه الجروح القاسيات أول وتالي



إن تذكرت الليالي صاحت جروحي ونادت


ون نسيت اللي مضالي عشت مرتاحٍ وسالي



يا هني أهل القلوب اللي من الهم استراحت


أمسي بهمٍ جديد وحملي المشدود مالي



الهواجيس الدفينة صالت بصدري وجالت


لحضه بصدري حرام ولحضه بصدري حلالي



كفتي مع كفة الأحزان والحيرة تساوت


أشهد إن اللي تبقى جسم و هدوم وظلالي



الطيور اللي توقع سرع ما فزت وطارت


فرحتي مثل الطيور اللي تحلق فا الخيالي



لا عيوني جا هناها ولا عن الأحلام نامت


ما معي غير أرجي الله واطلبه في كل حالي