الشيبه:

قلبي شباب ولازم اني اعرس...مابي العجوز اللي توسد على الباب

الخير وايد وماني مفلس...عندي فلوس تدعم البنك في حساب



العجوووز:

ماباقي منك غير خشمك وهالضرس... تبغى تعرس وانت غادي شالغراب

قابل صلاتك الله يشفيك من المس..ولا ترى باطب ويهك بالتراب



الشيبه:

انتي عجوز واكلك الروب والخس...اما انا ماكل سوى تكه وكباب

مافيني سكر غير ضغطي نازل بس...دام الهوى فيني ترى كل شي طاب



العجوووز:

لا بارك الله فيك يالشيبه يالنحس...ماتجيبك الرمسه ولا يجيبك اعتاب

قصر لي صوتك مابي اسمع ولا حس...عطني طلاقي وانقلع وقبض الباب



الشيبه:

دومك نحيسه وذا لسانك يبيله قص... ربي ترى حلل لي اربع بالكتاب

هذا خميس الاعمى ياكم عرس...مرتاح بالدنيا بلا هم واعتاب



العجوووز:

بطران وراسك كالصخر يابس وعص... مالوم طبعك يوم ربعك هالكلاب

غادي شرا الاريل ودومك تتحيس... استح على ويهك اصلع ولعاب



الشيبه:

فكيني من ويهك ترى مالي اي نفس... زهقان من شوفك وابقالي احباب

هذا طلاقك طالقه اربع وخمس... شلي طلاقك من ضميري بلا حساب



العجوووز:

مشكور يالشيبه ومن دون اي دس... عندي حبيب مابتعد لحظه وغاب

يشريك ويبيعك تراه باثمن وبخس... ماتسوى ظفره حلو اسمر وجذاب




الشيبه:

يالله قبل لا اموت منك وقتص... طلعتيلي قرنٍِ وراسي بعد شاب

ياشينه البرقع ترى قدرك اختس... عجوز لك في الدنيا خلان واحباب؟!



العجوووز:

مثلك تراني وهذا لك في العمر درس... لاني اميز بين شيبه وشياب

ولا نسيت اني على الموضه اللبس...ماعلموك اني بلا شيله وحجاب


الشايب والعجوز