قبل ما أقول طريقة الريجيم اللي سويتها ... أبي أقول لكم قصتي ....
والله العظيم كان وزني( 112كجم ), وما تعدى عمري وقتها 16 سنة ..
أمي ما قصرت ودتني كل نادي يمدحونه .. بس ما نزلت ولا كيلو ..
والسبب .. ماكان لي نية لتنزيل وزني ..
وما كنت أصبر عن الكاكاو ...
بس بعد مادخلت المدرسة الثانوية ...فكرت ..بعد ها المرحلة بدخل الجامعة .. والمشكلة إختلاط ..
وفكرت بنظرات الغير لي إذا رحت الجامعة وأنا بطة بشكل غير عادي لأني المشكلة قصيرة .. وخجولة ..
لذا قررت أسوي ريجيم ..
بس الطريقة اللي أتبعتها .. إني ما حرمت نفسي من الأكل .. وهذي الطريقة ..

الإرادة القوية والإصرار على تخفيف الوزن
التقليل من النشويات ( الأرز المكرونة ) والدهون والحلويات بالتدريج ..وأهم شيء بالتدريج .
الرياضة .. وأنا بكل صراحة أتبعت رياضة المشي . وفي حديقة بيتنا , وكنت أمشي لمدة ساعة إلى ساعتين.
لا تخافون بالتدريج بتحبون رياضة المشي ..
عدم تناول أي حبوب أو أعشاب لتخفيف الوزن .
الصبر .... الصبر ....... الصبر ... بعد العزيمة والإرادة القوية ..
والله العظيم إن وزني ألحين ( 57كجم ) ,
والحمد لله دخلت الجامعة وتخرجت..
وأنا ألحين مدرسة وواثقة من نفسي , لأني سويت إنجاز مع نفسي , ومحافظة على وزني ثابت
كل هالمدة ( 57 كجم ) بالعزيمة والصبر والرياضة واكل كل شيء بس بالتخفيف ..