ياللي فتحت البتاع فتحك علي مقفول
لان اصل البتاع واصل علي موصول
فأي شيء في البتاع الناس تشوف علطول
والناس تموت في البتاع فايبقي مين مسؤؤؤؤؤؤؤؤل؟؟
وازاي هاتفتح بتاع ؟ في وسط ناس بتقول
بأن هذا البتاع جاب الخراب بالطول
لان حتة بتاع جاه الغبي مخبول
أمر بفتح البتاع لأنه كان مسطول
وبعد فتح البتاع جابه الهوا المنقول
نكش عشوش البتاع وهد كل اصول
وفات في غيط البتاع قام سمم المحصول
وخلي لون البتاع اصفر حزين مهزول
وساد قانون البتاع ولا عله ولا معلول
فا القاضي تبع البتاع فا الحق علي المقتول
والجهل زاد في البتاع ولا مقري ولا منقول
والخوف سرح في البتاع خلي الديابه تثور
يبقي البتاع في البتاع ؟ والناس صايبها زهول
وان حد قال ده البتاع يقولو مش معقول
وناس تعيش بالبتاع وناس تموت بالفول
وناس تنام علي البتاع وناس تنام كشكول
ادي اللي جابه البتاع جاب الخراب مشمول
لأن حتة بتاع مخلب لراس الغول
باع البتاع بالبتاع وعلشان يعيش علطول
عين حرس للبتاع وبرضو مات مقتول