تويت
يالي تبى بعض الدفا لا ترتجيه من الجليد
فيني برود العاصفة يقتل شعوري بالحنين
اللي انكسر فيني واللي أنكسر فينة يزيد
حلمي طموحي عزتي والرأس قاس ما يلين
لو للهوى عندك دوى فالسلفه تحكى وتعيد
لكن شعوري بالفتور فينة عمى قلب وعين
طالت جروحي ياتعب واليوم بتعب من جديد
وما كنت أظنك ياتعب تبرد وتعرق بالجبين
لو هو الوصل مثل الهجر ماينجرح قلب وحيد
لو هو نزف مهما نزف بكل وقت وكل حين
يا حزن ما هو فرح وأنا أموت بكل عيد
لا يا بخل وين العطافى حاجتي وأنا حزين
أنت تريد اللي أريد والله يفعل ما يريد
واللي كتب ربي حصل ما عدت في حبك سجين
وأنا وقلبي للاسف ما نذكرك وأنت بعيد
لو جيتنى ما أعرفك وجهك تغير بالسنين
الحلم المفقود ..
تعليق