--------------------------------------------------------------------------------

لجلك نسيت الكل

--------------------------------------------------------------------------------

أنا لجلك نسيت الكل حبيبي كيف تنساني
حسافة كيف تهجرني وقلبك ليه جافاني

انا لعينك نسيت الكل وسعيت انت بهجراني
تنام الليل ياخي وقلبي دوم سهراني

كرهت العمر وسنيني تراني صدق تعباني
بعد كل اللي سويته أعيش العمر وحداني

تذكر يوم أنا أغليتك زرعت اسمك بوجداني
كفوفك لامست أيدي وقلبك هاج بإلحاني

كان الشوق يجبرني اضحك حيل ولهاني
وكان الود يسبقني وقلبك اغلي أوطاني

منعت الكل عن قلبي ولاحبيت أحد ثاني
نسيت احسب حساب الوقت ووقتي كيف جازاني

تذكر قلتلي مره حبيبي لاتناساني
ياروحي خلني وردك وقلبك خله بستاني

تذكر يوم أنا قربك تريد توقف ازماني
تضم الشوق في قلبك وقلبك كم تبناني

هجرت أوفى حبيب لك وهجرك صدق أشقاني
أنا لجلك نسيت الناس حبيبي كيف تنساني