يدها على خدها .. حسبي الله على خدها

حاطه يدها على دفا خدّها وبغرور تناظر وبنص عين

منغرّه بحلاها مين قدّها معاها حق تنغر بهالزين



أنا فكرت ألتمس من ودّها قلت أبي أسألها سؤالين

مشيت وأسئلتي أردّدها عشان مابي أنحرج بعدين



ويوم شفتها ذبت في خدّها لين راح سؤالي مدري وين

دخت منها يلعن أبو جدّها وقلت والله انك تعذبين



أنا ارتبكت وخوفي شدّها لا وما سكت قلتها مرتين

وقتها ارتجفت وخفت صدّها انحرجت وموقفي صار شين



أنا مدري ليه رحت عندها وليه أنا نسيت السؤالين

ومدري ليه ماجاني ردّها وليه أنا بس قلت كلمتين



ليه على الإحراج أحِدّها أنا لحين أودّي وجهي وين

بسرعه قبل لا توصل حدّها خليني أعتذر لها الحين



وأقولّها اني ما أقصدها ويخلق من الشبه أربعين

وحسبي الله على خدّها وحسبي الله على السؤالين



كلمات الشاعر علي