يابحر عذراً جزيلاً..يابحر يمكن نساني
يمكن..أن الحظ قاصر..والعمر رحلة قصيره !!

يابحر وأنت الصديق..اللي من الضيقة خذاني
يوم راح اللي هويته..وعيشتي صارت مريره !!

جيتلك والعمر فرحة..وخفت يسبقني زماني
وتنكسر كل العواطف...وأكره الدرب ومسيره !!

أعترف أني هويته..وأعترف أنه رماني
في متاهات الزمان..اللي أبد ماذقت خيره !!

راح يمكنه تناسى..وأعجبه محبوب ثاني
راح يا مكبر خطاه...وليته محكّم ضميره !!

اه يا صدمة خفوقي..واه ياكبر الأماني
واه يا كثر السوالف..وليتني مختار غيره !!

ليتني ماجيت عاشق..وليت محبوبي جفاني
قبل لا تنبت ورود الحب..وأتنفس عبيره !!

الوكاد إني ضحية..والوكاد أنه بثواني
ضيّع سنين المحبة...كثر الله ألف خيره !!

يابحر وأنت الوحيد..اللي بالأحزان أحتواني
حلم وأحلام وأماني..وموج يطربني هديره !!

الغلا لاشك غلطة..وأرتمت بين المحاني
وغلطتي لاشك عاشق..غلطتي جداً كبيره !!

يابحر عذراً جزيلاً..يابحر راح ونساني
مشكلة والحظ قاصر..والعمر رحلة قصيره !!