&& وصيتي خلو الغالي على قبري يصيح&&


اعجبتني هذي الابيات نقلتها وحبيت انكم تقرونها


سامحوني لو رحل جسمي وغاب
سامحوني حتى في القبر استريح
في حياتي مالقيت إلا العذاب
عايش باحزان ومن همي طريح
سامحوني ظنكم فيني سراب
حظي لا شلته غصب عني يطيح
والوصيه لا دفنتووني في التراب
خلوا الغالي على قبري يصيح

*********
نشري رضاك وخاطرك مانبيعه
حبك هوى نفسي وشوفك متاعي
وأشواق قلبي تندفع لك سريعه
وأنا على شانك سريع إندفاعي
أمرك يلبيه الخفوق ويطيعه
لو في حلات النوم فزيت واعي
حب البشر لو تجمعونه جميعه
حبي لك أكبر والوفا من اطباعي

************

أتعبت قلبي من جفاك وتغليك
وتاهت بي الشرهه ولا أحد ذكرها
المشكله قلبي حلف مايخليك
ومدري متى ظروفك توقف ضررها
قلبي وعقلي والمشاعر تباريك
روحي هوت روحك وحبك سحرها
الذنب ذنب الحب ماهو بخافيك
هذا خطاء نفسي وهذا قدرها

***********

ضاق الوجود وهمي بداخلي ضاق
وعجزت أداوي في خفوقي سهومه
ياليت حلم البارحه مابعد فاق
سبب على قلبي هموما تسومه
أبكي واخايل بالسماء نوض براق
يمكن لعل المزن تجلب علومه

****************

تامر علىروحي عسى الروح تفداك
ياعزوتي يانور سمشي وظلي
قلبي صويب وطاح في كف يمناك
يمناك فيها عزتي عقب ذلي
في القلب وحسة والدواء في محياك
ذاب الخفوق وكاني اخطيت قلي
وش هي حياتي من غير نسمة ارضاك

****************

حبيب الروح العمر ما أدور بديلك
ولو دورت غير ما كفاني
أحبك والهوى مافيه حيله
وسهم الحب في دربك رماني
ذرفت دمعي وشوقي أشتكيلك
حرام الهجر ياحلو اللساني
أنا بحبك تجرعت الذليله
كفاني ما وصل منك كفاني

****************

لاتسئل المشتاق عن غايته وين
إسئل حبيبه ليه يشقي حبيبه
ولا تسئل المجروح عن دمعة العين
دامه غريب ولا فزعله نصيبه
ولا تسئل المديون عن سبة الدين
دامه دفن دنياه بأصعب مصيبه

***********

أدري انك صرت من ضمن المستحيل
بس قلبي رغم بعدك ما نساك
وأدري إني منك ضيعت الدليل
والسبب لا شك هو كثرة غلاك
وأدري إني من سبب بعدك عليل
الله اكبر صار حبك لي هلاك
وأدري إني ممكن القى لك بديل
بس وين اللي يساويك بحلاك


**********

أحبك كثر ماضاقت من أسباب الفراق صدور
أحبك كثر من سمي يتيم وخاطره مكسور
أحبك كثر ما تنقال هالكلمة بدون اشعور
أحبك كثر ماضاق المكان بواحد مقهور
أحبك كثر ما طارت تحت شمس الزمان طيور
أحبك

*********

لا تظن البعد ياخذ من غلاك
ولا تظن أعشق وأدور من جديد
ما أتغير مادام لي قلب معاك
مخلص لحبك وغيرك ما يريد
يذكرك مشتاق ولا مره نساك
أشعر بقربك ولو إنك بعيد
ياحبيبي مالي بالدنيا سواك
لا جللك أسهر وانظم بيوت القصيد

*************

لا تفارقني ورحي في يديك
خلني باعيش لك عمر وليال
كل جرح وكل دمعة تحتريك
كان بيديك الشفا يالله تعال
ياحبيبي ضعت بك كيف ابتديك
وأنت ياحلمي تعديت الخيال
إن طلبت الروح ابشر بتجيك
وأن طلبت العمر كله لك حلال


***********

أنا ماني على خبرك تراني
أنا أصبحت إنسان ثاني
أنا ماعدت محتاج لطيبك
أنا غيرك عن أيامك خذاني
نسيتك يوم عهدك ما وفيته
تركتك دام حبي ما حميته
أسامح كيف وإنت ما تسامح
أحب كيف شخص ما هواني


**********

مهما الخطاوي عن بعضنا تباعد
تبقى المشاعر للتلاقي مواعيد
ومهما تباعدنا لزوم إنتواعد
بعدك عذاب وشوفتك عندنا عيد
أغليك ما دمت في قلبي إتواجد
وأشواق قلبي كل يوم لك إتزيد

********
يا صاحبي عقب الغلا كثر ياسي
واهديت لك حب بنيته على اساس
في بحر حبك ذقت كل الماسي
وانكرتني كني بعيد من الناس
كل البحور اللي عميقه تقاسي
بس حبك راسي ماله إقياس

*********

لا ما يكفيني معك بعض الأوقات
خل التغلي عنك لا صرت غالي
إن كان وقتك من ذهب باشري لحظات
أسمع بها صوتك ويرتاح بالي
إشتقت لك شوق الهوا للمسافات
وأشتاق لك شوق القمر لليالي

********

هذي دروب الحب والحب سلطان
يامر علي وكني أصغر إخوانه
لا يا بعد كل الطوايف والأوطان
أقطع وريدي لو نبض بالخيانه
حبك ثبت في خافقي ساس وأركان
عن حب غيرك كن عندي حصانه

*********
يفداك من شافك على مر الأيام
يا تاج راسي في الليالي الشدايد
إن رحت زارتني هواجيس وأوهام
وإن جيت راح الهم عنى بدايد
وإن زرتني بالطيف وإلا بالأحلام
كتبت فيك أجمل حروف وقصايد

**********

سلام يا كاسب غلا كل مغليك
يا مالك إزمام المراجل بيمناك
الطيب ساسك والعرب عزها فيك
لا ضاعت إعلوم الرجاجيل تنصاك
ربعك تفاخر بك وتفخر بطاريك
يعيش أبوك اللي على الطيب رباك

*********

أغالب الشوق بالصبر الجميل وهل ؟
بين الجوانح إلا قلب إنسان
يدميه فرقه الأحباب ويحرقه
بكاء الحبيب ودمع الواله الحاني
إني لأذكرهم والدمع يغلبني
وكيف أنسى محبا ليس ينساني


**************

عجزت لا أكتب بيت واحد بفرقاك
حتى الشعر به صدمة من غيابك
ياشينها أيام مضت دون لقياك
ياشينها أيام مضت في غيابك
حتى المكان اللي شهد يوم لقياك
الحين يبكي من سبايب غيابك

**************

أنت العزيز اللي على العز مرباك
وأنت القصيد اللي على القاف موزون
وأنت الوفي يوم الوفاء من سجاياك
وأنت الغلا يوم الغلا فيك مجنون

**************

وصلت حدي بالغلا كيف ما أغليك
كل الكلام مقصر لا يطولك
من كثر ما أحبك ومن كثر ما أغليك
أحب كل من حبك ومن كان حولك
وأخذ غلا من حبني حيل وأعطيك
حتى أكون بحجم حبك وقولك

**************

ودي أكتب والقلم عيا يطيع
مدري الأشواق وإلا أنت السبب
كيف أعبر والحكي مني يضيع
أسعفيني يا قواميس العرب
وش أبا اكتب فيك يالحر الرفيع
وأنت وصفك من أعاجيب العجب
هاذي أقلامي بكسرها جميع
في سكوتي تصبح أشواقي ذهب

**************

لا غبت عني دمعة العين تبكيك
وإن جيت يمي خافق القلب حياك
موج البحور ونسمة الليل تغليك
وشلون ما يغليك شخص تمناك
مهما تهب الريح والغيم يخفيك
لا بد يوم تشرق الشمس بلقاك

**************

أبيك تدري صوتك العذب لا غاب
احس نفسي تنكسر من غيابه
كذا غيابك للحزن يفتح أبواب
غصب علي ألبس شقاه وثيابه
أدمنت صوتك وإن تثيقلت كذاب
من يعشقك لا غبت يفقد صوابه

**************

جمعت الشوق وأهديته عيونك
وكل الحب في دربك نثرته
وعطرت المشاعر من جنونك
وزفيت العمر لك لو خسرته
زماني ما تخيلته بدونك
وليلي بدون همسك ما سهرته

**************

إن قلت أحطك داخل العين عييت
خايف يحول الرمش بينك وبيني
وإن قلت أحط داخل القلب لك بيت
صعب علي أخفيك عن ناظريني
ودي أشوفك كل ما أصبحت وامسيت
ممساك في قلبي و صبحك بعيني

**************

يوم إنها مرت على القلب ذكراك
حنيت لك وإذريت دمعي زياده
وش حالة الدنيا وأهلها بلياك
وحدي عليك إن كان طولت فرقاك
وجد الغريب اللي تذكر بلاده

**************

سلام يا اهل الجود والطيب والعز
يا اللي لكم بالصدر قدر ومعزه
القلب من فرقى الاجاويد يهتز
مثل الشجر يوم العواصف تهزه
في قربكم كل المخاليق تعتز
وعيني لكم تشتاق في كل حزه

**************

من رافقك والله حشا ما يخليك
لو عاشرك كل الدهر ما يملك
انا اشهد اني حرت مدري شسميك
كل الخصال النادره ينتمن لك
الطيب كنه شابك ايديه في ايديك
ان كان له صاحب فهو صاحبن لك

**************

لك من صميم الروح ميزه عن الغير
ولك في خفوقي من الوله شي ثاني
والقلب يحمل لك معزه وتقدير
والعين تعشق شوفتك لو ثواني

**************

البحر ما كل من طبه يعوم
والشموخ يطول الجيد صعد
والشجاعه مالها غير القروم
يالشجاع إبن الشجاع إبن الأسد
أنت ساس المرجلة راع اللزوم
ما يحيه الضيم من حطك سند
يوم غيرك بالمراجل ما يدوم
من يعرفك بالمراجل لك شهد

**************

سلام يا اهل الجود والطيب والعز
ياللي لكم بالصدر قدر ومعزه
القلب من فرقى الأجاويد يهتز
مثل الشجر يوم العوصف تهزه
في قربكم كل المخاليق تعتز
وعيني لكم تشتاق في كل حزه

**************

أنا لست أحد سلاطين الحب ولا ملكا
من الملوك ولا أملك عصا سحريه كي
أجبرك لمحبتي" ولكنني عاشق مرهف
الإحساس. لا أملك مايملكه غيري من
مال أو جاه ولكنني أملك قلبا وافيا
ومشاعر صادقه ( فهل تقبلين حبي؟)

**************

لا تحسيني في البعد بنسى غلاك
لا والذي له النفس مردوده
دايم بوسط الحلم في الليل ألقاك
ياما تمنيت الحلم تصدق شهوده
أخفي دموع العين لا حل طاريك
و فكري على طاريك قلبي يقوده

**************

اجمع إحزانك وهمك والعذاب
وخلها في وسط قلبي خلها
لا تخاف من الملامة والعتاب
دامني راضي سيوفك سلها
فدوتك روحن تحبك ما تهاب
تتجه للموت لو تشر لها
نمشي بشورك ولو شورك خراب
لعنبو روح تعاند خلها

**************

بعترف لك بس اخر إعتراف
أنت وحدك بس منهو همني
دامني مغليك ما عندي خلاف
وإن تشتت من غلاك فلمني
واعرف إنك وسط قلبن ما يخاف
سمني مجنون حبك سمني
لو حبي لك ورى "صدري" يشاف
والله أن تقوم ثم تضمني

**************

كانك تخاف من العقوبة بدنياك
لياك تنسى واحد مولع فيك
ما تسوى هالدنيا وحياتي بلياك
وإن غبت قلبي راح مني يبارك

**************

يا صاحبي مابي حياة بلياك
ولولا وجودك ما بغيت الحياتي
أنت الحبيب اللي مشى القلب برضاك
وانته طبيب القلب وانته غناتي
القلب عيا يا أريش العين ينساك
وأذكرك لو إني بوقت الصلاتي

**************

مشتاق صدقني لعطفك وراجيك
أرجوك لا تكسر عيوني بفرقاك
رغبة طفل كلي يحبك ومغليك
كنه حنان الأم والجنة إرضاك
يا شيخ ما هو هين أنسى واخليك
يلعن أبو العشره إذا القلب ينساك

**************

يا صاحبي ماشفت مثلك بها الناس
فيك الوفا وهالوقت شح الوفا فيه
أنت الذي ليا أظلم الليل نبراس
ولا جارت كروب الدهر صحت أناديه
وأنت الذي بين الذهب خاتم ألماس
غالي ثمن عندي و لا أحد يوازيه

*****************************

انشالله انها تعجبكم ومتكون مكرره