تويت
ماأجمل الكلمات حين تلامس المشاعر و الاحاسيس
قصيدة مؤثره و رائعه
اعجبتني و احببت ان انقلها لكم
~~:: حبيبي لا تمووووووووت [::~~
دقايق صمت.. لو تَسمح نبي نبكي حبيب مات
ترك لي صفحة ٍ بيضا .. عليها هل دمعاته
:
كتب بأول سطر شوقه وبعض الشعر والكلمات
وسكب باخر سطر دمعه تحت اسمه وأبياته
:
وكوّن حسرة ٍٍ عظمى مداها لأبعد النجمات
شهق منها الخفوق اللي توالت بعد شهقاته
:
حبيبي لا تمووت .. الموت طعنة تقتل الرغبات
تدامَى قلبي المرهف .. من الفرقا وطعناته
:
حبيبي غابت الفرحة بليل الهم والصرخات
حبيبي اه لو تَسمع ألم قلبي وصرخاته
:
حبيبي .. يا بداية شوف عيني واجمل الغايات
تعزيني دروب الشوق .. في بعدك وساعاته
:
تربى في عيوني طفل تلعثم بك غلا وعبرات
تنادي لك حروف الحب في عينه وعبراته
:
بكى لك مثل ما يبكي على أ ُمه لحظة الغفوات
يصحيها .. على نغمة انينه من معاناته
:
تخيل .. لو قدرت أنك تحمّل ( همهم ) الونات
تخيل .. قد ما تقدر .. تسوّي لحظه اسواته
:
تخيل بس .. لي منّك .. دموع \ ولهفه وحسرات ..
ولك مني .. غلا واشواق ..دموع الحب واهاته
:
تخيل .. لو عرفت تكون مثلي .. واقسم اللحظات
على شوقك ودمعاتك .. على حبي ولحظاته
:
عرفت أن الفراق الموت ... على قلبي انا بالذات
لأن الموت والفرقا .... مثل ( عمر ) ونهاياته
:
تذكر لا بغيت تموت .. يا خلي بعض كلمات
أحبك من شروق الكون حتى اخر أوقاته
دمتم بخيررر
تعليق