أعذب الحب




في دفا ثوب المدينة كل برد أستعذبه... رغبتي لقربك تنامت يوم طولت الغياب

كل شيء ما تطوله باليدين وتكسبه ... ينبني له في خيالك ألف سور وألف باب

مثلك أنت المستحيل ومثلى اللي يطلبه ... ما منع عشق الصحاري للمطر بعد السحاب

أدري إن الحب مره وأعذب الحب أصعبه ... لا تصير الما وأطولك ، خلك أبعد م السراب

في حياتي ألف عبره عشت فيها تجربه ... لهفتي للي بعيد ما هي مثل اللي قريب

خلني أحيا بوهم .. صادق لو تكذبه ... خلني أعيش قصة ظل يصافح تراب

لا تعجب من جنوني .. ولا ولا تستغربه ... شاعر يهوى الخيال وعاشق يهوى العذاب

دمعتي في وسط عيني كم سؤال تكتبه ... واعرف إنه ما يجيبك لا سؤال ولا جواب

يشتعل شوق المدينة والليالي ترعبه ... رغبته لقربك تنامت .. ليه طولت الغياب ؟!