عراقية والنعم منهه وسمهه




شالت هم الوطن فوك همهه
بنات البلد لؤلؤ وعقد مرجان
احتار القلم شيكتبلي عنهه






بت البصرة
بت البصرة حرة والف حرة
اصالتهه من النخل كحيلة السمرة
ما تعرف زعل والروح خضرة
الچ مني السلام وارقى التحية





بت بغداد
بت بغداد محتار بأمرها
انيقة والدلع مرافك عمرها
ضيك حيل مسودني خصرها
هي المشكلة وحل القضية





بت النجف
بت النجف رزنة وطنون هيبة
نور وجناتهه التايه يجيبة
موسوعة علم ما تدفع ضريبة
تربات المراجع والمرجعية





بت العمارة
شسولفلك على بت العمارة
العاشرهن يبخته طالت عمارة
الوفى دربة عليهن والله ومسارة
كبرياء الهور وصفات الطير بيهه



بت كربلا ء
بت كربلا رقة وحلاوة
ابتسامتهه خفيفة ومشيتهه بهداوة
لاتعرف جفة لا تعرف قساوة
وفى تربة الكاع معجونة بيهه



بت ذي قار
بت ذي قار لا تنشدني عليهه
احتار الفكر منهه وعليهه
كل صفات الحسن مجموعة بيهه
تلميذة مضايف والكرم بيهه

بت الحلة
بت الحلة طيبة وطيب زايد
الوجنات الوردة والحواجب كلايد
نصبن الكل كلب بصري مصايد
خد مربى وخد كيمر السدة

بت الموصل
بت الموصل مزيونة وشكرة
بشوفتهه من كل مرض تبرة
قطعة من الفرح ضحكة ومسرة
اربعتهن ربيع فصولهه هي






بت السماوة
هايم انه ابت السماوة
هي الغلا وهي الغلاوة
خفيفة دم ومعجونة بشقاوة
شاخصة مثل نخلاتهه هي





بت تكريت
اسألت كالو الحليوة من تكريت
بنات مدسترة ومنورات البيت
الوجنة ضوة والخدين جكليت
بنات العز والمرجلة
هية





بت الشمال
بت الشمال مجرش جسمهه
مثل الجبل ثابت كل حسنهه
دهوك وسليمانية واربيل يالتسئلني عنهه
تتكاسر بحلاوتهه وية الناصرية







بت ديالى
بت ديالى الاصل هي والاصالة
برتقالة بالشكل وبالعكل فالة
همك صبرهن اتكفل وشالة
بيهه اروع صفة واروع سجية



بنت الانبار
بنت الانبار استاذة بالكرم وتحسن الملكة
شعب طبي وعلاجك يمهه تلكة
تجر الروح وتملي الكلب حركة
يعونة النزل عدهم وشرب مي منديهه