السلام عليكم وٍرٍحمه أإلله وٍبرٍكاته

هذه قصيده قالهاشأإب في الثامنه عشر من عمره


حينما فقد أمه وٍأبيه............



انشألله تحوٍزٍ علا اعجابكم وتنأل رضاكم









على درب الأمل يمشي ويتحاشى طريق الخوف

.............على صوت المطر يصحى ويذكر وقته الماضي

يعالج بالدموع ألوان من حرنٍ سطى بالجوف

.................يعزّي نفسه بنفسه ويرثي حاله القاضي

مسك دفتر بدا يكتب بدا يشرح بدون حروف

............رسم نخله رسم له قلب لكن للأسف فاضي

رسم شخصين وسْط القلب ولا منهم أحد معروف

..................يقول أمي يقول أبوي ألا يا باقي أنقاضي

تركتوني وأنا صغيّر تركتوا قلبي الملهوف

...................وصار الدار للأيتام بيتي فيه أغراضي

تركني العم ويّا الخال أبكي حالي المكسوف

..............رموني رمية الأغراب وماتت فيني ألفاظي

وصرت أمشي وأنا حافي وراسي للسما مكشوف

....................ولا به من يعالجني إذا صابتني أمراضي

أبيك تجين يا يمّه ووينك يا أبوي تشوف

..................أبي لي صدر يحضني ويطفي صدري اللاضي

دعيت الله يساعدني في دربٍ بالخطر محفوف

....................عساني بس أموت اليوم وألقاكم وأنا راضي

كتبت القصّة المرّة وختمي عالي المظروف

...................وطلبت الله يلمّ الشمل ونعم الحكم والقاضي


المايسترو