هذه خواطر جياشه امتزجت بأروع ما قيل في الغزل (العذري طبعاً)...

نقلتها لكم من أستاذي وقدوتي اللذي علمني كيف اصنع من الكلام اعجوبة شعريه ومن الحروف نسيج من الأحاسيس....

أنه الشاعر الكبير/ °ˆ~*¤®§(*§*)§®¤*~ˆ°عاشق الأطلال°ˆ~*¤®§(*§*)§®¤*~ˆ°....

وأهديها إلى كل من يقرأ هذه القصيده ...
-------------------------------------------------------


لي حبيبة .. ماهيب مثل العذاراء بنت غير
حيّرتني .. وإخرست من طبايعها .. ألسنه

كيف أبوصفها .. وأنا من جنه .. إليا زمهرير ..؟
هي بعيدة عن خفوقي .. وبالحشاء متمكنه ..!!

متمردة ومسالمة .. وتحيّر اللي مايحير ..!!
متعلمنه .. (بالعشق والفرقا ) نعم .. متعلمنه ..

تقول .. إفهم وإفتهم .. الحب مايعني أغير ...!!!!
الحب إني أعشقك .. واصبح بقلبك مؤمنه ..!!

وأقول أنا .. نفس الحكاية .. والنهاية .. والمصير
الحب والغيرة سوى .. يعني (( تصبه ولا تحقنه ))

تقول .. يووه .. يحوول .. وشبك .. أنت لاتسولف كثير ..!!!
إذا على الغيرة .. أنا بك واثقة يوم وسنه ..!

لاوالله إلا ولعت .. فيني من النار ..((السعير))..
والمشكله بنت اللذينا .. بالغلا متسلطنه ..!!

(((( فلقد علقت بها .. وقلبي صار بالحب الأسير ..
أسرا ً يلوذ به المحب .. إذا تضايق مسكنه

توحي بإيعاز المشاعر .. في فؤاد ٍ مستنير ..
نِعم الفتاة العاشقة .. بإيعازها متيقنه ))))

يعني أنا منها وفيها .. والهوى دايم مثير ..
والقلب لو لد النظر في غيرها .. غير أدفنه

ياليتها بس تعترف .. إني أتوه إبها وأصير ..
العاشق اللي شاردتها .. واردتها .. تزبنه ..

فيها الغرابه .. واللطافه .. من جوانحها .. تطير ..!!
بالمختصر .. إقرأ وأحكم .. والعلوم مبيّنه ..

تسكت .. ليا من قلت أحبك موت يابنت الأمير
موقف غريب تخيله .. وتعرف وشهو معدنه ..!!

وتضحك .. كثير إليا زعلت .. ومن الزعل وضعي خطير ..
والمشكله تفطس ضحك .. لاقلت والله (( ولعنه )) ..!!!!

--------------------------------------------------------

أخوكم:

( جب الخواطر ر )