خلني مابين قلبك والعيون &&& ودي ابقا في كيانك للأبد

طالبك فرقاي عند لاتهون &&& لو عواصيفك تزمجر بلرعد

لوفقدتك خطر يلمسني جنون &&& قيمتك عندي تفوق اهل البلد

أسقني حبك يابو قلب حنون &&& للعطش والبعد ماعندي جلد

ولو يمسج الفكر وتزيد الشجون &&& لاوصل لأسمك من الشوق وارتعد

غيرك انته في حياتي من يكون &&& مستحيل الا انت يا وجه السعد

حالف لأجلك لغني باللحون &&& حالف منساك لين أسكن بلحد

يأعذب من العذب من صاف المزون &&& ياحلو أحلى من أصناف الشهد

يألطف من الطيف في ليل سكون &&& يأرق من الحرير إليا انفرد

بالثلاث أيمان حالف ما أخون &&& وأنت يكفيني من عيونك وعد

هاك قلبي سو ماتبغى تمون &&& بس أرفق به ترا مابه جلد

وخلني مابين قلبك والعيون &&& طالبك وأرجوك ياوجه السعد