قصيميات في لبنان

تقليص
X
تقليص
 
  • الصفحة لـ 2
  • الوقت
  • عرض
إلغاء تحديد الكل
مشاركات جديدة
السابق 1 2 template التالي
  • *خيال الليل*
    عـضـو
    • Apr 2007
    • 22
    • :a: :aa: لك تفز الروح و تنادي :

      هلا ... سيد احساسي

      عسى كلي فداك..:aa: :a:
    #1

    قصيميات في لبنان

    أنا جبت لكم هالقصة و ان شاء الله تعجبكم ..
    (قصه قصيميات فلبنان) حصه وهيله ومنيره .. ثلاثي بنوووتي في بيت واحد.,,
    هذولي خوات ساكنين ببيت ابوهم ببعد ماتوفى ومالهم في الدنيا غير هالبيت وراتب ابوهم التقاعدي..,,
    ومقطوعين من شجره!!

حصه: الاخت الكبيره..يلقبونها وزارة الداخليه..موظفه في احد البنوك..
    راتبه على قد وظيفته..عمرها في حدود الاربعين..تعتبر اعقلهم..سنعه..شخصيته قويه..
    

هيله: الاخت الوسطى
( الوسطى ولا الشرقيه؟!) << بدا التميلح خخخخ ..
    متخرجه من معهد كمبيوتر وجالسه في البيت..تلقب بأم لسانين..
    عربجيه بقوووه..تكره التنانير وتمووت على سراويل السنه وفنايل العلاقي..
    عادي تستهبل مع جيرانهم وتنسم كفرات سيارتهم..
    كانت تلبس مريوله وتلبس تحته ترنق ابو خطين على جنب غير الزبيريه(وانتم بكرامه)..
    تموووت على شي اسمه مقالب..ماتصدق تلقى خنفسان او صوارير تاخذهم وتحطهم بدرج اخته..
    باختصار كانت ولد الا حبتين!! 

منيره: الاخت الصغرى ..
    (اجل وين العظمى صاروا درجات حراره!!) << خلصينا وهاتي السالفه!!..تدرس في الثانوي..
    شايفه عمره على خواته لانه الصغيره..تلقب نفسه ب : ميمي << ياي!!
    

منيره وحصه وهيله..جالسين بالصاله عند التليفزيون..
    يشربون شاهي مع كراث وفصفص والجلسه عسسسل.. وسوالييييف على كيف كيفكم..,,


    حصه: مناير..وش بتس ياقلبي..؟! وراتس تقل ضايقن صدرتس اليوم؟!
منيره: الحين ورانا حنا كذا..؟!
    كل زميلاتي يسافرون بالصيف برا وينبسطون وانا ماعمري تعديت حدود بيتنا ..
    ودي اسافر مثلهم..لاتحسسسونن بالنقص!! << تستعطف خواته

حصه:
    وين تبينا نروح طيب؟ ومع مين؟ من بيسنعنا .. ومن وين لنا مصروف يكفي!!
    انتي تحسبين المسأله سهله!!

هيله: هع هع جيبي مدرس رياضيات يحل لك المسأله!!
    

منيره: بدل ماتستخفين دمتس دوري لنا حل!! الله يخليكم ودي اسافر!! 
حصه..هيله..
    متى تتطورون؟! الناس وصلوا المريخ وحنا سوريا ماوصلناه!!

حصه: حنا ماعلينا من غيرنا..
    السفر ماهووب سهل!!

هيله: اذا على الفلوس راتب ابوي مع راتبتس يكفون..
    واذا على المحرم ماعليتس ارقدي وامني انا عن ألف محرم!!
    صدزز ليش حارمين انفسنا مادام اننا نقدر.؟!

منيره: ايه خلاص ياحبيلتس خلينا نروح!!
    
حصه: طيب وين..؟!
هيله: قوه لألمانيا تكفوووون..عشان اتابع كاس العالم!!
    
منيره: اقووول اووص انتي..انا اقوول قوه للبنان..عشان مانتعب انفسنا انجليزي ولاشي..
    اخواننا عرب..ومنه نروح نلعب بأشكالنا شووي
    انا اصير زي إليسا وحصه زي باسكال وانتي مثل نانسي!!

    هيله: ووووع مالقيتي الا ذولي من زينهن..انا ازين منهن!
حصه:
    اقوول اهجدي انتي وياه..فرضا بنروح للبنان..من بيحجز لنا ومن بيستقبلنا
    ووش عرفنا بالاماكن والسكن ووووو
منيره: خلوا كل شي علي ..
    انا بسأل زميلاتي ..بس انتم قرروا!!
حصه: والله اني خايفه...خلون افكر!!
    
منيره: ياحبيلتس الحصي تكفيييييييييييين ودي لو مره بحياتي استانس
    (وكان لهذه الكلمه وقع شديد في نفس الحصي)..!! 


بعد اسبوع..نزلت الحصي على البنات بالصاله.....

    حصه ومعها ورقه تقرا منها: 
بسم الله الرحمن الرحيم..اما بعد..
    بعد مناوشات ونقاشات وتكتيكات وتفكيرات متلازمه..قررنا نحن(حصه العلي)..
    السفر خارج المملكه ولكن بشروط سنسردها كالتالي:
1/ الميزانيه تكون بيدي..
    وسوق لاتفكروون تروحون,,
2/ مسألة الكشف شيلوها من راسكم,,
    لو تعضين الارض ماخليتس تطلعين خشتس لأحد,,
3/ السفر
    لمدة اسبوع فقط,,
4/ الاقتصاد بالاكل والشرب,,
5/ ان هيله تترك عنه اللقافه وطولة اللسان,,
    
6/ ان كلمتي هي اللي تمشي..واي قرار اتخذه هناك ينفذ بلا نقاش,,
    
هذا ولو تم تجديد في الشروط السابقه فيلزم الاطراف التقيد بها..والا:
اقعدوا هنا وانثبروا ..,,
    
هيله ومنيره بصوت واحد: لالالا خلاص اللي تبينه بيصير!!



    وبدأت هيله ومنيره والحصي بتجهيز أغراض السفر..
هيله: اقول مناير,,
    وش رايتس اخذ لبس كشخه..ولا كله ترنقات وقمصان؟!
منيره(بغت تجيه سكته قلبيه)و
    ش قمصانه انتي ووش ترنقاته..تبينهم ينزلوننا من الطياره!!
    
الله يفشل العدوو خوذي احسن لبس نبي نروح نكشخ هناك حنا مووب اقل من غيرنا..!!

    هيله: اندري..انا اقول محد يعرفنا..يعني احس اني باخذ راحتي هناك,,

    حصه: وش دعوه عاد انتي مقصره هنا..اقوول تراي شارطه عليكم ولا ترى بهوون!!

    هيله: لالاخلاص وه بس وانتي حبحرمحد يقولتس شي ..
    كنت امززح معتس ياخيتي,,
حصه:خلي مزحتس ذا بوقت ثاني..
    وخلصي ترى بكره الساعه8 لازم نصير بالمطار,,

منيره: اقول هلووو..
    تكفين عطين الكاميرا حقتس ودي اخذه معي..!!
هيله: اقول طسي بذاك مابقى الا هي..
    ماعندي غيره من ريحة المرحوم!!
منيره: من زينه الحين..ابيض واسود.
    .لا وبعد متكسره مابقى به سنتيمتر الا ملصق بشطرطون,,
هيله: ماعليتس ..
    يكفي انه من ابوي,,
حصه: وبعدين انتي وياه..يالله خلصوا واخمدوا بفرشكم بروح اكمل المطبخ..,,
    


الساعه..2 بالليل.. 

هيله: يماه..,, 
منيره: بسم الله الرحمن الرحيم..
    وش بتس وجع هبلتين!!
هيله: مادري يمماه حلمت حلم يخووف!!
منيره: خير اللهم اجعله خير..
    وشو؟!
هيله: حلمت ان معنا بالطياره انترتيكر..واني تهاوشت معه وجدعن من الطياره!!

    حصه: يوووووووووووووووه وانتم ماتخلون احد ينام براحه!!
منيره: هيله..اغديتس نايمه بس.
    وه ياشين الشهابه من كثر ماتهوجسين بالطياره تحلمين به خخخخ وهذا اللي يشوف مصارعه قبل ينام!!
    
هيله: وه بس تووبه,,
(ورجع الهدوووء يعم ارجاء المكان)


الساعه..8 a.m

حصه جايه من المطبخ تنافخ وبيده مغرفه: وقسم بالله ان ماقمتوا اني لاهون عن السفر..انتم كفوكم تروحون لخرخير وترجعون بنفس اليوم بعد..
    قووومي انتي وياه يالله!!!

تقوم هلوو وميمي بشين نفس ويتسحبووون للحمام(وانتم بكرامه)..
    بعد اقل من نص ساعه الكل كان واقف عند باب البيت..
    

منيره: الحيييييييين بنروح للبنان وتبيني اروح للمطار بليموزين؟!!!
    انا مناير اخر عمري اركب ليموزين؟!
هيله: أي والله صادقه مناير..
    المفروض استاجرنا دينّا2005 عشان تودينا..
منيره: تطنزين انتي ووجهتس..
    اصلا هذا مستواكم..حدكم بيجو 82.. حصه: اقول رجعوا الشناط خلاص..
    سفر ومانيب مسافره!!
هيله ومنيره: خلاص خلاص أي والله نسكت,,
    
ركبوا الليموزين وراحوا للمطار..,,
عند البوابه..
الهندي: هدا كمسين ريال عطي..

    حصه:وشو خمسين..لاكثير..نزل شويه الله يعافيك!!
هيله: لا احسن حبي راسه..
    وخري وخري افتح بوجهه خط سريع واحط به نخل بعد!!
حصه: اقوول طسي ادخلي وخلين اتفاهم معه,,

    هيله ومنيره في صالة الانتظار..
منيره: ياي شوفي الاشكال الصح ..
    واو واو شوفي شنطة هذي اللي قدامنا هذي فندي..
هيله: منهو الافندي؟!
    
منيره: وش افنديه..اقول اسكتي تكفين لاتحومين تسبدي!!
وهيله ومنيره استلموا الناس ضحك وتطنز.........................

    حصه خلصت التذاكر وحملت الشناط وضبطت كل شي..
    
حصه: يالله خلونا نركب خلاص نادى علينا,,
منيره: شلون نادى؟
    ماسمعت اسمي!!
هيله:هههههههههههههههههاي
    يارررربي يالمتطوره تبينه يقول يالله يامنير تعالي اركبي..

    حصه ميته من الضحك ومناير تمشي قدامهم من الفشيله.....
    
وعند البوابه وقبل مايركبون..
نادى المنادي: الرجاء من
    الاخت حصه العلي التوجه الى ادارة المطار للضروره وشكرا..

    التعديل الأخير تم بواسطة *مزون شمر*; 08-09-2008, 01:28 AM.
    الكلمات الدلالية (Tags): لا يوجد
    • *خيال الليل*
      عـضـو
      • Apr 2007
      • 22
      • :a: :aa: لك تفز الروح و تنادي :

        هلا ... سيد احساسي

        عسى كلي فداك..:aa: :a:
      #2
      رد : &amp;&amp; قصيميات في لبنان &amp;&amp;

      حصه: يماه وش السالفه؟! 
هيله: اقول اعترفي وش انتي مسويه؟!
منيره: ياررربيه فشلتوووني...روحوا لاتاقفون جنبي ماعرفكم..,,
هيله: انطمي اويلاه حنا وين وانتي وين!!
حصه: الله يستر..,,
مدير الامن: من فيكم حصه؟
هيله: اختار انت وش رايك من اللي تصلح تصير حصه؟!
المدير: تستهبلين انتي؟! ولا مانتب صاحيه؟!
هيله: الا اصحى من امك بعد!!
حصه وبعد قبصه محترمه لهيله: لا انا حصه..سم اخووي وش السالفه؟!
المدير: ممكن اعرف ميولك السياسيه؟!
حصه بعد ان طاحت خشته من هول الصدمه: وشو؟؟ وشلون يعني؟!
هيله: يعني وش تشجعين؟! هلاليه ياحضرة الزابط 
المدير: ترى لو ماسكتي انتي..عيونك ماراح تشوف النور..!!
هيله: صدزز؟ ههههههه احسب مير عندك سالفه..
منيره تسحب هيله برا الغرفه بأمر من حصه....
حصه: والله اخوي مدري وش تقول..ومافهمت قصدك!!
المدير: ممكن تفمينن عن سبب وجود سكاكين بمختلف الاحجام حاطتها بشنطتك؟!
حصه: هاو .. وش فيها يعني..انا خفت ناخذ شقه مابه مواعين..قلت اخذ احتياطاتي من هنا
المدير: شايفتن بالروضه تلعبين علي؟! اعترفي وش وراك؟!
حصه: والله العظيم هذا السبب حتى شف الاغراض ماخليت شي بالمطبخ ماجبته!!
وبعد تمطيع حلوووف وايمان..
المدير: شوفي سكاكينك بتتصادر..وبتوقعين على تعهد..والله يساعدكم ولاتعودين له مره ثانيه!!
حصه: سم وابشر..
..حصه وهيله ومنيره..ركبوا الطياره,,
المضيفه: مرحبا اهلين وسهلين..شرفتووا..ممكن تعطيني تزكرتك بليز؟! ايه اختي هوون الكرسي تبعك..تفضلي..
حصه ومنيره صاروا جنب بعض..اما هيله طلع مكانها جنب رجال..
هيله: وش تبين انتي!!! وربي ماقعد هنا لو اتعلق بالجناح!!
الرجال: ههههههههههههههههههههههههههههههههههههههههههههه ه 
هيله: وش تضحك عليه انت ووجهك استح على دمك وجع!!
الرجال: انا اسف!!
هيله: اقول اووص بس! << اسلوووووب خخخخ
المضيفه: ماعليه اختي هيدا هو محلك..مو بإيدي انت اجلسي هوون وبعد ماياخدوا الركاب اماكنهوون فيكي تغيريه!!
هيله: اقوول لو يجي ابوي اللي بقبره يقول اقعدي ماقعدت..ماعلي دبري عمرتس!
الرجال: هههههههههههههههههههههههههههههههههههههههههههههههههه هههههههه
هيله: ضحكت من سرك بلا...خير خيييييير وش تناظر؟! تبين اسوي بوجهك عزيمه؟!
الرجال طاح من الكرسي من الضحك!! 
هيله: وتبينن اقعد بعد!! اقووول والله لو اركب مكان الطيار ماقعدت هنا!!
والرجال مازال مستمرا في الضحك المتواصل 
حصه ومنيره لاهين بتقليب القنوات..,,
سمع المضيف صوت هيله الرنان وجاء يشوف المشكله..
المضيف: خلاص اختي تفضلي اجلسي هناك فيه بالدرجه الاولى مقعد فاضي
هيله(تقل وده تستحي): شكرا الله يعافيك..,, 
وجلس كل واحد بمكانه..بانتظار اقلاع الطائره الى بيرووووت..,,

بدأت الطائره بالاقلاع..,,
استقر كل من حصه ومنيره بأماكنهن .. أما هيله فقد أخذت لها مقعداً في الدرجة الأولى..,,

وشوية شوية<< وينك ياسيبويه!! بدأت هيله تتحدث مع السيدة التي كانت قابعة في القرب منها..

- مرحبا يام الشباب..,, << ماهيب عربجيه ابدن ابدن 
- اهليين وسهليين ..
- وش اسمتس انتي؟! 
- انا السيده كارول..
- كارول سماحه؟؟ خخخخخخخخخخ
- لأ شو كارول سماحه!! انا وحده تانيه!!
- ايه ادري.. انتي لبنانيه؟
- أي لبنانيه اصل وفصل
- فصل ولا مقصف خخخخخخخخ
- باردوون ؟!
- لا حرووون ههههههههاي 
- عفوا ماعم بفهم عليكي.. 
- لا ولاشي المهم .. انتي موظفه ولا مثلي حاطزه بالدار..؟!
- شو يعني حاطزه؟؟ لا انا سيدة أعمال ,,
- أحححححححححححححححلى ياسيدة الاعمال..!!
- (تبتسم ماتدري وش السالفه ) 
- وش تشتغلين؟؟ تبيعين غنم ودبش وحركات؟! << هذا حده المسيكينه ههههههه 
- والله ماعم بفهم شو أصدك .. لكن انا بشتغل بالاسهم وهيك بشوف شغلي بالحافظات ويعني هيك شي ?
- حافظات؟؟ ايييييييييييييييييه يعني تطبخين وتبيعين؟!
- إطبخ شووو؟! لا حبيبتي انا عم بشتغل بالاسهم..!
- يعني وشو انا ماعرف,,
- انا بفهمك .. لكن شو اسمك؟
- انا اسمي هيله .. تقدرين تنادينن الهلّي << ام العربجه!! 
- لأ مابدي إلك الهلي .. بدي ناديك هلوو ممكن؟!
- ايه ميخالف.. ان بغيتي نادين سحيله ام الخلاقين..
- ايه حلوو نادين .. خلاص اسمك نادين؟!
- لا والله انتس تنكه!!
- شو تنكه؟!
- ماتعرفين التنكه؟! << بررررررررريئه ياعالم ,,
- لا مابعرف,
- انا اعلمتس بس انتي علمين وشو شغلتس..

- - - - - - - - - - - - - - - - - - - - - - - - - - - - - - - - 

حصه ومنيره لاهييييييييين مع الشاشه اللي قدامهم .. وكل وحده حاطه السماعه بإذنه ومطوله عالاخر..
حصه: منيره .. شووفي المحطه هذي ازين!!
منيره: وششششششششششششششو؟؟؟ ماسمع!!
حصه: اقووووووووووووووول اليووم حرررر
منيره: وششششششششو نطلع للبر؟؟
والناس يضحكون عليهم لان أصواتهم واصله للكابتن.. 

- - - - - - - - - - - - - - - - - - - - - - - 

المضيفه بدت تدور بالقهوه تضيّف ركاب الدرجة الأولى..
هيله: تكررررررررم النعمه وش ذا القهووووووه ووووووووع!! 
المضيفه: شو فيها..؟؟ ماحلوه؟!
هيله: وخري وخري بس انا اوريتس القهوه الصح!!
وطلعت هيله من شنطتها الصغيره<<لاحظوا انها الصغيره غلايه صغيره قالت: وين المطبخ؟!
ودخلت العمه وصلحت قهوه وبدت هي تصب للركاب.. والجميع يشيدُ بمهارتها في تصليح القهوه.. 
وعينتها كارول : سفيرة الكليجا الحسنه 

هبطت الطياره في مطار بيروت الدولي.........,,


- - - - - - - - - - - - - 

حصه: هاو هيله منهي ذي اللي متعنقطه بيدتس..؟!
هيله: هذي صديقتي اللولي .. تعرفت عليها بالدرجة الاولى.. 
منيره: هاو ماشاء الله ووش موديتس هناك بالدرجة الاولى؟!
هيله: اوووف لاتحتكين يالله انزلي وانتي ساكنه.. 
نزلوا البنات ومعهم كارول..,,
كارول: لأ مابيصير هيك تروحوا من غير ماضيفكوون عندي!!
هيله: معليش خليه مره ثانيه رقمتس عندي اذا بغينا دقينا ..
كارول: اوكي حبيبتي بس هاه لاتنسى بدي تنكتين كليجا منك!! << خرّبت الحرررمه ههههههههه
حصه ومنيره: هههههههههههههههههههههههههههههههههههههههههههههههههه ههههههههههههه والله يانتي ماقصرتي مع الحرمه!!


- - - - - - - - - - - - - - - - - - - - - - - - - 

وصلوا للأوتيل وكل وحده اخذت لها سرير وناموووووا وكل وحده تحلم ببكره وين بتروح ووش راح تسوي...,, 

في أول صباح بيروووتي ... قامت حصه كالعاده وصحت الاميرتين الصغيرتين ..,, 

ودقت هيله على الريسبشن Reception:
-الوووووووو ... لو سمحت نبي فطور الله لايهينك .. 
- ايه من عيوووني مدام .. شو مابدك أولي ..
- لا مهوب من عيونك .. من المطبخ ههههههههاي 
(( حصه تناظر هيله بنص عين )) 
-ههههه والله دمك عسل ..
-ادري .. المهم نبي فطور .. 
-شو بدك تفطري..؟!
-وش عندكم؟!
-عنا American breakfast…Italian breakfast.. Eastern breakfast.. انتي اختاري مابدا لك ونحنا نضمن لك الجوده والطعم الحلوو ..
-والله مدري وش تقووول مير نبي ان تسان عندك فوول وخبز حار وشاهي ..
-باردوون..؟!
-ههههههههههههههه لا حرووووون .. حتى انت!! 
-سووري مس هيله بس انا مابقدر افهم شو أصدك..؟!!
-مس...؟! مس ولا مغرفه!! اقووول مسّك جني عطنا احد يعرف عربي..!! 
-يييي انا عم بحكي عربي بس انتي اللي عم تحكي برتغالي!!
-برتغالي يلووون جلدك قل امين ..
-سوري مس .. ازا بدك انزلي واختاري لك فطورك.. عنا بوفيه مفتوح ..,,
-ومتى يصك ؟! خخخخخخخخخخخ 
-Thanks for calling 
طراخ << طبعا مارتفع ضغطه المسيكين ..,,


- - - - - - - - - - - - - - - - - 

منيره: هاه هيله وش صار على الفطور..؟!

      التعديل الأخير تم بواسطة *مزون شمر*; 08-09-2008, 01:29 AM.

        تعليق

        • *خيال الليل*
          عـضـو
          • Apr 2007
          • 22
          • :a: :aa: لك تفز الروح و تنادي :

            هلا ... سيد احساسي

            عسى كلي فداك..:aa: :a:
          #3
          رد : &amp;&amp; قصيميات في لبنان &amp;&amp;

          هيله: يقول انزلوا تحت واختاروا اللي تبون فطور..,,
حصه: ازين بعد عشان ناكل اللي نبي..,,
ونزلت السندريلا هيله وخواته للوبي تحت ..,,
_
هيله بعد ان فغرت فاها: طاعوووووووووشته شوووفي الاكل اذا قالوا اكل ... اجل حنا فوول وخبز حار .. لا وبصحون بلاستك بعد!!
حصه: ايييييييه هذا العز... يالله بس خلونا نفطر وناخذ لنا طاوله..,,
منيره: وه بس كلن يناظرنا .. لو مخليتنا نشيل عباياتنا كان احسن.. 
حصه: اقول انثبري..من زين وجيهكن الحين عشان تكشفون!!
هيله: اقوول اوووص ابختار انا هذيك الطاوله تهبل .. على الشارع ..,, ناكل ونقزقز هع هع هع 
وراحت مناير واخذت لها فطور محترم ونعوووم .. وهيله بيده صحنين وماخلت شي ماحطت منه!!
منيره: هيه انتي وش ذا..؟! بتاكلين كل هذا..؟!
هيله: لا موب لازم اكله كله.. يختي دافعين فيه فلوووس..لو احطه بالزباله ماخليتهم يتهنون به!! 
منيره: الحصي..وش بلاتس؟! وراه ماخذتي فطور..؟!
حصه: مابي شي..بي مرّ بتسبدي..مدري وش انا ماكله!!
هيله: لاوالله حنيتي للكراث ههههههههههههههه 

- - - - - - - - - - - - - - - - - 

بعد الفطور...,,
هيله: وعمى .. الحين عجوووز قاضيه .. وجهه لاعبن به الزمن بلنتيات ومفحطن به لين قال بس..لابستن برموودا وبودي..!!!!
حصه: ايه تشبب!!
منيره: لا وشوفي هاللي متعلق بيده هذولا الرجال تقولين شنطه!!
هيله: ايييييييه هذا الوفاء والاخلاص والتضحيه من اجل الوطن!!
منيره: أي وطن انتي!!
هيله : المرأه وطن .. المرأه دوله .. المرأه عالم ..!! 
حصه:هههههههههه وينك يانزار قباني تجي تشوف هلوو وش تقول!!
هيله: على طاري نزار تدرين انه كتب نص قصائده بي..!! 
منيره: ان شاء الله..
هيله : انا كنت ملهمته .. بس هو عجز يلقان هع هع هع 
حصه: قوموا نطلع نتمشى .. طفشت!!
منيره: لا انا ماودي.. بروح اكمل نومتي..,,

- - - - - - - - - - - - - - - - - - - - 

حصه وهيله يتمشوون ..,,
حصه: سبحان الله ماكأنهم عرب..ناس مختلفين تماماً....!!
هيله : هاه .. ايه يمكن,,
حصه: وشو اللي يمكن وش بتس انتي..؟!
هيله: مابي شي... بس تشوفين اللي انا اشوفه..؟!
حصه: وشششو؟..؟!!
هيله: شوووفي .. شعوور شقراء .. وعيووون زرقاء .. وتأبريني وتسلملي عويناتك .. وجسم وطول ورزه ووووووووو وه بس!!!
حصه: من تقصدين انتي..؟!
هيله تعالي ناخذ ايسكريم من هنا ونجلس على هذيك الطاوله وانا اعلمتس..,,
( بعد ماجلسوا)
بهيله: شووفي هذاك اللي واقف عالكشك اللي يبيع ورد .. وه ياربيييييه شو مهضوم بالحيل مره!!
حصه: اللي لابس تي شيرت احمر..؟!
هيله: احمممممر موولع زي قلبي اللي محترررق ..,, 
حصه: هاو هاو وش ذا الهرج..؟!
هيله: اوووص انا خلاص مش حقدر اعيش من غيره..!!
حصه: استغفرالله العظيم..هيه انتي..وش جاتس وجع!! اصحي وش ذا الخرابيط..؟! 
هيله: اووص .. صه صه ولا كلمه..,,
وقامت هيله للرجال..وحصه تلحقه:
الشاب: ورد لأحلى ورد.. جوري لأحلى صبيّه .. جمال الدنيا كلوو في الورد.. اشتري ورد ياورررد ..,,
هيله: امووووووووت على الورد..قسم بالله احبه!!
الشاب: هههههه مرحبا .. بدك ورده..؟! 
هيله: لا بدي اياك ..,,
الشاب: شووو..؟!
هيله: هههههههههههههههههههههههههههههه امزززح وراك خفت..؟!
الشاب: بدك ورده..؟! << يصرررف
هيله ( بعد مالقطت) : يؤ..لاخلاص مابي.. وراحت تركض ودموعه 4×4 على خدوده ,, 
حصه:هلوووووووو تعالي!!!
هيله: لأ لأ ... وش اسوي بعمري عشان يحبن؟!
ودخلت هيله للأوتيل..وإلى الناس متجمممعه وحالتهم حاله وصراخ وكن فيه احد طايح بالارض..!!
هيله: وش بكم..؟! وش صار..؟!
وتدفدف العالم لين دخلت...
هيله: مناير...اخت ي وش بتس..؟!!!!!
واحد من الموجودين: مافيا شي .. ماتخافي.. اتصلنا عا حكيم هو بالطريق.. اتطمني..
هيله: حكيم..؟! وش نبي به..؟! يجي يغني على اختي اه ياألبي؟! << حتى في اللحظات الصعبه تنكت!! خخخخخخ
مناير .. قوومي تكفيييييييييين.. يارربيه اختي وش سويتوا به؟؟؟؟
- ياختي مافيا شي.. انا بعتئد انّو خيتك عندا انخفاض بالضغط ..
هيله: واع .. << تصيح,,
حصه: يابنت الحلال خلاص ان شاء الله خير وشوله تصيحين فضحتينا..!!
هيله: واع .. بلاتس ماتدرين..قووووومي مناير تكفييييييييييييييييين!!
حصه: وشششششششششوو اللي ماعرفه...؟!!
هيله: مناير قووومي تكفيييييييين عشان اكسر راستس وانظف بوجهتس ارض المطعم!!!
يابنت الذيييييييينا مالقيتي تدوخين الا وانتي تشربين عصيييير!! 
واع
حصه: وش تقولين انتي...؟!
هيله: واع لابستن بلوووزتي!! << الله يررررجه خخخخخخخ
حصه: احسب الصياح على اختس مير...,,
هيله: اكبر همي عاد انا..!!
شيليه بس خلينا نرقيه فوووق!!


- - - - - - - - - - - - - - - - - - - - - - - - - - - - - - - 

الدكتور: ماتخافوا .. مافيا شي .. مجرد انخفاض بالسكر..,,
هيله: ايه دكتور انا ماخذه الحلا من خواتي هع هع هع ..,,
الدكتوره: ؟؟؟
حصه: شكرا دكتور..,,

- - - - - - - - - - - - - - 

وراحت كل وحده ترتاح بسريره..,,
هيله تتسحب لباب الغرفه ..
هيله: اشششش اسمع شفت راعي الورد اللي تحت .. اللي يبيع ورد.. روح لعندووو واديه دي الورأه !! << يقالها بتتكلم لبناني!!
السيرفنت : يامزموزيل بس شو بدي إلوو ..؟!
هيله: لاتقول له شي.. عطه الورقه وهو بدوو يفهم .. اوكي؟!
السيرفنت: اووكي..,,


- - - - - - - - - - - -

-شو هيدي..؟!

-مابعرف .. هاي الورأه من مزموزيل ساكنه عنا بالاوتيل .. التلي اوصلها إلك ..,,

-اها .. اوكي ثانكسس ..

فتح الورقه . وعرف انها من هيله.. اللي كانت كاتبه:

بسم الله وعلى بركة الله << بتقص شريط الافتتاح ههههههههههههههه

امابعد/

عرفت ان اسمك جوزيف .. لاتقولي كييييف .. عرفت وبس..,,
بصراحه ياجوجو انا حبيتك من أول نظره .. حسيت انك مكعت قلبي مكع..!! << وش دعووه بيفهم!! 
وانا مدري وش ازين .. انت وش رايك؟ شو بدنا نساوي؟!
عاد الحب وحبيتك .. يعني لاتوون ولاتشكّه ..العشق مامنه فكّه ..!! 
ياخي عساي اتحرول ان تساني ماحبك!!
عساي للحوله اللي اشوف الواحد سبعه ان تساني ماغرقت ببحر حبك..,, 
وه بس ياخي والله احببببببببك !! << ياعمرررررري عالاسلوووب!!
تصدق..صرت اشوفك بكل مكان .. حتى احيانا اشوف وجهك باختي الحصي..مدري شلوون!!
وه بس ياجعل يومي قبل يومك .. ياشيخ عساي تحت التريله ان تساني اتسذب عليك!!
اهديلك هالابيات:
الحب عذاب .. ياورد من علمك تجرح .. << يابعد قلبي هي ههههههههه 

وشكرا .. <<خطاب لمدير مدرسه!!

حبيبتك غصبن عليك/ هلوووو ..,,

جوا الاوتيل..,,

- حصه: أنتي وش فيك..؟! هيله .. ألووو ... من صحيتي وانتي اوب طبيعيه..!!
- هيله: هاه .. مافيني شي..!! 
- منيره: وه بس لايكون بس وقعتي في شباك الحب..؟!
-
          التعديل الأخير تم بواسطة *مزون شمر*; 08-09-2008, 01:29 AM.

            تعليق

            • *خيال الليل*
              عـضـو
              • Apr 2007
              • 22
              • :a: :aa: لك تفز الروح و تنادي :

                هلا ... سيد احساسي

                عسى كلي فداك..:aa: :a:
              #4
              رد : &amp;&amp; قصيميات في لبنان &amp;&amp;

              هيله: شبّكوتس مع غنم قولي امين..!!
_- حصه: ايييييييييه هذا وهي ماتدري عن راعي الورد..!!
- هيله: من تقصدين جوزيف..؟!
- منيره: وششششو...؟! وشو جوزيف ذا..؟!
- هيله: ماعليتس..,,
- حصه:هههههههههههه هذا رجال يبيع ورد .. بياع..!!
- هيله: ماسمح لتس تقولين بياع ... هذا اسمه Business man ..!!
- مناير: هههههههههههههههههه ياحليلتس ياهلووو والله وبدا قلبتس يحس..!!
- هيله: وجع وجع .. وانا وش ناقصه عنكم؟! كلي انوثه ماتشوفينه طافحه من كثره..!! << واضح!! 
- حصه: هههههه ايه طيب.,,
- مناير: هلوووو قولي لي وشلون شكله .. حلوو..؟!
- هيله: حلو وبس..!! إلا شق يشق القلب!! << قالت ايش قالت كلي انوثه هههههههههههه
- حصه: اقووووول اها بس .. وش ذا الخرابيط..!!
- هيله: خرابيط..؟! اصلا انا قرررررت ..!!
- حصه ومناير: وشششششششششششششششششششششششو؟؟! 
- هيله: قررت يصير جوزيف أبو عيالي..وأنا اصير أم غابرييل ..!!
- مناير: وشو غابرييل ذا؟! غابرييل ولا دريل..؟! خخخخخخخخخ
- هيله: يامل الدريل اللي يخرم اذانتس..هذا اسم ابوه الله يرحمه..,,
- مناير: والله يانتي جايبه برنت كامل عنه!! اغديتس تلقين لتس وظيفه بالمباحث!! خخخخ
- حصه: مانتب صاحيه .. اقووول اوص بس لاحد يسمعتس..!!
- هيله: ماعلي من احد.. والمثل يقول: اللي مايعرف الصقر..يلحسه كله..!!
- منيره: ايه خلي البنت على راحته..تدبر عمره وتستانس وتتزوج لو من لبناني وش فيها يعني؟! الا من يحصله..!!
- حصه: اللي يسمعتس انتي وياه يقول خلاص الولد خاق عند هيله .. واثقين انه يبيه!!
- هيله: (( دمووووع)) .. صدقتي!! 
- مناير: طيب خلونا ننزل نفطر ونطلع نتمشي .. ودي اشوفه!!
- هيله: هيه هيه انتي .. وش اللي تشوفينه .. اعقلي..هذا قدامي!! اجل من وراي وش بتقولين؟!
- مناير: وه تخليلي يارررب .. عاللي يغاروون!!
- حصه: استغفرالله العظيم .. الظاهر جايه دقتكم .. من زمان مالفعتكن!! قومي بس انتي وياه .. بدلوا ملابسكم خلونا ننزل..,,


--------------------------------------------
" تحت باللوبي "
- هيله: الحمدلله .. انا بطلع اسبقكم .. الوعد عند البوفيه اللي باخر الشارع .. تشاو ..,,
- حصه: وييييين؟!
- مناير: اتركيه .. ( وهي تغمز ) 
- هيله: وه ياملغتس!! 
- حصه: لا امشي كلنا نطلع سوا ..,,
- هيله: سوا ولا عام .. هع هع
- مناير: هلوو .. اثقلي هاو!!
- هيله: ايه صح..,,
بعد ذلك بدأ الثلاثي المرح يتمشى في الشارع المحاذي للفندق .. وعندما مرت هلوو من جوزيف.. كان جو(اختصار جوزيف) يقزقزها ويبتسم وهيله قد احمرت وجنتيها من الخجل .. وهي تبتسم تلك الابتسامة الساحره التي لم يرها جو لوجود الغطاء الذي يخفي جمال هيله..,,
مرت هيله من جو وجدعت << اشوى ان سيبويه مات!! عليه قطعة قماش ملفوفه (خرقه) وبما انها طافحه انوثه على قولتها ماعرفت تحط القطعه على العربه..بل فلقت جو مع خشته ..,, 
- هيله: اوووه .. اسفه .. ققققسم بالله ماقصدت .. أي والله!! تعورت؟!
- جوزيف: لألأ .. مافيي شي .. ماتخافي .. على ألبي متل العسل ..!
- هيله: ( ابتسمت وطست ) ..,,
- حصه ومناير: ((( تشقلبوا من الضحك عليها ))) ..,,
- هيله: ضحكتوا من الهبال .. وش تضحكون عليه.؟!
- حصه: لا ابد .. بس تقل جوزيف بغى ينعمي!!
- مناير: ينعمي..؟! الا بغى يفقد الذاكره!!
هيله: نسيت .. قصدي مانتبهت .. قصدي .. وه بس امشوا (( يابعد الدنيا كسرت خاطري)) ..

وفي أثناء الدوران في الاسواق (ملاحظه نسيت اقولها: ترى اللي مايعرف يبرمج نفسه automatic على الفصحى والعامي يبي يتدهدر هوووون هع هع ) .. 


وفي أحد المحلات ..,,

- مناير: هيييييييييي!!!! 
- حصه: وشو؟؟ وش بتس وجع روعتين!!
- مناير: ناظري ... عايشه!!!!!!
- هيله: ايه مابعد مت ..,, هع هع هع هع 
- مناير: لا ... هذي عايشه!!
- هيله: وانتي حاضره عزاه قبل البارح؟!
- مناير: لا .. هذي صديقتي عايشه ..!!
- حصه: عايشه ماغيره؟!
- مناير: ايه ايه هي .. وش جابه هنا .. هماه بتروح للارجنتين!!
- هيله: هذي اللي دايم تهاوشين معه؟!
- مناير: ايه هذي هي .. شايفتن روحه علينا تقل مافي غيره بالدنيا!!
- هيله: جاك المووووت ياتارك الصلاة .. اتركيه علي والله يانا غاثتن هالبنت .. الحين اوريتس وش ازين به!!
- صديقة عايشه: شوشو .. شوفي التيير هيدا كتيييير حلوو!!
- هيله: هع هع هع شوشو؟! عايشه ومسميه روحه شوشو!!
- عايشه (بعد ماسمعت صوت هلوو) : عفوا .. من انتي؟!
- هيله: ماعليتس .. يازليلة الحياء وكاشفه!! وين العبايه وجع؟!
-
              التعديل الأخير تم بواسطة *مزون شمر*; 08-09-2008, 01:30 AM.

                تعليق

                • *خيال الليل*
                  عـضـو
                  • Apr 2007
                  • 22
                  • :a: :aa: لك تفز الروح و تنادي :

                    هلا ... سيد احساسي

                    عسى كلي فداك..:aa: :a:
                  #5
                  رد : &amp;&amp; قصيميات في لبنان &amp;&amp;

                  عايشه: أي عبايه؟! هذا التطور حبيبتي .. تحسبيني زيك؟!
- هيله: عمر التطور ماصار باللبس يالفارغة الفاغره!! 
- عايشه: من انتي؟؟؟
وفي هذه الأثناء .. يدخل شاب كله ملح وقبله اشقراني واتيكيت وياي.. 
- الشاب: شو شوشو ؟؟ ماعجبك شي؟؟
- عايشه: هاه .. معليش نادييل اطلع الحين..بعد شوي اجي..,,
- نادييل: شاديه شوبكِ..؟!
- عايشه: خلاص نيدوو اطلع بليزز..!!
- هيله: نيدوو ولا سيريلاك .. هعهعهعهعهعهعهعهع 
- نادييل: شاديه..الست هاي عاملتلك confusion ..؟!
- هيله: هعهعهع شاديه؟؟ تسان قلتيله ام كلثوم ألبق لتس ..!! 
- عايشه: نيدوو اطلع لو سمحت ..!!
- نادييل: O.K لاتزعلي,,
- هيله: اقوول نيدو .. لاتنسى شيّك على مدتك قبل تنتهي هع هع ..,, 
- عايشه: من انتي الحين؟؟ ووش تبين من؟؟
- هيله: من هو ذا؟؟
- عايشه: ماعليتس!!
- هيله: لاه ؟؟ اطلع واقوله ان اسمتس عيوووش منتب ورده الجزائريه!!
- عايشه: لا تكفييييييين لاتخربين علي!!
- هيله: طيب اسكت بس يام الشباب بشرط!
- عايشه: امري تدللي وش تبين بس؟؟
- هيله: ابيتس تدفعين حساب اللي بنشتريه من المحل هذا..!!
- عايشه: تهئ تهئ .. طيب لاتكثرووون تراه غالي!! 
- مناير: ههههههههههههههههه الله يحلل ابليس عندتس!!
- هيله: هع هع وش رايتس عاد؟!! 
- حصه: لاتاخذون كثير حرام البنت ماراح تتحمل!!
- هيله: ولايهمتس..لاتنسين ان قلبي طيب وحنووون...من عيوني يالحصي.. اذا ماصفيت بضاعة المحل..ماصير انا الهلّي حبيبة جوجو..!!
- ههههههههههههههههههههههههههههههههههههههههههههه


بع د مارجعوا للاوتيل.. وهم بالطريق..,,

- حصه: اسمعوا يابنات.. الله يوفقكم خلونا من المشاكل, اووب ناقصين!!
- هيله: وانتي وش جاتس من المشاكل؟؟ اشتريتي ببلاش اللي تبين!! 
- حصه: حتى ولو, خلاص يكفي!! خلونا نستانس بس من دون هواش!!
- مناير: طيب اسمعوا .. خلونا نروح للبحر اليوم..شرايكم؟!
- حصه: وشوله نروح؟ لاتفكرين انك بتسبحين!! والله لو تخيسين ماخليتك تسبحين بالبحر!
- مناير: اووووووه .. لاتقعدين تعقديني .. اصلا شلون بسبح وانا لابسه عبايه!!
- هيله: عادي..طبّي وانتي لابسه العبايه,, وش فيها؟ تحدينن اطب؟!
- مناير: لالالا... تسوينه اعرفتس!!
- حصه: خلاص نروح .. بس نتقهوى وننبسط ونرجع,,
- هيله: خلاص انا علي القهوه وانتي الحصي عليتس الحلى..,,
- مناير: وانا..؟!
- هيله وحصه: انتي الي بتشيلين الاغراض!!
- مناير: ايه رجع الاضطهاد..اووف!!! 
ومع اخر حرف طلع من مناير..مروا من شلة شباب سمعوا كلامها..,,
- واحد منهم: وقلبوووووووو والله شوفوا هذي مضطهده!! نجي نحررك؟!
- حصه: حرر نفسك أول من اللقافه!!
- هو: ياي نبرة سعوديات .. لاحقينا حتى هنا..!!
- مناير: مالحقكم أحد .. انتم اللي وين مانروح نلقاكم طاعوووشته بكل مكان تدهرون!!
- هو: اقوول احترمي نفسك واذكري الله علينا قبل يجيك شي ماشفتيه!!
(( هيله واقفه وساكته)) 
- مناير: وش بتسوي يعني؟؟؟ بتمد يدك؟؟ يالله جرب وشوف وش بيصير!!
- حصه: والله لاألم عليك خلق الله .. ياقليل الحياء فشلتونا بكل مكان .. أي وحده تمر تتحرشون فيها تقل ماعمركم شفتوا بنات!!!!
- هو: ايه ماعمرنا شفنا بنات .. مانشوف الا أكياس زباله تمشي!!
- مناير: منهم اللي اكياس زباله؟؟؟؟ ياحقير؟!! 
- حصه: لاتنسى انك تتكلم عن امك واختك وخالتك وعمتك!!
- مناير: اشووووفكم ماتلاحقوننا تقل مهبّل .. بعدين انتم ماشفتوا وش اللي تحت هالزبايل على قولتك.. والله انكم ماتعرفون..عندنا إليسا ونانسي وهيفاء وباسكال ووووووو وربي عندنا وأحلى بعد بس انتم ماتطيحون الا بالشينات!!
- هو: اقوول لايكثر .. وانتي (يقصد منيره) ان ماسحبتي كلمتك ترى بتندمين!!
- مناير: لا مانيب ساحبتها ... وش بتسوي يعني؟؟ يالله جرب!!
- هو: وش فيها اللي معكم ساكته؟؟ ولا طرما ؟؟ هاع هاع
- هيله: اقول اقصر الشر وكل تبن!! 
- هو: هيه هيه احترمي نفستس!!!!!!!!!!!!!
- هيله: انت اللي بديت ..,,
- هو: اقووول طسي بلا تنك!!
- هيله: تنكه تفتح راسك قل امين..!!
- هو: الظاهر انتي يبيلك كفخه يالخايسه!!
- هيله: اقووووول الدحمي اقصر الشر يالدووووب قبل لاأكب عفشك!! 
- هو((( مصروووووووووع))) : نعععععععععععم؟؟؟؟ من انتي؟! 
- هيله: خلني ساكته احسن لك ..!! يالله ظف وجهك انت والسلنتح اللي معك قبل أعلم أمك!!
لا وقايلها انك راح لمكه تعتمر!!! المسيكينه مصدقتك!! تشوف ان ماقلت لأهلك والله لأخلي أبوك يلعبxo بعقاله بظهرك..!!
- هو: ******** << مشفر.. يقالني خخخخخ 
- هيله: هههههههههههههههههههههههههها اي تكفووووون شوفوا وجهه شلووون صار خخخخخخخخخخخخخ..



لما وصلوا للاوتيل.. وبدلوا ملابسهم وكل وحده انجطلت على سريرها..
- منيره: هيله... من وين تعرفين الدحمي ذا..؟!
- حصه: ايه صح نسيت اسألتس...منهو ذا؟؟
-
                  التعديل الأخير تم بواسطة *مزون شمر*; 08-09-2008, 01:31 AM.

                    تعليق

                    • *خيال الليل*
                      عـضـو
                      • Apr 2007
                      • 22
                      • :a: :aa: لك تفز الروح و تنادي :

                        هلا ... سيد احساسي

                        عسى كلي فداك..:aa: :a:
                      #6
                      رد : &amp;&amp; قصيميات في لبنان &amp;&amp;

                      هيله: هع هع هع هع هذا ولد ام دحيم جارتنا .. اعرفه من ايام الصرقعه بالشارع!!
- منيره: عاد انتي مايحتاج .. ماكنتي 24 ساعه مع عيال الحاره!!
- هيله: اييييييييييييييييييييييه ,... عهد مضى زمان .. لاتذكريني!! 
- حصه: هههههههههه حنّيتي للأيام الخوالي..؟!
- هيله: لا .. لأيام عماني هع هع 
- هههههههههههههههههههههههههههههه
- حصه: هيله .. نسيت أسألك .. وشو اللي جدعتيه على جوزيف؟!
- هيله: ولاشي ..,, 
- منيره: وش دعوووووووه ؟؟ تخبين علينا؟؟؟ يالله عاد وششششششششو؟؟
- هيله: كتبت له رساله .. وعطيته كسرة كليجا..بس,,
- حصه ومنيره: هههههههههههههههههههههههههههههههههههههههههههه الله يرجتس!! كليجا عاد..!! طيب وش بعد؟؟ مو معقوله بس هذا اللي عطيتيه .. لأنه كان ثقيل!!
- هيله: بس!! ماعطيته شي!!
- حصه: طيب وش كتبتي له؟؟
- هيله: كتبت له: دبرررر عمرررررك ماعاد فيني صبر .. بقى اسبوع ونرجع للسعوديه.. مانيب رايحه الا رجلي على رجلك << واثقه يابعد الدنيا هي!! ههههههههههه
- حصه: ههههههههههههههههه ماعندك وقت..,,
- مناير: أما كليجا .... الله يرجتسسسسسسس ياشيخه..,, هههههههههههههههههههههههههههههههههههههههههههههههههه ههههههههههههههههههههههههههههههههههههه



-----------------------------
* جوا احد المقاهي..جلس جوزيف ومعه حرمه وقاعد يسولف معها..,, *

- جو: انا مابعرف شو بدي ساوي معها .. هاي مسكينه مفكره اني ممكن حبه!! 
- الحرمه: ماتشغل بالك تأبرني..أنا بروح وأتفاهم معها!!
- جو: أي .. الله يوفقك خالتووو ..بتعرفي.. هيدي عطتني هديه ساعه .. بتقول انّا ساعة أمها..وانو ماعندا غيرا هديه .. وهي أغلى شي عندا.. بدي منك تفهميّا وضعي..انا مابدي اجرحها ومابدي اخدعها بدي اياكي تخبريّا بكل شيِ...!!
- هي: ولايهمك حبيبي .. ياعيوون خالتوو انتا .. ماتتدايأ خلاص .. خِد لي معها date هوون وانا بنهي الموضوع!!
- جو: يسلموو خالتوووو .. ماألتيلي .. كيف سفرتك للسعوديه .. توفأتي فيها..؟!
- هي: أي الحمدلله .. كتير فرحت .. حتى بالطياره تعرفت على صبايا من هوونيك .. كتير مهضومين .. هنّي جايين هوون ..,,
- جو: اها ... cool .. شو رأيك تتغدي عنّا.. سونيا يتعمل سباغيتي كتير حلوووو ..
- هي: أي .. وليه لا .. خلاص اعتمد .. كيفوو لسمير؟؟ شو عامل؟؟ يخزي العين .. البيبي هيدا طجبمووووت فيه مابعرف شو عامل لي!! كتيررررر مشتاءة (مشتاقه) له!!
- جو: هو كمان مشتاء (مشتاق لغير الناطقين باللبناني خخخخ )..,, خلينا نطلع ..,,

-------------------------------------

* في الاوتيل *

- يالله هلووووو ميمي .... قوموا .. هيله وين اللي بتصلح القهوه .. قووومي.. يالله بنات خلونا نطلع للبحر.. يالله يمدينا نستانس قبل تغرب الشمس!!
- هيله: ايييييييييييييه خلاص ذليتي امنا عشان القهوه .. 
- مناير: طيب قمت .. خلاص
- حصه: ايه يالله انا اللي سويت القهوه والحلى .. الباقي عليكم.. يالله بدلوا وغسلوا عشان نطلع!!


راحت البنوتات العسولات للبحر..,,

- حصه: مناير..افرشي الفرشه هنا خلاص لاتقربون للمويه أكثر من كذا..,,
- هيله: الا خلينا نقرّب .. جيبيه هنا يالله..,,
- حصه: هيله .. لاتعاندينن..,, 
- هيله: خلاص وه افرشوه باللي تبوون .. ان شاء الله فوق كبوت السياره ذي..,,
- مناير: الحصي.. صبي له قهوه بليززز..,,
- هيله: يامحلا الفنجال مع سيحة البال .. في فرشةٍ مافيها نفس ثقيلللللللله .. الله الله هع هع 
- حصه: ههههههههههههههه
- مناير: الله يفشلتس اقصري صوتس وجع!! 
- هيله: يابنت الحلال خلينا نستانس.. بديرة ماتعرفه .. خذ راحتك به هع هع.,,
+ جت كوره وصبخت مناير مع علباته +
- مناير: وججججججججججججججججججججججع .. ماتشوفون عمى..!!
- هيله ( التفتت عليهم) : يامل الساحق الماحق..والمرض المتلاحق..اللي يسحقك ويمحقك..وين ماتطس يلحقك..!!!! 
- حصه ومنيره: 
- هيله: وش بكم؟
- حصه: وشششششش قلتي انتي؟!!!
- مناير: وش ذا الطلاسم..؟!!!
- هيله: ماعليكم هذي من بركات جدتي شمّا .. 
- حصه: من متى صارت لك جده اسمها شمّا..؟! 
- هيله: جدتي شمّا .. هذي جدة سليطين ولد ام محمد اللي باخر العاير اعتبره جدتي من الرضاع ..,,
- حصه: والله انتس قاضيه ... كل الناس أهلتس!!
- هيله: الشعب السعودي كله أهلي هع هع 

- مناير: هههههههههه .. وصلني رساله بالبلوتوث .. هيله واحد يحسبه جوالتس!!
- هيله: وراه يحسبه جوالي؟!
- مناير: يقول بالرساله .. امووووت على الساحق الماحق خخخخخخخخ
- هيله: وشو نكه؟ 
- مناير: نكه ( كيف نعيش بلا ددسن) 
- هيله: والله لاأحلف انه من عيال حارتنا .. اشوووه اوريتس وش ابرسل له..
- حصه: اقول اعقلوا بلا هبال..,,
- هيله: اصبري عندي مسج اذا شغله بيطلع صوت عالي وبعرف منهو هع هع
- مناير: هاه وش صار؟ ارسلتي؟
- هيله: ايه ارسلتها .. دوري مكانه هع هع
- مناير: هههههههههههههههههههههههههههههههههه شوفيه ذاك!!
-
                      التعديل الأخير تم بواسطة *مزون شمر*; 08-09-2008, 01:32 AM.

                        تعليق

                        • *خيال الليل*
                          عـضـو
                          • Apr 2007
                          • 22
                          • :a: :aa: لك تفز الروح و تنادي :

                            هلا ... سيد احساسي

                            عسى كلي فداك..:aa: :a:
                          #7
                          رد : &amp;&amp; قصيميات في لبنان &amp;&amp;

                          هيله: أي والله .. اخس يالشويب!! 
- حصه: هههههههههه طلع شايب .. يالله العقل والدين !!
- هيله: الحمدلله والشكر..ارسلت له رساله 
- مناير: وش قلتي؟!
- هيله: قلت استح على دمك ياشايب عراره قبل لاأعلم ذا المسيكينه اللي معك..
- حصه: حتى الشيبان ماسلموا من ذا البلوتوث..
- مناير: تدرين انهم يرسلون اكثر مننا .. وهم اللي يستهبلون,,
- هيله: اجل اباخذ شايب يوسع صدري هع هع 
- مناير: وجوزيف؟!!
- هيله: لا هين ذاك عين السيح << مسويه حكيمه اللي بالحياله 
- حصه: هاو .. بتاخذين اثنين ..!!
- هيله: لا .. بس واحد بخليه بكراسي الاحتياط.. هع هع
- هيله: شوفي هاللي متسدحات على البحر .. مانيب قايله عساهن يتسدحن بالمستشفى!!!!!
- مناير: قوموا ابروح اغطّس رجولي بالبحر..,,
- هيله: روحوا انتم .. انا بتقعّد لهالشايب..والله لاأخليه يقوم من الفرشه ويروح بيتهم!!!
- حصه: يالله انا وياتس ميمي نروح ..,,


* راحت حصه وميمي يلعبون بالمويه .. وهيله جلست تتقهوا وتحبرش بالجوال.. *

وفي تلك اللحزه .. جت هيله ضربة من وراها .. والتفتت على بالها اللبزران اللي قبل شوي..

- هيله: يامال الوجع اللي ...... جوزيف..؟!!! 
- جو: باي هلووو..,, 
- هيله: يماه يماه .. جو...وشو ذا... وش يبي...ياربييييييه وش اسوي....يماه..,,
وفتحت الورقه..,,

*** عزيزتي هلووو .. بتمنى انك ماتتدايئي من الرساله .. بس حبيت إلك ان فيه ست راح تنتزرك في مطعم (هيفين) اللي باخر الشارع .. بدا تحكي معك شوي .. الساعه 9 ونص بكره *** باي 

- هيله: يماه .. وش اسوي... هاه .. اكيد انه امه .. تبي تخطبن!! 
ياربيييييييه .. يابعد حيي ياجو .. وه بس.. وش بسوي!!



وصلنا ان هلووو اخذت الرساله من جوزيف وشافتها.. البنت احتارت وش تسوي!!!

- هيله: ياربييييييه وش اسوي..اقول لخواتي؟؟ لا صعبه.. اتركه؟؟ لا أصعب .. وه بس ياررربيه وش اسوي..!!
- حصه: تعالي هلووو والله المويه تجنن!!
- هيله: لا مابي..ابتقهوى..,,
- مناير: حصه .. تعالي عندي لكم سالفه مهمه جدا جدا جدا جدا جدا جدا ..... 
- حصه: اوووص صجيتينا .. خلاص روحي انتي للفرشه وانا ألحقتس..,,
- مناير: هلوووو .. عندي فكره رهييييييييييبه تكفين ساعدين وافزعي معي قبل تجي الحصي..,, 
- هيله: وش عندتس ياهدرانه .. والله ماوراتس الا الدجه ادري..بس هاتي وش عندتس..؟!
- مناير: اسمعي.. انا شفت بفيلم .. ثلاث خوات زينا..عايشين ببيت واحد..المهم اتفقوا انهم يبعدون عن بعض لمده شهرين وكل وحده تشوف نفسه..وبعد الشهرين يجتمعون وتشوف كل وحده وش سوت الثانيه خلال الشهرين..,,
- هيله: طيب..؟! وش قصدتس.؟!
- مناير: انا اقولتس بس انتي ركزي معي.. الحين كم باقي لنا نجلس هنا قبل نرجع للسعوديه؟!
- هيله: اسبوع تقريبا..
- مناير: حلووووو..خلال الاسبوع هذا.. نفترق..وبدل مانصير بغرفه وحده ..كل وحده بغرفه..ومانشوف بعض أبد..وكل وحده تسوي اللي تبي..وبعد اسبوع نلتقي ونشوف كل وحده وش سوت.. ونرجع للسعوديه.. وش رايتس.؟!
- هيله: اقوووووول طسسسسي فيذاك .. وش تبين انتي؟؟ ايييييييييه عشان تستهبلين على كيفتس..لاياختي انتي مراهقه ويبي لتس رقابه..!!
- مناير: لا والله؟؟؟؟ وش قالوا لتس ماتربيت انا؟؟ بعديييييييين انا مانيب راعية حب وخرابيط مثل بعض الناس<<وهنا جت على الوتر الحساس بتاع هيله<يرحم أم اللغه ههههههههه
- هيله ( بينها وبين نفسه): والله انها فكره..على الاقل اقابل هالحرمه واشوف وش سالفتها من دون ماحرج نفسي مع البنات..!!
- هيله: اسمعي..انا مادري..انتي فكري وقولي للحصي وشوفي وش تقول..,,
- حصه: وشوووو وشوووو سمعت طاري اسمي..وش تقولووون ..حشيتوا فيني..ترا ماسامحكم ليوم الدين!!
- هيله: هيه انتي اعصابتس من زينتس نحش بتس..اكلتينا بقشورنا!!
- حصه: انا من زيني..؟!!! طايب مشكوووره 
- هيله: امززززح يالمملوحه..,,
- مناير: حصه .. ابقولتس شي..,,
- حصه: ايه ادري قلتي لي ان عندتس موضوع..وشوو هاتي ماعندكِ يافتاة..,,
- مناير: انتي الحصي..اختي الكبيره..وقدوتي بالدنيا..وانتي امي وابوي واختي واخوي واهلي..وانا ماقدر استغني عنتس و...
- حصه: خلصينا .. اكيد عندتس شي تسايد (كايد لغير الناطقين بالقصمنجيه خخخ) 
- مناير: اسمعي انا اقولتس.. شخشخشخشخشخشخخشخخ << تقولها القصه بس تم حذفه لعدم الاطاله..,, 
- حصه: نعم نعم نعم ..؟؟؟ وش قلتي حبيبتي..؟؟ ماسمعت..!!
لا ياشيخه .. هذا اللي تبينه..ماعاد الا هي..لاحبيتي الا هذي انا ماعندي هالخرابيط اللي تقولين.. يالله هناك..,, هيله وش رايتس انتي قوولي شي!! حنا متفقين اننا ناخذ رأي الاغلبيه!! وعندنا ديمقراطيه نمشي عليها..,,
-هيله: انا اقول خلينا نجرب وش ورانا.. كلنا متربيات ونعرف حدودنا وماراح نخربط ولا نروح من هنا ولا من هنا ..
- حصه: لا ؟؟ اجل كذا اتفقتوا علي.!!
- هيله: انتي خلينا نجرب..وكل وحده تاخذ مصرفها وتصرفه على كيفها..والوعد اخر الاسبوع..,,
- مناير: تكفين الحصي... لاتخربين السفره علينا..متى عمرنا سافرنا كذا...؟! تكفيييين الله يخلييييييييييييييييييك..,,

                          التعديل الأخير تم بواسطة *مزون شمر*; 08-09-2008, 01:32 AM.

                            تعليق

                            • *خيال الليل*
                              عـضـو
                              • Apr 2007
                              • 22
                              • :a: :aa: لك تفز الروح و تنادي :

                                هلا ... سيد احساسي

                                عسى كلي فداك..:aa: :a:
                              #8
                              رد : &amp;&amp; قصيميات في لبنان &amp;&amp;

                              حصه: كيفكم .. بس عندي شرط!!
- هيله: وشوو؟
- حصه: كل وحده تتحمل مسؤولية نفسها.. مو تجوون تقولون ضاعت فلووسي..ولا محتاجه فلووس..ولا هذي لعبت علي وسرقتني ووووو..
-مناير: لو يقطعوني اربا اربا ماقلت لتس شي!!
- هيله: اخسسسسس ياربا .. حلووه والله من وين جبتيها؟!! 
- مناير: هههههههه مدري هي طلعت من الحماس.. هاه الحصي وافقتي؟!
- حصه: وامري لله..!!!!!



كل وحده من الثلاثي المرح اخذت لها غرفه بالاوتيل..وبدت تشوف وش وراها ووش تتمنى ووش بتسوي..!! 


* غرفة مناير *

- مناير: الوووو .. لو سمحت ممكن ترسلي السيرفنت .. ابغاه يجيب لي منيو حقت المطعم اللي تحت..,, 
- هو: ايه تكرم عينك مزموزيل.... بس بعتئد انو فيه منيو للمطعم عندك شوفيا عالشافونيرا اللي جنب ال Tv ..,,
- مناير: اها .. معليش اسفه مانتبهت لها << ياشين السرج على ... ههههه .. خلاص باي..,,
طرا اخ .. واخزياه واخزياه دقيت اتميلح وفشلني!! 


,, . ,, . ,, . ,, . ,, . ,, . ,,

* غرفة الحصي *

طووووووووووووط طوووووووووووط الحصي غير موجوده في الخدمه مؤقتا.. ( طالعه برا )


,, . ,, . ,, . ,, . ,, . ,, . ,,

* غرفة الهلي *

- هيله: ياربيييييه وش بقول للحرمه .. ,, لا وش بلبس الحين ... لا وشلون بتكلم معه .. لا وشلون بطلع .. ,, 

ياربييييييييه بس .. معقوله تكون امه؟؟ طيب اذا تبي تخطبن تجي هي للاوتيل وشوله انا اروح.. طيب لو خطبتن وش بقول؟؟ بوافق؟؟ من دون ماقول لخواتي شي؟؟ اخاف خالي عبيّد يذبحن لو درى.. طيب شلون وين احط العرس هنا ولا بالسعوديه.. ودي اعزم صديقاتي وافرح << يابعد الدنيا هي كسرت خاطري والله!! 

ومازالت الهلي تفكر حتى جاءت الساعه 9 بالليل..,,


---------------------


 دخلت الهلي المطعم.. وكانت تدور حرمه جالسه لوحدها .. 
- هيله: ايه هذاه .. مرحبا .. انتي ام جو؟؟
- هي: باردوون؟؟
- هيله: حتى انتي باردوون وش عندكم انتم وهالبرد..لا حرووون!!
- هي: عفوا انتي بدك ياني؟؟
- هيله: لا بدي جو وش ابي بياني خليه لتس..!!
- هي: شو بدك مني ماعم بفهم عليكي..,,
- هيله: انتي من تنتظرين هنا؟
- هي: مابنتزر حدا .. انا جايي لوحدي هوون..
- هيله: اها اجل غلطانه يابعدي.. تشاووو ياباردوووون..,,

- هيله: وين طسسست خالتي < ياعمرررررررري انتي..,, 
لو سمحت .. فيه طاوله محجوزه باسم جوزيف هنا؟؟
- هو: أي في خيتوو .. الطاوله رأم سبعه..,,
- هيله: شكرا.. يازين السنع وراي ماسألت من قبل..بدل ماهارج هالباردوون والحرووون..,,
وجلسست على الطاوله تنتظر خالتها تجي..,,
وماهي الا هنيهات << متعوب عليها ترى.. الا وتجي الخاله وتسلم عليها من وراها..,,

- الخاله: هاي .. انتي اللي إلك موعد معي.. انا خال ... هلوووو؟؟؟؟؟؟
- هيله: كارووووول!!! اهلييييييييييييييين وش اخبارتس وشلونتس.. يامحاسن الاصداف مدري القواقع .. ورب صدفة خير من ألف ميل تبدأ بخطوه هههههههههه ..,,
- كارول: هلووو .. انتي اللي.......................؟!! 
- هيله: انا اللي وشووو؟؟ وش بتس تقل شايفتن جنّيه؟؟
- كارول: هلووو انتي بتعرفي حدا باسم جوزيف؟
- هيله وهي مستحيه: ايه اعرفه ليشش؟؟ وش عرفتس؟؟ 
- كارول: لأأأأ .. مو معأووووول ... 
- هيله: وش السالفه وش بتس؟؟ 
- كارول: عدي لإلك ..,, 

(( وجلست كارول خالة جو تقص لهلوو القصه كلللللللللللها..,,
وقالت لها ان جوزيف متزوج بنتها وعنده ولد .. وانه مافكر فيها بس انه رحمها يخاف تتعلق فيه اكثر..,,))

وصف الحدث:

هلووو مسيكينه انصدمت صدمه ماقبلها ولا بعدها... مانطقت بحرف واحد.. وكارول تواسيها وقالت انه يقول عنها مهضومه وحبوبه وطيبه..ورجعت لها الساعه حقت امها..


- هيله: حصل خير.. اصلا انا كنت حاسه..ومازعلت عادي الوضع ..,,

- كارول: بتمنى انك ماتزعلي مني.. ياحبيبتي انتي ولا يهمك..بكرا الله بيعوضك وبتتجوزي سيد سيده كمان..,,

- هيله: ههه لا عادي ماصار شي..عن اذنك انا بطلع وراي مشوار مهم..سلمي لي على جو وزوجته..,, مع السلامه..,,

- كارول: استني هلووو .. بدي احكي معك.. استني!!!


وراحت المسيكينه .. وهي تترنح في مشيتها من هول الصدمة التي صعقتها قبل لحظات..وكأن قصرها الذي بنته في قلبها قد تحطم بأكمله وانهار على حبها الوحيد وقتله قبل ان يرى النور.. ( قايلة لكم اللي مايقدر يبرمج نفسه عامي/فصحى بيتدهدر هنا خخخ ) 

..........................................
 
بعد اسبوووووووووووووووووووووووع,,]
                              التعديل الأخير تم بواسطة *مزون شمر*; 08-09-2008, 01:33 AM.

                                تعليق

                                • *خيال الليل*
                                  عـضـو
                                  • Apr 2007
                                  • 22
                                  • :a: :aa: لك تفز الروح و تنادي :

                                    هلا ... سيد احساسي

                                    عسى كلي فداك..:aa: :a:
                                  #9
                                  رد : &amp;&amp; قصيميات في لبنان &amp;&amp;

                                  وبالتحديد قبل الذهاب الى المطار للعودة الى منفوحه .. قصدي الي بيتهم,,


اجتمعوا البنات بغرفة الحصي..,, وبدأ السلام بالقبلات والاحضان..,, 
وكل وحده بدت تقول وش صار لها ..

- الحصي: اسمعوا بنات.. انا بقولكم باختصار.. انا تعرفت على وحده لبنانيه تشتغل طباخه هي وزوجها بمطعم حلوو وراقي .. وبعد ماعلمتها بعض الاكلات الشعبيه..عرضت علي اني اسكن بشقه قريبه منهم واشتغل معهم ولي نسبه من ارباح المطعم.. وانا بصراحه فكرت ولقيت انها فرصتي وماراح تتعوض..الراتب اللي اخذه هنا يعادل ضعفين الراتب بالبنك هناك..,,

- مناير: هاه؟؟ تجلسين هنا؟؟ يامحاسن الاصداف على قولة هلووولتنا .. اجل انا رحت بجوله على جامعاتهم ولقيت عندهم تخصص الانجليزي حلووو وسهل نوعا ما..ومافيه تعقيد زي جامعاتنا.. فأنا قررت اكمل دراستي هنا وبشوف مستقبلي بالجامعه..,, 
- هيله: ................................... < ساكته
- حصه: هلووو .. وانتي وش سويتي؟؟ ووين رحتي ؟؟ ووش شفتي؟؟ وش بتس؟؟
- مناير: هلوو وش صار على جوزيفتس؟؟ ماشفتيه؟؟ وش بتس ساكته تكلمي!!!!
- هيله: خلصتوا؟؟ وقررتوا... خلاص اجلسوا الله يوفقكم.. انا برجع للسعوديه بعد شوي..,,
- الحصي: هيله وش صار لتس طيب؟؟ تكلمي.. ضيعتي فلوستس؟
- مناير: لا يمكن سوت شي وندمت عليه..
هيله: وجععع .. اووب انا اللي اسوي كذا يالتعبانه.. انا مافيني شي ابرجع وبسس 
- مناير: طيب لاتنافخين بالطقاق طسسسي,, 
- هيله: مانفخت ياقليلة الادب..,,
- مناير: انا قليلة ادب؟؟ ليششششش انا اللي كنت الاحق رجل واحبه ووو 
- هيله: اووووووووص خلاص انا تعبت .. انتم ماتحسون..انتم ماتفكرون الا بمصلحتكم.. مابي شي منكم,,
- الحصي: خلاص انتي وياه .. كل واحد يسوي اللي يريحه..,,

وتزاعلوا الاخوات ... وظفت هيله شناطها وراحت تلحق على موعد الطياره.. والحصي ومناير راحت كل وحده لغرفتها..,,


* في صالة المغادرون *


هيله جالسه تنتظر يعلنون عن موعد الصعود على الطائره وهي تمسح دموعها اللي ماوقفت من اول ماطلعت من الاوتيل..,,

- هيله: الله لايعيدها من سفره..الله لايعيدها .. بسفره وحده انقلب حالنا كذا؟؟ خواتي راحوا ومادروا عن .. كل وحده همها مصلحتها وبس.. وانا الغبيه حسبت اني اقدر أحب..وحبيت .. وتوهقت..وانجرح قلبي وماظنتي بيلتئم جرحه.. ياررربي سامحني انا غلطت .. استغفرالله العظيم .. ياربي ابي خواتي..من لي بالدنيا غيرهم؟؟ يارب انا ضعيفه مالي بالدنيا الا هم.. من اجلس عنده؟؟ خالي عبيّد .. من زين ذا الخال اللي ماعمري شفته الا بالعيد وزين اذا جاء.. يارربي وش اسوي بعمري.. وشلون بعيش؟؟ وحيده؟؟؟؟؟؟؟ لا وظيفه ولاطلعه ولا دخله ولاحد اتكلم معه .. شلوووووووووووووووون بعيش شلووووووووووووووووووووووون!!! 


الرجاء من الركاب المسافرين على الرحله رقم 346 المتجهه الى الرياض التوجه الى البوابه رقم 73 وشكرا..,,



وجلست الهلي على المقعد وربطت الحزام ( عشان مايبلشونها) وكملت صياحها..,,

- هي: لو سمحتي اختي.. ممكن تبادليني بالمقعد؟؟
- هلوو: لأ ..
- هي: حتى لو قلت لك يامحلا الفنجال مع سيحة البال في طيارة مافيها مقعد ثقيل...؟!!
- هيله: هييييييييي .... منايرررررر!!!!!!!!!!!
شلووووووون جيتي.. وراتس؟؟ شلون غيرتي رايتس؟؟ 

- مناير: وانا اقدر استغني عنكم .. ولا اعيش من غيركم؟؟
- حصه: وفلوووس الدنيا كلها ماتغنيني عنكم!!!!!!
- هيله: الحصصصصصصصصصي بعد!!!!


... + ملاحظه: المشهد متسلفته من فيلم هندي + ... 
صياح وخمخمه وبوسات وحالتهم حاله..,,

- مناير: هلووو فقدتينا؟؟
- هيله: يعني.. عادي عندي ..يمكن ضاق صدري شوي..بس مومرره,,
- حصه: اييييييييه واضح ماكأننا جالسين وراتس بصالة الانتظار هههههههههههههههههههههههههههههههههه
- هيله: هاه .. ايه كنت ادري .عشان كذا استهبلت عليكم.. <<لاخر لحظه تتلكع!!
- مناير: ايه هييييييييييييييييييييييين .. اهم شي لما قلتي من بسولف معه!! مت من الضحك ههههههههههههههههههههههه
- هيله: هههههههههههههههههههههه الله يرجكم .. تصدقون اكتشفت اني احبكم!!
- حصه ومناير: لا ؟؟ 
هههههههههههههههههههههههههههههههههههههههههههه ههههه ه هههههههههههههههههههههههههههههههههههههههههههههههههه ههههههههههههههههههههههههههههههههههههههههه
..,,


و رجعوا الاخوات الكريمات للسعوديه..,,

يقولون ان الحصي تقلدت منصب كبير وصارت مديرة البنك..,,
وان الهلي تزوجت وعندها درازن بزران ..,,
وان مناير صارت معيده بالجامعه ..,,
هم يقولووون .. والله أعلم...................!!! 



~ The End ~ 


                                  التعديل الأخير تم بواسطة *مزون شمر*; 08-09-2008, 01:33 AM.

                                    تعليق

                                    • أخر طموحاتي
                                      عضو متألق
                                      • Jan 2005
                                      • 251
                                      #10
                                      رد : &amp;&amp; قصيميات في لبنان &amp;&amp;

                                      هههههههههههههههههههههههههههههههه
                                      الله يعطيكي ألف عافية على القصة الروعة
                                      هههههههههههههههههههههههههههههههه
                                      ودمتي بخير وصحة وسلامة

                                        تعليق

                                        السابق 1 2 template التالي

                                        google Ad Widget

                                        تقليص
                                        يعمل...