هاي شلونكم أعضاء المنتدى


شفت قصة حقيقية ع شكل فيلم حبيت أقولها لكم وهي تتعلق بصبي يمكن قليل منكم يعرفه لأن كان يمثل لكم ألحين هو في الجامعة وهو (عمار زينل)

المهم ببدي القصة كان هاذا الصبي يعيش ويا عائلتة بسعادة ومافي أي شي يقلق وهم قدموا طلب ع بيت إسكان
وحصلوا ع البيت لكن بدون كهرباء وسيدة راحوا سكنوا فيه ما صبروا لين ما يوصلون البيت بكهرباء راح الاب سيدة وأشترى (جرينيتر) وأنتون كلكم تعرفون مخاطره ويحتاج (الجرينتر) عاد راح الاب ويا الولده(عمار زينل) وياهم بنته الصغيرة و بين ما كان الاب يترس (الجرينيتر) بترول طاحت شمعة كان الولد حاملنها ع البترول وأحترق البيت وعائلته كلها راحت ماعدا الي كانوا وياه وهم الولد ويا إخته وإحترقت رجل الولد لأن طاحت حطبه فيها نار ع رجلة وإتعوق الولد قال لهم الدكتور:الولد بظل ع طول ع الكرسي المتحرك.



وإنصدم الاب و في يوم ثاني راح الاب ويا ولده وبنته يزورون زوجته ويا بنته الي توفوا قعد يستعيذ الذكريات وياهم قال ليه الولد :يبى بس خلاص بسك من الذكريات قام الاب وضرب ولده وطيحاه من الكرسي وراح يركض في الشارع لأن صار شبه مجنون شافا واحد في الطريق وودا لمستشفى الطب النفسي والولد ويا إخته شافوهم ناس وساعدوهم وراح الولد يدعي لأبوه عند شيخ وإسمه (الشيخ عزيز) وفي مرة راح الولد ويا إخته للمستشفى وشافوا الشيخ عزيز مسح الشيخ ع رجل الولد وع راس الاب وصار الولد يقدر إيقوم والاب صار مثل قبل............


ع فكرة هاذي القصة حقيقية وطويلة لكن إني قلتها لكم باختصار وإن شالله تعجبكم......