اللي لفا بالطيب .. يستاهل الطيب
واللي عنا للناس ماهو بخايب

خوذوا نصيحة شخص خاض التجاريب
من دورة الايّام شاف .. العجايب

خوذوا كلامي وافهموا دون ترتيب
من راس شاعر واعرفوا ويش جايب

ياللي تبي عِلمي تراها مكاتيب
من دمّ قلبي .. سطّرتها كرايب

الخوّه اللي ما تجيب العذاريب
لِك رفعة ٍ فيها .. عن الغير صايب

والمجلس الموزون .. طيب ومواجيب
دوّر على جاله .. مكان وحبايب

واللي لفا بالعيب ما ينوتي بعيب
خلّه يهذري مع هبوب .. الهبايب

يا جاهل ٍ بالقول .. إنْصا التضاريب
وخلّك على ما قيل .. راعي نشايب

متخالط ٍ مع كلّ عُود .. ومحاديب
وإرسم رفيقك لك .. حاضِر .. وغايب

لاتنظر اللي من يجيب المكاسيب
دام الخساير .. في غيابك ضرايب

كل ٍ يطيّب لك كلامه .. وبالغيب
ياتيك صالي .. من رزوم اللهايب

ولاتامن اللي ياخذ القول ويجيب
وسْط المجالس .. بالحكي والغرايب

خلّك على ( المابين ) بين التغاريب
لا تندفع للّي .. يقود الرّحايب

دوّر على من جيّتك له .. مراكيب
قوم ٍ ( معدّين ) .. القرايا .. قرايب

ودوّر على من جرحك ابشوفه يطيب
رجل ٍ من الخفاق .. ماهو بطايب

ودوّر عن اللي راسه افبعدك يشيب
اللّي يشوف الضّحك منّك .. طرايب

ودوّر عن اللي لا بغيته .. كما الذيب
ينصاك لو دونه .. رجوم .. ومصايب

ماهو من اللي يسمع الصّوت ويغيب
العِلم يجمد .. لا لفتْك .. النوايب

ياصاحبي .. وإن كان قولي بلا ريب
خذها نصيحه .. من عميد .. الكتايب

اللي لفا بالطيب يستاهل الطيب
واللي عنا .. ماهو .. بلا شك عايب

مير الحقيقه .. تختلف .. بالتجاريب
دنيا رديّه .. ( تودِع ) .. الرّاس شايب


تقبلوا تحياتي...



منقووول