يقولون العرب صوت البنية يذبح الرجال
وانا اقول البلا بالصوت الله يلعن ابو حية

ترى قولة الو منها تسوي داخلي زلزال
خصوصا لا طلعت قولة "الو" من سعوديه

اذوب ان قالت شلونك .. عساك بخير ...كيف الحال؟
واضيع اسم جداني اليا قالت شماليه

حلاها شي مو عادي وميزتها ...وسيعة بال
هواها يذبح العاشق ..وفيها الشمس و الفيه

واذا قالت انا من نجد .. صدقني يجيني هبال
وانا أدري ان الحلا نجدي ..وساس الزين نجدية

ابثني خطوتي للزين.. وبطوي في لقاه أميال
وينبض قلبي بسرعة ليا قالت حجازية

خفيفٍ دمها سكر ...عليها من الوصوف اشكال
تحير من يوصفها ...لأنها غير عادية

واقوم ألعب على طروق الشعر ..واجر لي موال
على ألحان الجنوب.. أن قالت بنية جنوبية

رقيقة كنها النسمه ..جمال وحسن عال العال
وهي اصل الشقا والطب... لقلوب الشقاوية

وأجوب الساحل الشرقي.. واغني للبحر يامال
وأردد ياهوى بالي ..اذا قالت لي شرقية

دلعها غير عن كل البنات.. وتشهد الأمثال
وتكتبتها القصائد ..ثم تغنيها الغناوية

وانا لمن سئلتوني..؟ ترى عشقي ثرى ورمال
واموت واحياء على عشقي ..وانا احب سعوديه

(( نديم الصمت ))