*الفرق بين بروتين بودر صدر الدجاج ؟!*
‏ㅤ
*موضوع بسيط راح نتكلم عنه لان الاغلب يهتم* *بالمكملات اكثر من الاكل الطبيعي ودايم تجيني كم وحده تسألني اي بروتين تاخذين؟*


*واي نوع ينحف ومدري ايش وكيف ومتى نستخدمه وهي لسا توها بالبدايه ومانظمت نفسها من رياضه وتغذيه


البروتين بودر هو مكمل غذائي يحتوي على جميع الاحماض الامينيه التسعه اللازمه لاحتياجات الانسان الغذائيه وهو من اسمه يكمل النقص اللي عندكم من قيمة البروتين لو ماقدرتوا تكملونها من مصادر طبيعيه (دجاج- سمك- بيض ...) ✨


البعض يفكر انه البروتين بودر سحر وراح يبني عضل اكثر واسرع من المصادر الطبيعيه
البروتين بودر هو نفس حليب نيدو او حليب الاطفال ولكن منزوع منه الدهون والكاربوهيدرات (يعني بروتين صافي)
وايضا الفايده من البروتين بودر انه مريح لك من ناحية الشرب بعد التمرين وماكان عندك وجبه او الوجبه بتتأخر وحسيت بجوع فيكون اسرع شي عندك


هضم البروتين بودر بالمعده اسرع من الدجاج .
في القيم الغذائيه بينهم
لكل ١٠٠ج صدر دجاج غير مطبوخ فيها:
١١٠ سعره حراريه
٢١ج بروتين
٢.٥ج دهون
٠ج كارب


لكل سكوب بروتين بودر تقريبا ٣١ج فيها:
١٢٠سعره حراريه
٢٤ج بروتين (ينقص ويزيد على حسب النوع )
١ج دهون
٣ج كارب .


اذا انت مبتدئ لاتفكر بالمكملات ايا كانت ابدأ اول بتنظيم تغذيتك من ناحية الكميه والنوعيه واحرص انها تكون متكامله بجميع العناصر الغذائيه وتنظيم وقتك من رياضه وبعد كذا راح تعرف هل عندك نقص معين او لا
(لاتخسر فلوسك ع الفاضي ) ☝️️


*في الاخير خلي اعتمادك اكثر شي على الاكل الطبيعي الجسم يستفيد منه اكثر .. والبروتين بودر مجرد تكمله لاحتياجك اليومي