..




➰*ثبات الوزن*➰


*ادري شعور صعب اننا نتعب و نلتزم بالتغذيه الصحيه و الرياضه و مع كذا نلقى الوزن كرقم على الميزان ثابت ماتغير*




راح اقول لكم اغلب الاسباب في ثبات الوزن مع حلول لها لانه مافي سبب بدون مسبب صح


خلكم معي ⬇️


خلل بالهرمونات او نقص فيتامين او فقر دم او غيره..
*الحل* : لازم تسوي فحص شامل و اذا طلع فيه مشكله لازم تعالجها..


الوزن ثابت بس مقاساتك تغيرت..
لانه العضل زاد والدهون قلت ماتعتبر مشكله بالعكس هذا هو المطلوب تغير المقاسات للافضل


مقدار اكلك مساوي لمقدار حركتك فبالتالي وزنك فمرحلة ثبات..
*الحل*: اما تزيد حركتك او انك تقلل السعرات شوي..


نظامك حرمان فحرمان والجسم صار يعاند والايض بطيئ و ترى مو شطاره انك تجي تقول والله مااكل الا وجبه باليوم او والله سعراتي ماتتجاوز الالف
لازم تبدا تزود اكلك بالتدريج بالاضافه انك تبدا تنشط الايض عندك ..


قست وزنك بوقت مو مناسب ، مثلا كنت مثقله بالعشاء..
*الحل* : انك تقيسين وزنك على بطن فاضيه اول ما تقعدين من النوم و لك على الاقل ٦ ساعات مو ماكله او شاربه شيء..


موعد الدورة الشهريه قرب و الجسم يبدء يخزن سوائل فطبيعي يكون فيه ثبات او زياده فالوزن..
*الحل* : تنتظرين الدوره تروح و بعدها قيسي وزنك..


اكلك عالي بالصوديوم و مو قاعده تشربين كفايتك من الماء..
*الحل*: سهل اشربي اقل شي لترين ونص ماء ياقلبي و حاولي تقللين من المأكولات اللي فيها صوديوم مرتفع و ضيفي الخضار لوجباتك ..




*و عموما الصبر حلو و اذا انت مستمره ومنتظمه رغم كل شي و مافيه اي مشكله صحيه راح تشوفين التغيير عاجلاً او اجلاً ..*

تحياتي
هدوء