ابن فرفور وذنبو مغفور
ابنك لا تعّلمو الدهر بيعلموا
أبو العباية مابنريده وابو الجوخة مابيجينا
أبوه بصل وأمه توم ومن وين بدها تجي ريحة طيبة؟
أبوها راضي وأنا راضي وأنت مالك يا قاضي
أتسلف وازرع ولا تتسلف وتبلع
اتفق القط والفار على خراب الدار
إجا للعميان صبي قلعولو عيونو من كتر اللحمسة
اجا ليكحلها عماها
إجت الحزينة لتفرح ما لقتلها مطرح
إجرة السّلم حملانو
اجمع سقيك وفرق بعلك.
احترنا يا قرعة من وين بدنا نبوسك
احصد زرعك فطير قبل ما يطير
أحلى مني الله خلقه...أشطر مني دم فلقه
احمل هم شي تشتري ولا تحمل هم شي تبيع
آخ على اكل مخاخ
آخر الطحن قرقعة
أدن من طين وأدن من عجين
إذا إجا آب الصيف عاب
إذا احتجت الكلب قوللو يا حاج كلب
إذا احتجت للكلب قللو حج كلب
إذا الصغير انتشا الكبير باس ايدو
إذا الصغير انتشى الكبير باس إيدو
إذا الشق بالعرض هد للأرض, إذا بالطول عمر علالي وقصور
إذا بدك تجيب غراب البين اتجوز ثنتين.
إذا بدك تحيّرو أسألو (اسأله)
إذا بدك تحيرو خيرو
إذا بدك تسرق سروق حرير وإذا بدك تحب حب أمير
إذا بدك تصاهره لا تقاهره
إذا بدك يكبر همك خود واحدة قد أمك
إذا بعبع الجاعود عطي الجمل حملو
إذا بيصير من الحرملم ساس بيصير من هالجماعة شماس
إذا جارك بخير انت بخير
إذا حضر الماء بطل التيمم
إذا حلق جارك (مات) بلّ دقنك
إذا خضيت المي مابتطلع زبدة
إذا راح الجمل لا تتحسَّر عالرسن
إذا ركضت ركض الوحوش غير نصيبك ما بتحوش
إذا شفت الاعمى طبو مالك اكرم من ربو
إذا شمينا ريحة إيدينا بترجع روحنا إلينا
إذا ضاقت عليك المخازن مخزنك عبك
إذا طعميت شبع وإذا ضربت وجع
إذا عاش أكلتْ من خيروا ... وإذا مات اخدتْ غيروا
إذا غاب القط لعب الفار
إذا غاب عنك العنب والتين عليك بمية كوانين
إذا غلي اللحم الصبر رخيص
إذا فاتك عام استبشر بغيرو
إذا في خير، ما كان تركه الطير.
إذا قعدت بين العور عوير عينك
إذا قعدت بين العور عوير عينك
إذا كان بدك تستريح شو ما شفت قول منيح
إذا كان جارك بخير بيجيك من خيرو خير
إذا كان حبيبك عسل لا تلحسه كّله
إذا كان موسك بدو يحلق شعرتنا خليها تصل لركبتنا
إذا كانت رزقتك على خيط رفعو
إذا كبروا ولادك خاويهن
إذا ما بتستحي عميل ما حلالك
إذا ما بتكون ديب بتاكلك الدياب
إذا ما حبا بعفاشا مارح يحبا بقماشا
إذا ما خربت ما بتعمر
إذا ما عندك كبير حط حجر كبير ببيتك
إذا ما كبرت ما بتصغر
إذا مات أبوه على المراتب حطوه ... وإذا ماتت أمه على المزابل ودوه
إذن من طين وإذن من عجين
أرخص من الفجل
اسأل مجرب ولا تسأل حكيم
استكبرها ولو كانت مرة
اسعى بجنازة ولاتسعى بجازة
اشتري وبيع ولا تخلي اسمك يضيع
اشتغل بالخرا ولا تحتاج الخرا
اشتغل بالمقصقص ليجي الطيار
أصابيع الإيدين مو كلها متل بعضها
إصبعتي مني ولو انقطعت وعيني مني ولو انقلعت
اصرف ما في الجيب يأتيك ما في الغيب
أعزب دهر ولا أرمل شهر
أفكح وبيلعب بالكورة
اقتل أمير واسرق حرير حتى يحرز التعبير
أقرع ودقنو طويلة قللو شي بيغطي شي
اقعد برا ولاتقعد جنب الجرة
أكبر منك بيوم أعرف منك بسنة
أكتر من القرد ما مسخ ربنا
أكل البيضة والتقشيرة
أكل الطعم وخري عالسنارة
أكل الهدية وكسر الزبدية
آكل شارب عالحمار راكب
آكل شارب من الهم هارب
أكْل ومرعى وقّلة صنعة
أكلت يوم أكل الثور الأبيض
الأب عاشق والأم غيرانة والبنت بالبيت حيرانة
الآخرة يا فاخرة
الأذى من طبع العقرب
القرد بعين أمه غزال
الأرض الواطية بتشرب ميتها ومية غيرها
الأسى ما بينتسى
الأعمى شو بدو غير زوج عيون
الأعور بين العميان ملك
الإلفة بترفع الكلفة
الإيد الفاضية منتنة
الإيد اللي ما بتحط ما بتشيل
الإيد هللي ما بتقدر عليها بوسها وادعي عليها بالكسر
الباب اللي بيجيك منو الريح سدو واستريح
البحر ما بتعكرو ساقية
البخشيش بالدرهم والعطا بالقنطار
البدوي أخد تاره بعد أربعين عام وقال: "لاه استعجلنا
البرد والقّلة سبب كل عّلة
البرطيل بيحلّ د كة القاضي
البرغل مسامير الركب
البرغوت قال للبقة يضرب الشرشوح إذا ترقى
البغض بالأهل والحسد بالجيران
البقة تولد مية وتقول ياقلة ها الذرية
البلد اللي مابتعرف حدا فيا شمر وخرا عليها
البنت المليحة خير من الصبي الفضيحة
البنت ولو مريم والدين ولو درهم والسؤال ذل ولو على الطريق
البيت اللي بتاكل منو لا تدعي عليه بالخراب
البيت بيت أبونا والناس بيسبونا
البيض مابينقلى بالضريط بدو سمن وزيت
التجار تلاتة : تاجر وتويجر وخرى التجار
التدبير نص المعيشة
التلم الأعوج من الثور الكبير
التوم قتال السموم
الجار جار ولو جار
الجار قبل الدار
الجحشة بعليقها والأصيلة بعليقها
الجمل إذا بار بيحمل قنطار
الجمل بقرش وقرش ما فيش
الجمل لولا الفزة لحمل المزة
الجنازة حامية والميت كلب
الجّنة بلا ناس ما بتنداس
الجواب بمحلو متل الدهب بمغلو
الجوز رحمة لو ما بجيب فحمة
الحارة ضيقة والحمار رفاس
الحب أعمى
الحب مطب والعاشق أعمى
الحبس للرجال والبكي للنسوان
الحبل دلال والطلق غية والترباية يا بلوة البلية
الحجر اللي ما بيعجبك بيفجك
الحجر مطرحو قنطار وإن اتزحزح بيصير وقية
الحسن أخو الحسين
الحظ لما بيواتي بيساوي الاعمى ساعاتي
الحكاية مش حكاية رمانة هاي قلوب مليانه
الحكي الك يا كنة اسمعي يا جارة
الحكي صابون القلب (أو: العتب صابون القلب)
الحلوة ما بيحوشها إلا هللي معو قروشها
الحلوه حلوه ولو فاقت من النوم ...والبشعه بشعه ولو حطت ميت لون
الحمار حمار ولو بين الخيول ربي
الحمار ما بيوقع بالجورة مرتين
الحماية حمة (حمى ) وبنت الاحما عئرب (عقرب ) مسمة
الحية إذا جاعت بتعض بطنها
الحية ما بيقتلها سمها
الخبز والماء أكل العلماء
الخبزة المبلولة دوا المعلولة
الخنفسة شافت بنتها على الحيط قالتلها تقبريني متل اللولية بالخيط
الخوف بيقطع الجوف
الخير بخير والشر بغير
الدابة السريعة والمرا المطيعة والدار الوسيعة
الداخل مفقود والطالع مولود
الدارس غلب الفارس
الدبان بيعرف دقن اللبان
الدبانة بتعرف دقن الحلواني
الدجاجة هللي بتقاقي ما بتبيض
الدفا عفا ولو كان بعز الصيف
الدلو بيشرب والحبل بينتفخ
الدم ما بيصير مي
الدهر قلاب
الدهر يوم الك ويوم عليك
الديك الفصيح من البيضة بيصيح
الدّين يبني...... والتعصب يفني
الرايح بايدو والجاية بايد الناس
الرجال عند غراضها نسوان
الرجال غايبة والنسوان سايبة
الرجل ما بتدب غير مطرح ما بتحب
الرحمة مخصصة والبلا بيعم
الرطل بدو رطل ووقية
الرمد أشوى من العمى
الزايد أخو الناقص
الست بدها جارية والجارية بدها ست
السعد لما بيجي بيكسر الباب
السكافي حافي والحايك عريان
السكران لا تدفشو بيوقع لحالو
السلاح بإيد الخرى بيجرح
السلام بيجر كلام والكلام بيجر بطيخ
السلق أخضر والناس أخبر
الشباك اللي بيجيك منو الريح سدو واستريح
الشمس طالعة والناس قاشعة
الشهر اللي ما منو فايدة، عد أيامو لشو؟
الصاحب ساحب
الصباح رباح
الصبر مفتاح الفرج
الصبي ما أحلى بشارته ولو مات بساعته
الصدفة أحسن من ميعاد
الصدق ملح الرجال وعيب عللي بيصدق
الصراحة ما فيها مستحى
الضحك من غير سبب من قلة الأدب
الضرة مرة
الضرف العايب نافخو تعبان
الضرورة الها أحكام
الضيف المنظوم بيشرب القهوه وبيقوم
الطبع الردي غالب
الطبل بحرستا والزمر بمنين
الطرق ولو دارت والبنت ولو بارت
الطيب بيجر الميت والميت بيعيط
الطير الفشكول بيجيب الشكول لعند الشكول
العاب بالمقصوص حتى يجيك الطيار
العادة في البدن ما بيغيرها غير الكفن
العالم عطيه جملو
العجل النقّاق بيرضع كتير
العجلة من الشيطان والتأني من الرحمن
العرب إلها ردة
العروس بعلقها وقلة أكلها
العروس للعريس ...والجري للمتاعيس
العز للرز والبرغل شنق حالو
العسراوي بعمرو ما قتل واوي
العصفور بيتفلَّى والصياد بيتقّلى
العّلة هللي ما بتعرفلها دوا بالنار داويها
العمر بيخلص والشغل ما بيخلص
العنزه الجربانه ما بتشرب إلا من رأس النبعه
العيرة ما بتدفي وان دفت ما بتوفي
العيرة ما بتدفي وان دفت ما بتوفي
العين بالعين والسن بالسن
العين بصيرة والإيد قصيرة
العين ما بتعلا عالحاجب
العين مغرفة الكلام
العيون السود بالقفه ...والعيون الملون بالصدفة
الغايب حجتو معو
الغايب مالو نايب ( نائب )
الغريق بيتعّلق بقشّة
ألف جدي بالمسلخ والكبش بالمرعى
ألف رنه جرس ولا نوبة حرس
ألف عدو برا الدار ولا عدو جوا الدار
ألف عين تبكي ولا عيني والف أم تبكي ولا أمي
ألف قلبة ولا غلبة
ألف قولة جبان ولا قولة الله يرحمه
ألف نومة بَكدر ولا رقدة تحت الحجر
الفاجر بياكل مال التاجر
الفرس لخيالها والمرا لرجالها
الفرس لفارسها والأرض لحارسها
الفص عالمنجعي هين
الفلاح إذا تدمشق متل الكلب إذا تعمشق
الفلوس بتجيب العروس
القالب غالب
القرايب عقارب
القرد بعين أمو غزال
القرعة بتتحالا بشعر بنت خالا
القصه مو قصه رمانه.....قصة قلوب مليانه
القصير فطنة وفتنة ومطعم من الشيطان
القط ما بيحب غير خّناقه
القط ما بيهرب من العرس
القّلة بتحمل الآغا سّلة
القمح اللي مو الك لا تحضر كيلو بتغبر دقنك وبتتعب بشيلو
الكترة غلبت الشجاعة
الكحل أشوى من العمى
الكذب ملح الرجال
الكلام إلك يا كنة بس اسمعي يا جارة
الكلام اللي ما بينفد ياحسرة قايلو
الكلام بينداق متل الطعام
الكلب يلي بدك تجرو عالصيد بلاه وبلا صيدو
الكلب هللي بيعوي معك أحسن من الكلب هللي بيعوي عليك
الكلمة الحلوة طالعة والكلمة البشعه طالعة
الكنيسة القريبة ما بتشفي
اللسان الحلو بيطلع الحيه من وكرها
الله بيطعم الحلاوة للي مالو سنان
الله بيعطي الكعك لهلي ما ألو سنان
الله ما نشاف لكن بالعقل نعرف
الله يبارك بالبيت هللي بيطلع منو بيت
الله يسعدوا ويبعدوا
الله يطعمك حجة والناس راجعة
الله يعطيك العافية طول ما الجاجة حافية
إللى بدك تقليه اشويه واللي بدك ترهنو بيعو
إللى بيرّ خص بضاعتو بتكسد
اللى يشوف الخلاخل مايدرى أن البلا من الداخل
اللي استحوا ماتوا.
إللي أمها خواضه بتخوض
اللي إيده مو تحت الحجر ما بتوجعو
إللي بتجيب البنت بتجيب الصبي
اللي بقلل عقلو بتتعب رجليه
اللي بياكول على ضرسو ما بينفع إ ّ لا نفسو
اللي بيبصق بإيدي بردها في وشو (وجهه)
إللي بيبلغ السبعين بيشتكي من غير علة
اللي بيبيعك بالفول بيعو بالقشور
اللي بيتد ّ خل بشي ما بيعنيه بيلقى شي ما بيرضيه
إللي بيحضر ولادة عنزتو بتجيب توم (توأم)
اللي بيزرع الشر بيحصدو
اللي بيستحي من مرتو ما بيجيه صبيان
إللي بيصرلو خباز ليش ليحرق إيديه
اللي بيعرف أولتو بتهون عليه آخرتو
اللي بيعرف بيعرف واللي ما بيعرف بيقول كف عدس
اللي بيفرق ولد عن ولد ألو بجهنَّم بلد
اللي بيلاعب القط بدو يحتمل خراميشو
اللي بينشرى ما بيشتهى
اللي تعشق من وراء اهلها تضيع شرفها ومهرها
اللي حارقوا الحليب بينفخ اللبن
اللي عجبتو الكحلة يدنبها واللي ما عجبتو يقطشها
اللي عقلو براسو بيعرف خلاصو
اللي فيه مسلة بتنغزو
اللي ما بتزينو عروقو ما بتزينو خروقو
اللي ما بتسعو الدور بتسعو الصدور
إللي ما بينزل لقبرو لا يأمن لدهرو
اللي ما بينفع ولا بيضر لا بيحزن ولا بيسر
اللي ما تقدر تداريه سايسه وجاريه
اللي ما عندو كبير بيشتري كبير
إللي مالو عيلة يربيلو كحيلة (فرس)
اللي معو فلوس بياكل بجهنم حلاوة
اللي مكتوب عالجبين لازم تشوفو العين
اللي يتعلمه الطفل من ام يحفظه ويصمه
المال الداشر بيعّلم الناس الحرام
المجانين ولاد عالم ونا س
المصالح الو تلتين القتلة
المصري جوابو بتمو والحلبي بكمو والشامي عند أ مو
المفرط أولى بالخسارة
المكتوب ما مّنو مهروب
المكتوب مبين من عنوانو
المنحوس مد إيدو على سلة عنب طلع له بصلة
المنحوس منحوس ولو علقوا على ضهرو فانوس
الموت مع الناس رحمة
المونة بدها ركونة مابدها مرة مجنونة
المي فراق
المي ماشية تحت رجليه
النار ما بتحرق إلاَّ إيد كاويها
الناس بالناس والهرة بالنفاس
الناس على دين ملوكهم
الناس مخباية بتيابها
النقطة الدايمة علامة
الهرب تلتين المرجلة
الواعة الكبيرة بتسع الواعة الصغيرة
الوجه الذي تعرفه أحسن من الوجه الذي لا تعرفه
الولد ابن أمه ...ويا حيف علي بيلمه
الولد إذا طلع لعمو يا سعادة امو
الولد اللي ما بيبكي امو ما بترضعو
الولد بيقضي ...بس غرضه ما بيرضي
الولد تلتينه للخال
الولد لو بار تلتينو للخال
الولد ولد ولو صار قاضي بلد
الي بيغير عادتوا بتقل سعادتوا
ام البنت مسنودة بخيط ... وام الولد مسنودة بحيط
أم القاتل بتنسى أم المقتول ما بتنسى
أم علي بتزرع وابو علي بيقلع
أما سراجين وشمعة وأما عالعتم جمعة (أسبوع)
امشي مع السعيد بتسعد
آمن بالحجر تبرأ
إن أسلمت فارة لا زادت الإسلام ولا نّقصت النصارى
إن أقبلت آذار وراها وإن أمحلت آذار وراها
إن أقبلت باض الحمام على الوتد وإن أمحلت شخ الحمار على الأسد
أن أوجعك راسك أكرمه وان أوجعك بطنك احرمه
إن بزقنا لتحت على لحيتنا وإن بزقنا لفوق على شواربنا
إن خفت لا تقول وإن قلت لا تخاف
إن داقت عليك المخازن مخزنك عبك
إن شفت الأعمى طبو مالك أكرم من ربه
إن عاب عليك أصلو دلايلو فعلو
إن عشقت اعشق قمر وإن سرقت أسرق جمل
إن كان حبيبك عسل لا تلحسو كله
إن كرهت جارك غير باب دارك
انا ماأخذوني على حمار خدودي، انا اخذوني على صيت جدودي
أنا وأخي على ابن عمتي وأنا وإبن عمتي عالغريب
اناواخي على ابن عمي وانا وابن عمي على الغريب
إنت أمير وأنا أمير ومين بدو يسوق الحمير؟
أنشف من القريص
انفخت الدف وتفرقوا العشاق
إنقعها وأشرب ميتها
انكسرت الشربة براسو
أهلك هللي اشتروك ولا أهلك هللي باعوك
أهلك ولو تهلك ولو رموك على المهلك
أوصوه وصيبوه وقول نصيبوه.
أول الرقص حنجلة
أول المزاح فرح وآخرتو ترح
أول مرة سم وتاني مرة دم وتالت مرة كول ولا تنهم (عن الثلج)
أول يوم قمر مد ور تاني يوم صحن مجور تالت يوم قرد مصور
أولها شباطية وآخرها حصادية. (خاص بالكمأة)
أيام العرس ...ملس
إيد الحر ميزان
ايد واحدة ما بتصفق
إيدك عّني وما عليك مني
ايدين دكك ورجلين سكك
ايش عرف الحمير بأكل الزنجبيل
ايلول دنبو مبلول
ايمتى كنَّا والشمس ترقعنا
باب النجار مخلَّع
بآذار بتنتقل الشمس لبرج الحوت وبتقول للبرد موت
بآذار بيتساوى الليل مع النهار
بآذار طّلع بقراتك عالدار
بالحركة بركة
بالصابون ما تاجرت، وبالبحر ما سافرت، ويهودي ما شاركت، وكيف انكسرت؟..
بالع الموس عالحدين
بالوش مراية وبالقفا صرماية
بتقّلو تور بيقلَّك حلبو
بتموز بتغلي المية بالكوز
بجمعة النص فصل وقص
بحر ما بتعكرو ساقية
ضربني وبك سبقني واشتكى
بخش ما بيعرف مصفاية
بدعي على ولدي وببغض اللي بيقول آمين
بدل الشيشة والدخان استر جسمك يا عريان
بدو سلتو بلا عنب
بدو قط من خشب يصطاد ما ياكل
بدو يعرف القار والقرقير والبيضة كيف بتطير
بدون دف عمنرقص
برد الصيف متل حد السيف
برد هواها قرب شتاها
برغوت قال لبقَّة يضرب الشرشوح إذا ترقَّى
بزق بزقة ورجع لحسها
بزقة تحت لزقة تحت بلاطة ما بتختفي
بزمان اللولو ما هللولو
بشهر آب قطوف العنقود ولا تهاب
بصلتو محروقة
بطعمي اللوز للي مالو سنان
بطن ملان كيف تمام
بطيخ بيكسر بطيخ
بطيختين بإيد واحدة ما بينحملوا
بعات عدوك لتوتاتك ومحبك لكرماتك
بعاق الجدي ولا سواد العنقود
بعد أربعينه عد سنينه
بعد البربارة (عيد البربارة) بيطول النهار نّطة فارة
بعد السكرة بتجي الفكرة
بعد العيد ما بيصير قراص
بعد حماري ما ينبت ولا حشيشة
بعد هالكبرة جبة حمرا
بعدما كان سيدها طبل بعرسها
بعرة ومقسومة بشعرة
بعيد عن العين بعيد عن القلب
بقدمله العليق بيقدملي التلبيط
بكرة بيدوب التلج وبيبان المرج
بكِّي ابنك ولا تبكي عليه
بكينا لعمينا ومشينا لحفينا
بلاطة فوق بلاطة وصاحبة البيت ضراطة
بلاهم بلا وبلاهم بلا
بلدًا تصلها كل بصلها
بلها وشراب ميتها.
بليلة عيد مار إلياس حط القرطل ع الج ّ لاس
بنت المعماري حلمها تعمر أوضه... وبنت الصايغ حلمها تشتري اسواره على الموضه
بنقعده بالصدر ...بنلاقي بالعتبه
بوجهين ولسانين
بوس الأيادي ضحك عاللحي
بوس الكلب على تمو لتنال أربك منُّو
بيت السبع ما بيخلا من العظام
بيت الضيق بيسع ألف صديق
بيت عالي وسقفه مخروم
بيت كبير وحيطانو حمر وجواتو شي بيقصف العمر
بيتحركش بالحمى لتجيه برديه
بيخطف الكباية من رأس الماعون
بيخُلط شعبان برمضان
بيدق المي وهيه مي
بيدور مثل الجاجة الخوثة
بيرمي كل عشره بير ..وبيقول يا رب التدبير
بيروح عاشق وبيرجع مشتاق
بيسف التراب وما بيوقف عالباب
بيضة اليوم ولا دجاجة بكرة
بيضة بين أربعة لا ضرورة ولا منفعة
بيضلّ حيك ميك متل مكوك الحايك
بيعمشق عالمكلَّس
بيعمل من الحبة قبة ومن الزبيبة خمارة
بيفصل للبرغوت قميص يقال في الإنسان الدقيق غي أعماله
بيقتل القتيل وبيمشي بجنازتو
بيقللو للقمر غيب حتى اقعد محّلك
بيلهي الحمار عن عليقو
بيمشي بالجنازه ...وبيفكر بالجوازه
بين الحزة واللزة طهرنا أبو حمزة
بين الَنور ما في تكليف
بين حانا ومانا ضيعنا لحانا (جمع لحية)
بين هذين العيدين الميلاد والغطاس وكثيرًا ما تتساقط الثلوج)
تاجرنا بالكفان بطَّل حدا يموت
تجوزنا لننستر قال سقالله أيام الفضيحة
تسلملي ها القامة متل عود البامة
تعا علي وخلصني ولا تجي معي وتعلقني
تعب الرجلين ولا تعب العقل
تغدى فيه قبل ما يتعشَّى فيك
تغدى وتمدى وتعشَّى وتمشَّى
تغربنا تا نشبع مرقه.
تلاته ما بيختفوا الحب والحبل والركب على الجمل
تيتي تيتي متل ما رحتي متل ما جيتي
ثمرة التفريط الندامة وثمرة الحزم السلامه
جارك القريب ولا أخوك البعيد
جاية من البرية وبدو ياخد الأولية
جبنا الأقرع ليوّنسنا كشف عن قرعته وفزعنا
جبنا سيرتو قامت فاحت ريحتو
جحا جابه وجحا أكله
جحي واهل بيتو عرس
جدي ما بيلعب بعقل تيس
جنازة ولا جازة
جور القط ولا عدل الفار
جوزت بنتي لأرتاح من بلاها رجعت لعندي وأربعة وراها
جوزوا طنة لرّنة وشرطوا عليها شروط، لابقة هالمسفَّقة لهالقلعوط
جوزي بيحبني قوية أهلي بيحبوني غنية وجيراني بيحبوني إيدي سخية
جوع قطك يصيد فارك وشبع كلبك يحرسك
حارتنا ضيقة ومنعرف بعضنا
حامل السلُّم بالعرض
حاميها حراميها
حب مالك محب مالك، ابغض مالك مبغض مالك
حب يقهر مراته قام حلق شنباته
حبل الكذب قصير
حبل المداوم بيقطع خرزة الجب
حبيبك حبو ولو كان عبد أسود
حرامي مالك ايدك بجيبتي ليش
حرد الدب عن الكرم صار العنب قنطار
حرق حارة ليش عل سيجارة
حزين اللي عشاه ببيت أخوه مضى ليلو وما تعشى
حساب القرايا ما طبق على حساب السرايا
حسبنا الباشا باشا تاري الباشا زلمة
حضرط لا بيحلّ ولا بيربط
حضرنا الحطب والعريس لسا ما خطب
حط الدراهم عالمراهم تبرى الجروح
حط العاقل عالمجنون وشوف مين أبنه عليه بيهون
حط العدس وانبور تحتو مألعن من الخال إلا بنت اختوا
حط إيدك عل عبك خّلي ألله يحبك
حط ايدك على عينك متل ما بتوجعك بتجع غيرك