سعيد الحظ من لك قاده الحظ السعيد،،
الا يا حظ يشفي فيني القلب الشقي،،
الا ليتك تحييني ولو هو من بعيد،،
يموت الشك في قلبن بناره يحرقي،،
تمنيت و الاهي يفعل اللي هو يريد،،
بجوده يزجي السحب الثقال و تبرقي،،
انا فالحب معرف لا كثير و لا يزيد،،
واخاف اني اخوض الهير جاهل واغرقي،،
حياتي عشتها بين القساوه و الشديد،،
فؤادي ما سكن فيه اللهو من مخلقي،،
تهامي ما أبي الا رضا الرب المجيد،،
تهل العين لا للذنب قلبي عانقي،،
فلا للعشق فكري يحبك الامر و يكيد،،
ولا بالعشق فكري غذي والا هو سقي،،
تبين الصدق مني والكلام اللي سديد،،
لساني ما يجملني اذا حن نلتقي،،
اجمع لك شتاتي والكلام اللي فريد،،
واجي كلي ثقه وانسى كلامي و اطرقي،،
وارتب لك كلامي غير قدمك ما يجيد،،
يبور الهرج قدمك باللسان ويشرقي،،
كأن لساني معقود ابسلاسيل و حديد،،
فتحكي العين مللي عنه يزرا منطقي،،
ولاني ميت شعوري ولا قلبي بليد،،
لساني بالخفايا ما اهده واطلقي،،
لأن الناس ما هي كلها عقلن رشيد،،
بديع الخلق يخلق ما يشاء و يفرقي،،
فاخبي الود في قلبي ولو ناره تقيد،،
واصون الود عن سو الحكاوي والهقي،،
وداد القلب عيني تنطقه بس ما يفيد،،
صريح الود لازم به لساني ينطقي،،
صحيح اجهل اعبر عن هيامن بك يزيد،،
ولكن صدقي ما قالت العين وثقي،،
وانا ادري دروب العشق كم فيها شهيد،،
صدوق الود فيها لا مشاها يشتقي،،
فاذا قلت اني احبك محال اني احيد،،
سلامي ما يخالف هرجته لو يشنقي،،
فهاكي الصدق بالحرف المبين والاكيد،،
ونار الشوق للقلب المعنا ترهقي،،
احبك ما جرى دمي بشريان و وريد،،
واحبك عد ما ضوت ايانا و تشرقي،،