عشقتك والقلب مفتون في حبك

وريحان اشتياقي ينبته صبري

عشقتك والقلب طربان في نبضك

ونور الليل في جوفي صحى بدري

على القمره تسامرنا وانا جنبك

وعشقي لك رَعش قلبي وانا مدري

عشقتك يا بنت ياللي القمر وجهك

حبيبي ضمني واغفى على صدري

أبي نسكن على كوكب وانا يمك

ونبني في حلم فينا و لنا حصري

وننسى هالبشر والعب انا اب شعرك

وياخذنا الهوى ياللي غلب أمري

أبي تشكي همومك وافتح اف قلبك

واشيل الحزن من قلبك على بحري

أبي يا طفلتي البسمه على ثغرك

ترى بك بلسمي وانتي شفا دهري

عيونك موطني فيها رمى سهمك

ورمشك يا عسل حاكم على أسري

أدلعها وانا ادري بالدلع طبعك

وكل ليله لنا عيدن وهي فجري

عشقتك واسئل اشواقي ودفا همسك

لهيب الشوق في عشقي شعل جمري

وشرياني حيا باسمك وفي لمسك

طيور الحب طارت بي على شطري

حبيبي شوقي في شعري عجز وصفك

حبيبي هات في قلبك دفا زهري

منقوله


Sent from my SM-A307FN using 3bir mobile app