يحزني أني راح أحبك بس مرة بالعمر
والإ أنت تستاهل أحبك كل لحظه من جديد
ليه الهدايا… دامك أجمل ماهداني هالعمر
لو ماهداني هالعمر غيرك انا جدا سعيد
وليه الأسف لاصارت عيونك عن الزله عذر
قدم لي عيونك من يقول ابقى عنيد؟
من هو ملك مثلك .ملك لو هو بلا عرش وقصر
ياكثرهم بقربك ودونك رغم كثرتهم وحيد
جيت بحياتي كنك الضحكه عقب طول القهر
ومن غبت عني كني المنسي عقب مجدٍ تليد
للمسلمين أعيادهم عيد الضحيه والفطر
الا أنا ياكثرها أعيادي معك كل يوم عيد
من لهفتي لمعانقك مرجع وأنا بنفس العطر
أعانقك وانا بعطر وارجع وانا بعطر جديد
ياصوتك الي لو جفى قيد جناحين السهر
ليل بدأبصوتك ترا فجره ماهو الفجر البعيد
عطيتك ايامي ولاكنت ارتجي منك شكر
اعطيت حبك بالعطا ماعطيت راجي شستفيد؟
كل مااقرب… شفت فيك اجمل تواصيف البشر
من قال الأشياء تصبح أجمل في نظرنا من بعيد
يحزني اني راح احبكم بس مره بالعمر
والا انت تستاهل احبك كل لحظه من جديد
^^