مشغل عبير للأزياء والأستشارات التجميلية والحوارات النسائية

**][ ريوووف ][** · 04-10-2007, 12:35 AM

هلا حبيبتي نبع

بالنسبه لعرض جسمك حاولي تلبسي الوان غوامق

عشان تخفي الجوانب

وبالنسبه لطول البسي بلايز تكون شوي طويله بحيث

تغطي الجوانب بس وانا اشوف انك تلبسي تنانير احسن من البناطيل

والتنانير ماتكون ضيقه تبين جسمك خليها شوي واسعه

شويه بس حق انك ترتاحي بالمشي فيها

وتلبسي صنادل واطيه عشان ماتدي طول زياده

وان شاء الله اكون افدتك بشي واستايلي عجبك

:

:

:

المميزه

**بنت العريش** · 24-11-2007, 10:45 PM

ارجوكى يا اختى ساعدينى فى هذة المشكلة انا صدرى صغير وعايزة اى وصفة استخدمها وكنت اسمع ان فى تمارين فارجوكى اريدها مع الصور وجزاكى الله كل خير

**][ ريوووف ][** · 26-11-2007, 04:08 AM

هلا حبيبتي بنت العريش

اسفه على التأخير هذي التمارين اللي طلبتيها

ان شاء الله تجيب نتيجه

نبدأ

الثلاث تمارين الأولى لتقريب الثديين لبعض

التمرين الأول..

ضمي يدينك بحيث تكون اكتافك مساويه لأذنك
وارفعي صدرك وضميه الواحد للثاني.....
عدي من 1 لحد 50 او العدد اللي تقدرين عليه مو مشكله لو زدتي.....
ووريحي

التمرين الثاني

استخدمي يدك لرفع ودفع الثدي لمنتصف الصدر
خلال هالعمليه خذي نفس عميق وشدي بطنك
وعدي لحد الخمسين(1 الى 50)
وارتاحي

وكرري نفس العمليه للجهه الثانيه

التمرين الثالث

استخدمي يدينك الثنتين للضغط وضم الثديين لبعض وحاولي تشبكين بين اصابعك خلال ضمهم
وشدي بطنك بمعني خذي نفس عمييييييق وعدي لحد الخمسييين او اكثر اذا تقدرين وتحبين

بعد ماتخلصين التمررين مرري ثلجه على صدرك علشان تثبتين النتيجه اللي وصلتي لها

واللحين تمارين تكبير وتحسين شكل الصدر

التمرين الرابع

اطلعي درجه وحده وانزلي مع شد منطقه البطن وعدي لحد الخمسين

ان شاء الله اكون افدتك بهذي التمارين

وهذي خلطه لتكبير الصدر

احضري2 ملعقه حلبه مطحونه +كاس ماء ساخن
وغليها لمده 15دقيقه
ثم احضري ملعقه كبيره خميره
وضعيهامع الحلبه
ثم ضعيها على صدرك ودلكيه لمده 20 دقيقه
واتركيه لمده ساعتين

ملحوظه:يفضل دهن الصدر بزيت الزيتون قبل ذلك

:

:

المميزه

**بنت العريش** · 30-11-2007, 01:30 AM

الف شكر ليكى يا اختى وانا كتبت الوصفة ويوميا بعمل التمارين وبارك الله فيكى

**همسات 2008** · 24-12-2007, 02:50 AM

الفكره واجد واجد حلوه وعندي سؤال بخصوص كريم دريم كول لما احطه واخذ ساعتين احس انه يبقع ويصير شكله مو حلو وابي شي يخلي الضل ثابت وبارز

**][ ريوووف ][** · 24-12-2007, 04:33 PM

هلا حبيبتي همسات

شوفي حبيبتي انا اول مره اسمع عن هذا الكريم

بس رحت دورت عنه ولقيت هذا الموضوع وان شاء الله تستفيدي منه

طبعا معظمكم يعرف اساس ديرماكول و الكفرديرم

انا كنت اسمع البنات يمدحون كفرديرم وقلت اجربه ..طبعا ما عجبني ابدا لانه ثقيل مع اني حطيته مع اساس شارمل وانتوا عارفين ان شارمل سائل بس مافي فايده بالكفرديرم صعب توزعينه

وشفت البنات يمدحون ديرماكول قلت اكيد فاشل نفس كفرديرم ويتعبون البشره لانهم ثقال

ومره بمعرض لقيت ديرماكول بسعر رخيييص جدا واللي تبيع تقنعني فيه وكانت حاطته على وجها وعجبني و جربت التيستر وانصدمت انه خفيف مو مثل كفرديرم ...وشريت منه اثنين لان صعب القاه وقلت اجرب شوراي

وصارت عندنا عروس وجربته ما اكذب عليكم يا بنات يهبللللللل وثابت ويغني عن الكونسيلر ...لان عندي هالات سودا وكنت احط كونسيلر جيرلان بالعروس بس الديرماكول احسننن

وهذي صورته

واذا تبين كريم اساس يبرق برق خخخخ و مايسسيح ولونه نفس الصوالين

شوفي طريقتي في وضع الاساس

اول شي انظف بشرتي

بعدين احط البيس حق فيزرت ترطيبه رووووعه وريحته تجنن و يثبت الميك اب

عقب ما تمتص البشره المرطب احط ديرماكول على كامل الوجه واوزعه باصابعي بدون اسفنجة ماي ولاشي

اخليه على وجهي شوي عقبها احط اساس شارمل بس بالعدال مو دفاشه يا بنات ترى اهو حيل سائل

اخلي الكريم شوي على وجهي لانه اكبر غلط تحطين البودره على طول ... بعدين اجيب بودرة اليزابيث هيلين السائبة و اوزعها بالاسفنجه حقتها ( طبطبه )

بعدين اجيب بودرة فيزرت الزهريه السائبه رقمها 08voile واحطها على كامل الوجه
هذي صورة فيزرت السائبه بس اللون الزهري مو بالصوره

وطبعا لاتنسون تحطون الاضاءة حقت بي ان وتحطون منها على الخدود وعظمة الحاجب بس بخفففففة مو واجد و تجيبون لمعة نوبا البيضه الخفيفه وتحطونها فوق الاضاءه عالخدود و حطوا من نوبا على الشدو وعلى عظمة الحاجب وشوفوا شلون خيال

والله بيطلع لكم نفس الصوالين بالضبطططط و انا ما اروح الصالون الا قليلللل لاني متعوده اسوي مكياجي بنفسي والناس عبالهم رايحه صالون ...لأني اعتمد عاللمعات واللوز بودر البيضه والشدو المائي.. وترى الخطوات السابقه تضمن لكم ان الكريم ماراح يسيح ابدا مهما ردحتي بالعرس خخخخ يعني full options

بس نصيحه يا بنات ديرماكول للاعراس فقط مو للاستعمال اليومي ...

**أم وسن** · 13-01-2008, 04:07 PM

هذي أول مشاركة لي : زواج اخوي قريب ولالقيت فساتين جديدة في المتديات بليز ساعدوني أبغى أكون شيك وتعومة في الزواج بلييييييييييييييييز هلب مي

**همسات 2008** · 05-03-2008, 12:36 AM

اهلين كيفكم لو سمحتي انا لما احط الضل يصير واو روعه والالوان قويه وبعدين بعد مرور ساعه يصير باهت ولا كاني حاطه
جربت انواع واجدمن الضل المائي والمخملي ولكن من غير فايده كلو يبهت ابي حل لثبات الضل ويصير لونه غامق ما يبهت

ودمتي لنا ويسلموووووووووووووووووووووووووو اسفه على الاطاله

**][ ريوووف ][** · 05-03-2008, 09:32 AM

هلا حبيبتي

منوره موضوعي بطلتك الحلوه

شوفي حبيبتي اول شي لازم يكون الظل اصلي

عشان يزبط معاكي

وثاني شي انا لمن اجي احط الظل

اول شي اسويه من بداية الرموش لين الحاجب

احط اساس كريمي وبعدين احط فوقه الظل اللي ابغاه

معلومه : لاتحطي الاساس الكريمي تحت العين

الا بعد ماتخلصي عشان ماتلصق فيه الظل المتناثر

وبعد ماتخلصي من الظل حطي الاساس الكريمي والبودره على كامل الوجه

وكملي الميك اب

وان شاء الله يزبط معاكي الظل

**هتان** · 24-05-2008, 03:07 PM

لو سمحتووووو حبيباتي القائمات على مشغل عبير مشكورين كتير على مجهودكم وانا شخصياً استفدت من معلوماتكم كتير
ولو سمحتوا لي عندي سؤال اذا ممكن
قرأت في الزيوت الخاصه بتكثير الشعر احداها فيه فلفل بس ساير عندي شك فلفل حار او الفلفل البارد العادي
ارجو توضح ذلك لي ومشكورين تاني على معلوماتكم المفيده اللي انا ما استغني عنها
وشكراً

مشغل عبير للأزياء والأستشارات التجميلية والحوارات النسائية

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

google Ad Widget