جتني تقول انها إرجعت**ولا رجع غير العذاب
جتني أشيل جرحها**وانا جريح الذاكرة
جتني تهيم من التعاب**يومن سكن جرحي غراب
دايم يذكرني بها**خلى جروحي ساهرة
يا هيه ياحبا مضى**سافر مثل كل السحاب
توك رجعت يوم انتهيت**حتى جروحي ضامرة
يامرحبا ألف ارحبو**إنتي وجرحك والغياب
ياهاجرة قلبي زمن**هيا[أقلطو]يامهاجره
[قلطتكم]جل الجراح**اما انتي فقدرك تراب
خنتي ابدوي خشمه نجم**روس الجراح تساهره
فيني قصيد ودموع وشوق**وفي داخلي لك ألف باب
وفي داخلي حبا كبير**ولا قويت اكابره
ياما حلمت وكل شي فيني**يقول انك سراب
وأذهن وفي عيوني دموع**كنها الليالي الماطرة
جتني حلم**وحلم العصر كنه ضباب
ياليتها ماجات أبد**حتى ولو هي عابرة
جاني البشير برجعتك**ولارحع غير العذاب
وش لون ابنسى كل شي**وأنا جريح الذاكرة
كلمات الشاعر الجنوبي[محمد الشنافي]