أحداث خطبة واحد فاضي من خاله

تقليص
X
 
  • الوقت
  • عرض
إلغاء تحديد الكل
مشاركات جديدة
  • واحد فاضي
    عـضـو
    • Oct 2006
    • 20




    • اللي يبي توقيع يدق على بيجري و يحصل الرقم عند هندي المغسلة خخخخخخخخخخ :m: :m:

    أحداث خطبة واحد فاضي من خاله

    أحم أحم

    أحداث العالم في يومين

    في عام 1428 ه وفي عائلة من اعرق عوائل المجتمع السعودي حدث تغيير في تركيب العائلة الاجتماعي

    حيث أقدم المدعو واحد فاضي كرتهاي باكستاني الجنسية بتهريب الهروين المخدر >>> صارت أخبار القناة الأولى يوم الجمعه خخخخخخخ

    عاد المهم فالأمر لو إن مالي نفس أضحك بس أبي أقولكم سالفة خطبتي بالمختصر .

    يمكن اغلبكم يدري إني قررت في يوم من الأيام إني أصير رب أسرة وأشتري أغراض البيت من السدحان وأحاسب الكاشير >>> ورى ما تختصر

    طبعا ً فاتحت أهلي بالموضوع ولا أحد عطاني وجه >>> بلاه من ادلاخه خخخخخخخخخخخ

    قلت لأمي : يا يمه أنا ابي أتزوج قالت : من تعيست الحظ قلت : بنت خالي حمد .

    طبعا ً أمي ما ردت علي ّ بس صكتني بصحن الفصفص على وجهي خخخخخخخخ

    طلعت ورحت لأخوي اللي أحس أنه أفهم أخواني وهو أخوي طخيمان ( المذكور انفا ً ) أكيد تعرفونه .

    قلت : يا طخيمان أنا ابي أقولك شي . قال : تفضل . قلت : أنا ابي اتزوج . قام وسلم عليّ وقال : مبروك >>>> لا باين عليه فاهم

    قلت : يا دلخ أنا للحين ما تزوجت , بس اسمع أنا ابيك تروح معي لخالي حمد عشان أمي رافضه

    وأنا ما اقدر أروح لوحدي وأنت تخبر >>> بلاه من الطعات خخخخخخخخخ

    قال : أبشر بعزك . قررنا نروح لخالي حمد يوم الخميس العصر >>>> وقت درس خصوصي موب خطبه خخخخخخخخخخ

    المهم رحت أنا الأربعاء بعد المغرب واشتريت لي أغراض للخطبه وأكيد أنتم تعرفونها ما ودي أقولها كلها عشان بعضها خاص >>> قوول قصم خخخخخخخخ

    الأغراض اللي اشتريتها كثيرة بس عاد من ضمنها (نظارة شمسية , كبك أخضر , كندره رياضية , تلوين مائي , هندسة >>> بس بس دراسة وإلا خطبة خخخخخخ

    رجعت للبيت حاولت أنام بس ما جاني نوم من كثر ما فكرت كيف أفاتح خالي بالموضوع >>> موب متعود خخخخخخخخخخخخخخ

    طلع الصبح وأنا مانمت غير 13 دقيقة . تقابلنا أنا و طخيمان على الغدا وسألته كيف أفاتح خالي بالموضوع وقال : خلها على أخوك >>> الله يستر

    طلعت أنا وطخيمان للغرفة وقلت : هاه يالذيب وش عندك . قال : اسمع ترى خالي حمد اذا عرف إنا نبي نخطب منه يبي يقعد يتمنن علينا

    لازم نخليه يوافق على خطبتنا وحنا ما خطبنا . عاد أنا حاولت أفهم السالفه ما قدرت , وقتها شكيت إن عملية اللحمية اللي سواها طخيمان بخشمه أثرت على مخه

    قلت : طيّب اشرح لي . قال : حنا نبي نروح عند خالي وانت لا تتكلم انا اللي ابي افتح الموضوع قلت : خلاص موافق موافق

    بعد ما صلينا العصر أنا وأخوي طخيمان الموقر مرينا بقالة الهندي كومار وتسلفت منه كرتون كيك تمره هدية بمناسبة الخطوبة >>> أمحق خخخخخخ

    ركبنا الموتر ورحنا لبيت خالي حمد طبعا ً كعادته طخيمان شغل أعنية الأماكن وفق خشة بالطريق السريع ومشى 170 ك / ساعه

    وفجأة سمعنا صوت ( قاقو قاقو قاقو قاو يا طخيمان أنت واخوك وقفوا ) >>> حتى المرور يعرفونهم .

    قلت : وش ذا يا طخيمان . قال : شكلنا نبي نخطب بالناصرية . ( الناصرية = سجن المرور بالرياض ) قلت : لا مستحيل أخاف يخرب كيك التمره اللي معنا >>> عليه تفكير خخخخخخ

    قال طخيمان : خلها على أخوك . وقفونا المرور قالوا ليه مسرعين يا دلوخ أنا قمت أأشر على طخيمان >>> نذل

    المهم بعد التطلب والتميلح على المرور فكونا بس ما فكونا غير الساعه 6 . ما باقي على أذان المغرب غير ربع ساعه ومشوار بيت خالي نص ساعه

    ألحق ما تلحق نبي نلحق خالي حمد قبل يمشي من البيت وصلنا بيت خالي حمد بعد المغرب أنا قلت مستحيل تروح النظارة الشمسية خسارة ولبست النظاره والدنيا ليل

    دخلنا بيت خالي ناظر فينا خالي حمد من تحت إلى فوق بس انا الحمد لله كنت متكشخ ولابس كندرة رياضيه قال : يالله حيهم وهو ماله نفس ويتوقع إن صاير شي

    أنا بقيت على وصية طخيمان وقلت ماني متكلم , راح خالي يجيب القهوة وطلعت كيك التمره من الكيس وكتبت عليه بالتلوين المائي ألف مبروك وحطيت تحت رقم جوالي >>>> نكبه خخخخخخ

    دخل خالي حمد وصب القهوة لنا قال طخيمان : يا خالي الواحد يبدا صغير بعدين يصير كبير وإذا صار كبير يبي يجيب صغير عشان الصغير يصير كبير >> على باله اسلوب

    قال خالي حمد : وخير إن شاء الله تبي شي أنت .

    قال طخيمان : الحين ما تحس إن بنتك مسويه لك قلق بالبيت وبالمصاريف ما ودك تشوف لها حل >>> جاب العيد خخخخخخخ

    قال خالي حمد : وأنا مشتكي لك منها .

    قال طخيمان : لا , بس أنا حبيت أطرح عليك فكرة . قال خالي : وش الفكرة . قال : نجوزها واحد ( اللي هو أنا ) >>> خطبة مدري وش تبي

    قال خالي حمد : وأنت موافق . قلت أنا : أيه موافق يا خالي

    قال خالي : طيب يهمكم راي البنت . وكان خالي يبتسم ابتسامت مكر وخديعه

    أنا كنت ابي اقول ما يهم رايها عشاني كنت متوقع انها ترفض بس طخيمان الدلخ قال أيوه يهمنا رايها

    صوّت خالي على بنت وجات . قال : يا بنيتي ولد عمتك واحد فاضي يخطبك أنتي وش رايك , ناظرت فيني البنت أنا قمت أوزع ابتسامات وأبين الكندرة الرياضيه والكبك الأخضر

    قالت : بسم الله اللهم لك الحمد والشكر . وراحت

    أنا حاولت أرقع السالفه قلت : با خالي بنتك قالت بسم الله عشان ما تنظرني لأني مشخّص

    قال خالي : أيه بالحيل يا جواد العلي وبعدين وش الكيك ذا وش اللي مكتوب عليه .قلت : ذا عربون صداقه قصدي هدية بمناسبة الخطوبة

    قام خالي وأخذني أنا وطخيمان بأذانينا وقال : أطلعوا ولا اشوفكم جاييني بعد اليوم أنت ويّاه وأخذوا كيك التمره يا دلوخ معكم

    قلت لطخيمان : كل السبب منك يا مخفه أنت اللي خليت خالي يعصب

    قال : أصلا ً أنت غلطان فيه أحد يجي يخطب ما جابه معه تحليل عن السكر >>> يسمع بتحليل قبل الزواج خخخخخخخخخخخ

    رجّعت كيك التمره لكومار وأيقنت إن بالعائلة من هو أدلخ مني

    ( كتبها واحد فاضي والحزن يملأ أذنيه )
  • صاحبة سمو القلب المغرور
    عضو ذهبي
    • Apr 2006
    • 882
    • " كم من الأنبياء يجب أن يبعث الله في الأرض حتى نعلم أن بعض ما يقيدنا به المجتمع ليس حقا ,
      وإنما هي عادات تحورت لتأخذ شكل العقيدة ,
      فصار كل من يخرج عنه وهو على حق ,
      كأنما خرج من ملته التي يستعصم بها"





      للضرورة فقط


    #2
    رد : أحداث خطبة واحد فاضي من خاله


    يالبى قلبك ياطخيمان <---- تطالع صورته بالتوقيع

    ياخي انا راضيه بريكو ولا ريكه <--- ياقدمك

    بس خله يوافق علي <---- بررررا

    هع هع

    الله يرجك واحد

    أجل كبك أخضر ؟؟؟؟؟

    وكندرة رياضيه ؟؟؟ <---- كندره لحالها ذكرها بأيام أم رقبه ( الهاي نك بعد ماتطورت منفوحه )

    وبعدين أموت وأعرف ليه سادح رقمك عالكيك ؟! !

    إلا عنتي صؤال . . وت سيارتكم اللي رحتو فيها <---- سرعتها 170 لازم تعرفها


    يعتيك العافيه واحد . . لاتبخل بجديدك

    تعليق

    • واحد فاضي
      عـضـو
      • Oct 2006
      • 20




      • اللي يبي توقيع يدق على بيجري و يحصل الرقم عند هندي المغسلة خخخخخخخخخخ :m: :m:

      #3
      رد : أحداث خطبة واحد فاضي من خاله

      ChOcO CaNdY


      يثلمووووووووووو على المرور والدوريات وما شابهها >>> بس بس بس

      عاد بيني وبينك للحين ما غيرتي فكرتك في طخيمان حتى بعد اللي حصل ههههههههههههههههههههههاي


      ورقمي سجلته عشاني أسمع إن الولد يكلم البنت قبل الزواج >>> كان واثق إنه يبي يتزوج خخخخخخخخ

      وسيارتنا ددسن حق ولد جارنا أبو محماس صارقينها منهم


      تحياتي لمن طامر في صفحاتي خخخخخخخخخخخخخخخخخ

      تعليق

      • روح الورد
        عضو متألق
        • May 2006
        • 373

        #4
        رد : أحداث خطبة واحد فاضي من خاله

        ههههههههههههههههههههههههههههههههههههههههههههههه

        بصراحه خطبه تهبل بس نهايتها حزينه لوووووووووووووول

        يعطيك العافيه ^_^

        تعليق

        • الأعصار
          عـضـو
          • Mar 2007
          • 7

          #5
          رد : أحداث خطبة واحد فاضي من خاله

          مشكور على الموضوع

          تعليق

          • واحد فاضي
            عـضـو
            • Oct 2006
            • 20




            • اللي يبي توقيع يدق على بيجري و يحصل الرقم عند هندي المغسلة خخخخخخخخخخ :m: :m:

            #6
            رد : أحداث خطبة واحد فاضي من خاله

            روح الورد


            خخخخخخخخخخخخخخخخخخخ هي رهيبه بس لو طخيمان فاكنا من أفكاره أمدانا نتزوج k

            يثلمووووووو على المرور


            تحياتي لمن طامر في صفحاتي


            وي وي وي وي

            تعليق

            • واحد فاضي
              عـضـو
              • Oct 2006
              • 20




              • اللي يبي توقيع يدق على بيجري و يحصل الرقم عند هندي المغسلة خخخخخخخخخخ :m: :m:

              #7
              رد : أحداث خطبة واحد فاضي من خاله

              الاعصار

              يثلموو على المرور >> هوا يا الاختصار خخخخخخخخخخخخ


              تحياتي لمن طامر بحياتي قصدي بصفحاتي


              وي وي وي وي وي

              تعليق

              • قطريه وكلي فخر
                عـضـو فعال
                • Mar 2007
                • 71

                #8
                رد : أحداث خطبة واحد فاضي من خاله

                مشكور واحد فاضي على قصة حياتك(خخخ)

                تعليق

                • واحد فاضي
                  عـضـو
                  • Oct 2006
                  • 20




                  • اللي يبي توقيع يدق على بيجري و يحصل الرقم عند هندي المغسلة خخخخخخخخخخ :m: :m:

                  #9
                  قطريه

                  هلا فيك


                  منوررررررره

                  تعليق

                  • لوالعمربيدي كان انولدت...
                    عـضـو فعال
                    • Jan 2008
                    • 64

                    #10
                    ههههههههههههههههههههههههههههههههههههههههههه

                    الله يرجكم انت واخوانك ههههههههههههههههههههه


                    هههههههههههههههههههههههههههههههههههههههههههههههههه

                    تعليق

                    google Ad Widget

                    تقليص
                    يعمل...